اذا كان المسمى الوظيفي يؤثر على الراتب
فان هناك بعض الوظائف مسماها عكس راتبها
تحصل منسق لجنة كذا وكذا وراتبه اعلى من راتب مدير إدارة مثلا
سؤال — هل تبحث عن المسمى الوظيفي ام عن الراتب الافضل والمميزات الاخرى
اذا وضعوك في موضع اختيار ايهما تختار ..؟؟
بمعتى
مدير ادارة = 30.000 درهم
منسق او ضابط او او او = 40.000 درهم
الوافدين أول ما يو البلاد كان شعارهم:
“أعطني راتبي و اكدحني من الصباح حتى المساء”
و شوفوا وين صاروا و وين صرنا.
إحنا يالسين، والله أبغى الراحه النفسيه و أبا المنصب و أبا مادري شو.
عمي، أهم شي الراتب. من غير الراتب، إنته ما تسوا شي.
واللي يتكلم عن إنك يوم تسير تقدم على شغله يديده بيسألونك شو شغلتك الجديمه.
منو يقول هالكلام. أنا قابلت أكثر من شخص، و أسألهم هالسؤال و أنا موقن تمام اليقين إنهم بيجذبون و بيقولون إنهم مدراء. على مدى هالسنين، بعمري ما سمعت واحد منهم يقول إنه كان موضف عادي.
الراتب مثل الدينمو المحرك للوظيفه….يوم بيريحك الراتب اكيد راح تعطي اكثر فى الوظيفه وما باصدق حد يقول ليه انا اشتغل شغل المدير بس راتبي اقل و مرتاح!!
بعد الراتب مايقل اهميه عن المسمى الوطيفي..مثال..يقول لك “فلان يشتغل هالشلغه بس شووو راتبه ولا راتب مدير”…
باختصار انا ادور الوظيفه مع الراتب الافضل والمميزات اللى توفر الراحه …والا… “بدالها عشره يا عمي”
الراحة النفسية في المقام الاول
وأن يتناسب المسمى مع الدرجة
كلام 100%100
هو يعتمد على نوع المنصب بالتحديد يعني اذا مدير إدارة في البلديه او أي مكان حساس يعني يقدر من خلاله الواحد يسوي نفوذ اكيد باختار مدير الإدارة
لكن اذا مدير في مكان عادي مايقدر الواحد يسوي شي اكيد باختار الراتب