اتوقع بعد مرور خمس سنوات من الان…. ان تكون عاده المسيره في اليوم الوطني عاده في كل بيت… لاننا لو نظرنا الي الماضي القريب ( الخمس سنوات الماضيه) نجد ان المسيره وتزين السيارات لم تكن موجوده …. لكن هذي الايام الكثير من الشباب والبيوت يزينون السيارات في هذا اليوم الوطني … بصور وعبارات تكون في العاده رموز وطنيه ……ويحتشدون في مسيرات منظمه ……..واحس انه بيي يوم من الايام وبتطور العاده … و ان جميع فئات المجتمع مشاركه في المسيرات … والواحد لازم يزين سياراته ويكون لابس الشال الملون بالوان علم الامارات ……..لان هذي العاده بتطور مع الايام…. وهذي عاده فيها وطنيه واحتفال وتفاخر بالمناسبات الوطنيه ……….
بس لى ملاحظه على شباب الدار …الله يهديهم في المسيرات …. تلقاه ملون السياراه من اولها لين اخرها وحاط صور …… وفي الاخير تلقاه لابس بنطلون وقميص ومربي شعر كأنه شعر بنت وهو ولد البلاد … اصل وفصل …..يعني ….الشكل مايدل على الوطنيه … بس تعرف انه مواطن يوم يتكلم وتسمع رمسته…….
ملاحظات اخرى اتمنى اني اشوفها في الشباب الى عندهم وطنيه بس ايام المسيره ….والي يحبون يظهرون فيها وطنيتهم :
- اولا وقبل كل شي ان يكون مرضي ربه واهله.
- يكون مثال للتفوق في دراسته اذا كان طالب.
- يكون موظف منتج ويخدم وطنه.
- يكون مثال في احترام القوانين العامه. يعني مايكون في المسيره وضارب بالقوانين العامه عرض الحائط.
- الحفاظ على ممتلكات العامه … يعني يحافط على ممتلكات الدوله من العبث والضرر.
- احترام نظافه المكان الي يكون فيه … مثلا مايكون ماشي في المسيره ويعق الكشره من الدريشه.
- ان يحترم ويقدر الناس سواء كانو مواطنين او وافدين ويكون عون لهم.
بأختصار المفروض الواحد يكون عون وسند في اليوم الوطني وكل ايام السنه ويكون عضو منتج في المجتمع وان الوطنيه ماتكون في يوم واحد بس.
الاتزام بالقوانين اهم شي, والمسيرة شي عادي صراحة ما اشوف انها تضر احد وهو يوم واحد فقط لا غير.
السلام عليكم ورحمة الله وبركاته
موضوع طيب
برايي المتواضع .. اشوف مب لازم نسوي مسيرات .. الواحد شو يستفيد من المسيره ..؟
بعطيكم مثال .. قد شفتوا دولة في العالم الحضاري المتقدم تحتفل بنفس الطريقة الي عندنا ..؟
كم تكلف الدولة من مبالغ خيالية لحفظ الامن في هذا اليوم ..؟ ومن نظافة ..؟ ومن صيانة .. وترميم عقبها ..؟
والله مهزلة ..
المفروض الي شاد حيلة ويبى يفرح .. يفرح في قلبه .. وفي بيته .. يحط علم عووود على البيت .. او الخ .. مب يتمشى في الشوارع ( خسارة ) ويرش فلان وعلان !!
مب مقتنع بالمسيرات .. ولا يوم بيي اقتنع فيه .. تصدقون ان يوم العيد الوطني ما اظهر من البيت ..!! مستحيل !!
بالفعل عادة اعتبرها غير صحيحة ومسيئة لبلادنا .. كيف بنوصل للدول المتقدمة وعندنا عقلية للوراء
والسموحة
المسيره المفروض تكون حضاريه مش اللي نشوفها الحين .. تبا تعق اللي في راسك دورلك اكبر سيح وسو اللي تباه
انا اتمنى استمرار المسيره في حاله وحده !! تكون منسقه من “أ” الى “ي” مع الشرطه وتبدأ من مكان وتنهي في مكان
اللي يبا يرش الثاني ماعليه لكن بحدود رش السياره رش الدرايش الا دريشه الدريول و الجامه الاماميه وعدم فتح ابواب
السيارات الاخرى وعدم التعرض لاي فتاه أو امرأة ويكون ممنوع الاستعراض بإي شكل من الاشكال كانت وعلى طول اللي
يستعرض تصدير السياره واللي يطلعون من الدرايش بعد ممنوع انا واصلني خبر من البارحه ان في ولد صغير مابين 4-6
طايح من سياره وداسنه اكثر من سياره وتوفى الله يرحمه !!!!!! وانا كم نبهت ماحد يطلع من الدرايش والله خطر ياناس
كيف يهون عليك ولا عليج تعلقون عيالكم بين الدرايش واي واحد يلف على السياره ولا يطيح بيروح فيها ؟
تباهو والله يحق لكم ياعيال زايد بس بالعقل وبالاسلوب الحضاري والراقي نحن شعب مش سطحي ولا تخلون الغير يشوفنا
سطحيين !!
والله المستعان
مهما كان التنظيم
لازم من اعمال الشغب والمخالفات
والعادات اللي مالها صله بشعبنا ولا عاداتنا
ولا وطنيه
اولا وقبل كل شي ان يكون مرضي ربه واهله.
يكون مثال للتفوق في دراسته اذا كان طالب.
يكون موظف منتج ويخدم وطنه.
يكون مثال في احترام القوانين العامه. يعني مايكون في المسيره وضارب بالقوانين العامه عرض الحائط.
الحفاظ على ممتلكات العامه … يعني يحافط على ممتلكات الدوله من العبث والضرر.
احترام نظافه المكان الي يكون فيه … مثلا مايكون ماشي في المسيره ويعق الكشره من الدريشه.
ان يحترم ويقدر الناس سواء كانو مواطنين او وافدين ويكون عون لهم.
بأختصار المفروض الواحد يكون عون وسند في اليوم الوطني وكل ايام السنه ويكون عضو منتج في المجتمع وان الوطنيه ماتكون في يوم واحد بس.
المسيرات ما وراها الا خسارة فلوس يوم تزين السيارة و خراب للشوارع و ازعاج للناس … صراحة انا ضد شي اسمه “مسيرة”