دايما كانت لي ملاحظة على المسلسلات البحرينية بس كنا نطوف قبل
ولكن لما تابعت مسلسل عيون من زجاج اللي يعرض على قناة ال Mbc الساعة 12 بتوقيتنا الصراحة مب متخيلة ان اللي اشوفه مسلسل خليجي كاني اشوف فيلم هندي الصراحة و خاصة الحلقة من يومين اغتصاب بطريقة بس الله يسامح الممثلة اللي رضت على نفسها بهالدور!!! و مطلعين شرب الخمر في المسلسل كانه شي عادي و بيوت دعارة و قصص حب بطريقة مبالغ فيها وكانك تشوف فيلم هندي …الحب موجود في الواقع و لكن بالصورة اللي هم موضحينها اعتقد قليل جدا اذا ما كان نادر…واحد يحب وحدة متزوجة و يبغي يفرقها عن زوجها لانها تشبه زوجته اللي كان يحبها
وواحد ثاني ما عنده شغلة الا طول الوقت يراقب وحدة يحبها و يلاحقها من مكان الى اخر
يعني كان الواحد في هالدنيا ما عنده شغلة غير الحب !!!
حتى لو المجتمع الخليجي فيه الكثير من العادات السيئة ولكن ليس بهذه الصور وكان المجتمع البحريني مافيه شي زين و دايما في كل مسلسل بحريني يكررون نفس الشي (بيوت دعارة وشرب خمر و قصص حب و علاقات غير شرعية و اطفال غير شرعيين……….الخ)
وين ايام قبل يوم كنا صغار ؟؟؟ المسلسلات الخليجية كانت جدا محترمة ومافيها شي يخدش الحياء او ان الواحد يستحي يتطالعه …..
الحين المراهقين اللي يشوفون هالقطات و مثل هالمسلسلات ومن كثر ما بيشوفونها الامر بيستوي عادي عندهم
الله يسامح بعد كاتب السيناريو و المخرج و الممثلين!!!
المسلسلات البحرينية دايما تكون جريئة زيادة عن المسلسلات الثانية.
بعدين لا تنسون وصية المرحوم…خخخ
صدقت المسلسلات القطرية محترمة وواقعية جدا و هذا هو سبب نجاحها
و يظهرون الوجه السيء و الجيد للمجتمع و هذا هو الشي الزين
مب البحرينية بشكل خاص كله سيء في سيء
اغاني: حب
مسلسلات : حب
افلام: حب
وين ما نروح حب
حتى سنوات الضياع يا اختي مضيعة للوقت و في النهاية قصص حب مثل المسلسلات المكسيكية اللي كانوا يحطونها لنا من قبل و نحن نتابع بلا هدف و الحلقات عادي توصل فوق ال 100!! وين العقل؟؟
اللبس خلاص انسي صار عادي بالنسبة لنا …بس في اشياء اكبر بوايد في هالمسلسل اتقولين يالسين نشوف فيلم مصري و الا هندي ما بقول امريكي او غيره
حتى بدرية احمد ترى دورها كان وايد احسن من غيرها و خاصة الممثلة البحرينية شيماء سبت و الثانية الله يسامحها كيف رضت على نفسها!!
الحين المراهق اللي ما يعرف الصح من الغلط بيتاثر من اللي يشوفه في هالمسلسلات!!