اتوقع بعد مرور خمس سنوات من الان…. ان تكون عاده المسيره في اليوم الوطني عاده في كل بيت… لاننا لو نظرنا الي الماضي القريب ( الخمس سنوات الماضيه) نجد ان المسيره وتزين السيارات لم تكن موجوده …. لكن هذي الايام الكثير من الشباب والبيوت يزينون السيارات في هذا اليوم الوطني … بصور وعبارات تكون في العاده رموز وطنيه ……ويحتشدون في مسيرات منظمه ……..واحس انه بيي يوم من الايام وبتطور العاده … و ان جميع فئات المجتمع مشاركه في المسيرات … والواحد لازم يزين سياراته ويكون لابس الشال الملون بالوان علم الامارات ……..لان هذي العاده بتطور مع الايام…. وهذي عاده فيها وطنيه واحتفال وتفاخر بالمناسبات الوطنيه ……….
بس لى ملاحظه على شباب الدار …الله يهديهم في المسيرات …. تلقاه ملون السياراه من اولها لين اخرها وحاط صور …… وفي الاخير تلقاه لابس بنطلون وقميص ومربي شعر كأنه شعر بنت وهو ولد البلاد … اصل وفصل …..يعني ….الشكل مايدل على الوطنيه … بس تعرف انه مواطن يوم يتكلم وتسمع رمسته…….
ملاحظات اخرى اتمنى اني اشوفها في الشباب الى عندهم وطنيه بس ايام المسيره ….والي يحبون يظهرون فيها وطنيتهم :
- اولا وقبل كل شي ان يكون مرضي ربه واهله.
- يكون مثال للتفوق في دراسته اذا كان طالب.
- يكون موظف منتج ويخدم وطنه.
- يكون مثال في احترام القوانين العامه. يعني مايكون في المسيره وضارب بالقوانين العامه عرض الحائط.
- الحفاظ على ممتلكات العامه … يعني يحافط على ممتلكات الدوله من العبث والضرر.
- احترام نظافه المكان الي يكون فيه … مثلا مايكون ماشي في المسيره ويعق الكشره من الدريشه.
- ان يحترم ويقدر الناس سواء كانو مواطنين او وافدين ويكون عون لهم.
بأختصار المفروض الواحد يكون عون وسند في اليوم الوطني وكل ايام السنه ويكون عضو منتج في المجتمع وان الوطنيه ماتكون في يوم واحد بس.
الله يرحم ايام قبل .. كان الاحتفال باليوم الوطني معناته:
عرض عسكري
طيران جوي
سيارات بمجسمات للعديد من ملامح الدولة
بنات صغار
اولاد كشافه
……….الخ
لكن .. رايي وبصراااحه وبدون زعل … اسوأ مسيرة هي مسيرة قوم بوظبي .. تلقى هالشباب شرات الهمج ( البعض ) تفحيط وويلات بلا معنى .. ورقص وغباء بلا معنى .. والاسوأ كل واحد مطلع ربيعته ولا مأجر روسية ولا مغربية عشان ترقص له وتسوي له حركات ..
وناس تركب سماعات خارجيه عشان الاغاني الماصخه .. وناس تعلي صوت مسجل السيارة >> يراوي الناس ان الصوت عنده زين ( دعايه خخخخ )
والتزيين حدث بلا حرج .. مب مخلي شي في المحل مب محطيه ع موتره..
والشارع كله زباله .. الله يعين العمال عقب ..
والشرطه مدري شو وظيفتها ؟؟
لكن ما نقول إلا الله المستعان ..
المسيرة شي جميل احيانا .. لكن مب بـ هالغباء والمصخره والصياعه ..
والسموحه
والله أنا كنت أتوقع ربعنا خبايل
تبين لي إن الخبايل وايد في أماكن ثانية
ادخلوا هالموقع وشوفوا الابداع
مسيرات العيد الوطني والتحرير
انا مع المسيرة و الاحتفال و الضحك و الرش والتزيين (لكن حاط دبدوب على السياره اسمح لي شكلك —-)
لكن ضد الرقص و الهرنات و الازعاج و حرق التواير و التحرش و الاضرار في الممتلكات العامه و تعطيل السير
اقتراح السنة الجايه الاحتفال في جزيرة ياس، و يترتب احلى ترتيب، و الناس تستانس و تحتفل
يوم شفت مسيرة الشباب القطري وهم فرحانين بالأولمبياد
والشباب الكويتي وهم فرحانين بكأس الخليج ..
حزنت على أفعال بعض شبابنا وإصرارهم على تشويه صورة الشباب الإماراتي الأصيلة
أتمنى فعلا أن يتم وضع حد للمهازل اللي تصير في كل مناسبة غالية علينا
أو إلغاء المسيرات بالسيايير في الشوارع حسب طلب شرطة دبي
شـكــ وبارك الله فيك ـــرا لك … لك مني أجمل تحية .
بسبب إثارة الفوضى وعدم الالتزام بالقانون ومضايقة وإزعاج الآخرين
حجز297 مركبة وتحرير 25682 مخالفة خلال احتفالات “اليوم الوطني”