اتوقع بعد مرور خمس سنوات من الان…. ان تكون عاده المسيره في اليوم الوطني عاده في كل بيت… لاننا لو نظرنا الي الماضي القريب ( الخمس سنوات الماضيه) نجد ان المسيره وتزين السيارات لم تكن موجوده …. لكن هذي الايام الكثير من الشباب والبيوت يزينون السيارات في هذا اليوم الوطني … بصور وعبارات تكون في العاده رموز وطنيه ……ويحتشدون في مسيرات منظمه ……..واحس انه بيي يوم من الايام وبتطور العاده … و ان جميع فئات المجتمع مشاركه في المسيرات … والواحد لازم يزين سياراته ويكون لابس الشال الملون بالوان علم الامارات ……..لان هذي العاده بتطور مع الايام…. وهذي عاده فيها وطنيه واحتفال وتفاخر بالمناسبات الوطنيه ……….
بس لى ملاحظه على شباب الدار …الله يهديهم في المسيرات …. تلقاه ملون السياراه من اولها لين اخرها وحاط صور …… وفي الاخير تلقاه لابس بنطلون وقميص ومربي شعر كأنه شعر بنت وهو ولد البلاد … اصل وفصل …..يعني ….الشكل مايدل على الوطنيه … بس تعرف انه مواطن يوم يتكلم وتسمع رمسته…….
ملاحظات اخرى اتمنى اني اشوفها في الشباب الى عندهم وطنيه بس ايام المسيره ….والي يحبون يظهرون فيها وطنيتهم :
- اولا وقبل كل شي ان يكون مرضي ربه واهله.
- يكون مثال للتفوق في دراسته اذا كان طالب.
- يكون موظف منتج ويخدم وطنه.
- يكون مثال في احترام القوانين العامه. يعني مايكون في المسيره وضارب بالقوانين العامه عرض الحائط.
- الحفاظ على ممتلكات العامه … يعني يحافط على ممتلكات الدوله من العبث والضرر.
- احترام نظافه المكان الي يكون فيه … مثلا مايكون ماشي في المسيره ويعق الكشره من الدريشه.
- ان يحترم ويقدر الناس سواء كانو مواطنين او وافدين ويكون عون لهم.
بأختصار المفروض الواحد يكون عون وسند في اليوم الوطني وكل ايام السنه ويكون عضو منتج في المجتمع وان الوطنيه ماتكون في يوم واحد بس.
المسيرة كانت احلى يوم في حياتي بالعكس وايد ناس ورياييل شالين حريمهم وعيالهم فالسياره ويرشون عالناس رغوه
واليهال مستانسين ولي شاركو فالمسيره اكثر من لي جلسو فبيوتهم ولي مش عاجبتنه المسيره ما يطلع من بيتهم
هاليوم الا يوم فالسنه يقعد فبيتهم احسله صح كان شي شباب وبنات مصخروها وقليلن الادب لاكن ها مش معناته نمنع
المسيرة عشان قلة من الاشخاص السيئيين لي كانو يرقصون ويغلطون عالناس بمزحهم الثقيل كرش الماي وغيره الا يهال الله يهديهم
للأسف السلبيات كثيرة خاصة القاء القمامة وتوسيخ الشوراع والطرقات بكميات ضخمة من مخلفات الزينة وايضا رفع صوت
الموسيقى والأغاني الغربية والرقص عليها سواء من الشباب او البنات!!!!
انا اشوف قله ادب و خاصه البنات الي ما يستحون ولا عندهم تربيه و اخلاق و ما فيهم ذره ادب و حياااء
صدق الله يحرقهم فشلونا والله
والتحرش و قله الادب و الرقص و اشيا والله الواحد يستحي يتكلم فيها
انا اقول هالطاقه طلعوها فشي مفيد احسن لكم
وانا كرهت اليوم الوطني من هالمصخرة الي تصير فالبلاد من وراه
احترمو نفسكم شوي و خلكم على مستوى عالي من التفكير يليق بمستوا البلاد
البلاد و الوطنيه مش محتاجه منكم قله الادب هاي ( مالها ابد اي علاقه بالوطنيه )
وانا والله اني كنت ادعي يارب الامارات ما تاخذ خليجي 20 عشان هالوصاخه و المسيرات الخايسه الي بتصير لو خذوه ..
وتقبلو رايي بصدر رحب
وطبعا لكل قاعده استثناء
انا اقصد فئه معينه و يعرفون عمارهم
تقبلو مروري و شكرا ع الطرح اخوي
والله يهدي اخواننا يارب و يكبر عقولهم
.
الصراحه ,, الي نشوفه ماله خص بالمسيرات ولا الاسلوب الحضاري وعيب علينا شعب متحضر ومتطور يبدر منا هالامور الي شوفها ف الشوارع ايام المسيرات ,, الدوله تتعب وتنفق الملايين في تزيين الطرق وايون العالم يخربونها في ساعات معدوده !! ليش كل هاذا !!
الشي الثاني اتفق مع كاتب الموضوع ,, الي يبا يشد حيله ويراوينا وطنيته مب في تزيينه لسيارته ولا طلعته من الجامه وتعليقه على الي رايح والي ياي ورش الصابون في ويوه العالم ,,
الوطنيه في الاخلاص للوطن ورفع هامته فوق سواء ف تعليم ,, دين ,, او مجتمع ,,
ماضن الي يغلط على الخلق ف الشارع يرضى حد يغلط على اهله او يبدر هالتصرف من الغير في حق عياله او اي حد يخصه ويعز عليه !! ليش عيل ما نشوف شوي من المسؤليه ف المسيرات والاحترام المتبادل ,,
الكل فرحان ف هاليوم ومحد مش من حقه يفرح ,, بس الفرحه بمعنى الاحتفال الي يليق مب شغب وتصرفات مالها خص بالادب!!!!!!!!!!!!!!
الله يهدي الجميع ,,
اسمحولي اقول رايي بكل صراحة وما حد يزعل
ما يحدث حاليا ليس مسيرة ولكن هو سيرك من قبل مجموعة من المشاغبين اللي وجدوها فرصة لللفوضى والصياعة ومعاكسة البنات وليس لهدف وطني !!! (يستثنى من هذا بعد الناس الموقرين)
ما يحدث هذه الايام مش جميل ولا حضاري ابدا … اختلطت علي الصرعات والطقوس … انا مش فاهم انا في مسيرة .. ام كرنفال … ام فرح … ام هوليوين … ام عيد الهولي مال الهنود اللي يرشون بعضهم بالألوان !!!
قبل كم سنة كنا ننتقد موضوع التفحيط بالسيارات والحركات البهلوانية والخروج من السيارات والصعود فوقها والخروج منها مهي ماشية وما شابه … هذه الايام دخلت موضه حديثة وهي الرش بالبخاخ الابيض على البعض بالاضافة الى رشاشات الماء … يعني انت واقف او ماشي على الكورنيش لتشاهد المسيرة مع عيالك والشباب يرشونك ويرشون اولادك وزوجتك بالماء والرذاذ الابيض … وحتى لو انت في السيارة ما انت خلصان … هل هذه مقبول ؟؟
المسيرة الصحيحة هو تفريغ الكورنيش من السيارات وتمشي فيها عروض جميلة مكونة من الخيالة والمشاه من موسيقى الجيس او سلاح الجو والرقصات الشعبية يشارك فيها ناس متدربون واعلام اماراتية … ولا يأس ان تمر سيارات تحمل مجسمات جميلة تشير الى الامارات والاتحاد.