دايما كانت لي ملاحظة على المسلسلات البحرينية بس كنا نطوف قبل
ولكن لما تابعت مسلسل عيون من زجاج اللي يعرض على قناة ال Mbc الساعة 12 بتوقيتنا الصراحة مب متخيلة ان اللي اشوفه مسلسل خليجي كاني اشوف فيلم هندي الصراحة و خاصة الحلقة من يومين اغتصاب بطريقة بس الله يسامح الممثلة اللي رضت على نفسها بهالدور!!! و مطلعين شرب الخمر في المسلسل كانه شي عادي و بيوت دعارة و قصص حب بطريقة مبالغ فيها وكانك تشوف فيلم هندي …الحب موجود في الواقع و لكن بالصورة اللي هم موضحينها اعتقد قليل جدا اذا ما كان نادر…واحد يحب وحدة متزوجة و يبغي يفرقها عن زوجها لانها تشبه زوجته اللي كان يحبها
وواحد ثاني ما عنده شغلة الا طول الوقت يراقب وحدة يحبها و يلاحقها من مكان الى اخر
يعني كان الواحد في هالدنيا ما عنده شغلة غير الحب !!!
حتى لو المجتمع الخليجي فيه الكثير من العادات السيئة ولكن ليس بهذه الصور وكان المجتمع البحريني مافيه شي زين و دايما في كل مسلسل بحريني يكررون نفس الشي (بيوت دعارة وشرب خمر و قصص حب و علاقات غير شرعية و اطفال غير شرعيين……….الخ)
وين ايام قبل يوم كنا صغار ؟؟؟ المسلسلات الخليجية كانت جدا محترمة ومافيها شي يخدش الحياء او ان الواحد يستحي يتطالعه …..
الحين المراهقين اللي يشوفون هالقطات و مثل هالمسلسلات ومن كثر ما بيشوفونها الامر بيستوي عادي عندهم
الله يسامح بعد كاتب السيناريو و المخرج و الممثلين!!!
ب. أ فاسخه الحيا مره في هذا المسلسل … تقول وحده روسيــــــــــــه
انا لما اشوف هالمسلسلات اضحك على المخرج اللي اظن انه يفكر وصل بفكره للعالمية او حتى لتوصيل فكرة او معنى او حتى مفهوم جديد .
انا اقوله انه وصل للعالمية ووصل لمفهوم جديد لنفسه ، لان العالمية مابيوصلها بهالطريقة وكان احسله يناقش موضوع الحجاب اللي كل يوم يطير ، يحكي قصة كفاح عائلة شريفة كيف تحاول تعيش حياتها بكرامة ولا يورينا اشياء تستوي في بيوت ناس مش متربين وصدقوني اهل البحرين وااايد طييبن ونادر ماتشوف هالاشكال هناك بس ماادري هالمخرج من ويين يطلع بهالمشكلات حتى المسلسلات الانجليزية لاقصصها ولا التمثيل خايس مثل هالمسلسلات التافهة اللي هو مستخدم فيها كل ادوات الجذب المحرم ما أظني انه يرضى حد من اهله يمثل اي دور منهن واذا كان يرضى فعلى الدنيا السلام ….
وسلمتم…
انا تابعت بعض حلاقات من المسلسل المذكور وقرفت منه …. قد يكون بعض الموجود من الواقع لكن ارى انهم يدسون السم فى العسل فى بعض الافكار فيها تشجيع على الانحراف اكثر من كونه نقد للواقع ….
بالنسبه لملابس الممثلات مبتذل والمفروض يكون اينقدون عمارهم ولبسهم قبل لا ينقدون واقع الناس فى تمثيل هابط ومبتذل .
الله يكفينا ويكفى المسلمين شرهم ما ظهر منها وما بطن .
والله العظيم شفت الحلقه في الليل وبصراحه ما رقدت ..قلبي ايعورني اقول الين هذا المستوى وصلنا,,
شو هذا ما اتقول مسلسل خليجي ..والله شي ما يدخل العقل ..وين الحياء وين الدين وين العادات والتقاليد…كلمه مسلسل قليل الادب اشويه عليه…
انا بصراحه اخيس مسلسل خليجي شفته في حياتي ما توقعت مستوى الممثلات والممثلين ينزل لهاي الدرجه ..
عافان الله عاد على شان شو ..فلووووووووس ولا شهره..
استغفر الله العظيم
يا رب
اللهم لا تؤاخذنا بما فعله السفهاء منا
صدقت يا مراقبنا .. و يا مرحبا بج اختي business woman من يدييييد ^^ ..
من رااااايي انهم قاموا يتسابقون على السفور و قلة الحياااااا .. الله يهديهن و يستر علينا و عليهن .. و عمليات التجميل حدث و لا حرج
شفت من هالمسلسل لقطات فقط (الصبح قبل لا أطلع للدوام)