اتوقع بعد مرور خمس سنوات من الان…. ان تكون عاده المسيره في اليوم الوطني عاده في كل بيت… لاننا لو نظرنا الي الماضي القريب ( الخمس سنوات الماضيه) نجد ان المسيره وتزين السيارات لم تكن موجوده …. لكن هذي الايام الكثير من الشباب والبيوت يزينون السيارات في هذا اليوم الوطني … بصور وعبارات تكون في العاده رموز وطنيه ……ويحتشدون في مسيرات منظمه ……..واحس انه بيي يوم من الايام وبتطور العاده … و ان جميع فئات المجتمع مشاركه في المسيرات … والواحد لازم يزين سياراته ويكون لابس الشال الملون بالوان علم الامارات ……..لان هذي العاده بتطور مع الايام…. وهذي عاده فيها وطنيه واحتفال وتفاخر بالمناسبات الوطنيه ……….
بس لى ملاحظه على شباب الدار …الله يهديهم في المسيرات …. تلقاه ملون السياراه من اولها لين اخرها وحاط صور …… وفي الاخير تلقاه لابس بنطلون وقميص ومربي شعر كأنه شعر بنت وهو ولد البلاد … اصل وفصل …..يعني ….الشكل مايدل على الوطنيه … بس تعرف انه مواطن يوم يتكلم وتسمع رمسته…….
ملاحظات اخرى اتمنى اني اشوفها في الشباب الى عندهم وطنيه بس ايام المسيره ….والي يحبون يظهرون فيها وطنيتهم :
- اولا وقبل كل شي ان يكون مرضي ربه واهله.
- يكون مثال للتفوق في دراسته اذا كان طالب.
- يكون موظف منتج ويخدم وطنه.
- يكون مثال في احترام القوانين العامه. يعني مايكون في المسيره وضارب بالقوانين العامه عرض الحائط.
- الحفاظ على ممتلكات العامه … يعني يحافط على ممتلكات الدوله من العبث والضرر.
- احترام نظافه المكان الي يكون فيه … مثلا مايكون ماشي في المسيره ويعق الكشره من الدريشه.
- ان يحترم ويقدر الناس سواء كانو مواطنين او وافدين ويكون عون لهم.
بأختصار المفروض الواحد يكون عون وسند في اليوم الوطني وكل ايام السنه ويكون عضو منتج في المجتمع وان الوطنيه ماتكون في يوم واحد بس.
إنا لله وإنا إليه راجعون
والله لو نطبق شي من قواعد الشريعة كان ارتحنا من كتابة مثل هالمواضيع ومناقشتها
( قاعدة سد الذرائع ) (قاعدة درء المفاسد مقدم على جلب المصالح )
الله المستعان
والغريبة في الامر
ان اكثر المشاركين غير اماراتييين !!!
مجموعة من بعض الدول العربية والآسوية
يسووون حركااات ورررقص ورررش وتشويه سمعة الاماراتييين
واليوم الثاني تلقى الصور ومقاطع الفيديو في موقع ( يوتيوب )
فضيحة اماراتية ورقص اماراتي – واماراتية ترررقص على الكورنيش
والكلام الغير اخلاقي ابدا – وتشوية سمعة الوطن والمواطنين
فأفترح تكون المسيرة سيرا عالكورنيش وبدون سيارات وبالزي الرسمي
وبشكل مجموعات ومناطق ويحضرونه الشيوخ والمسؤلين
وفي كل مرة تمر مجموعة امام المنصة مثلا – مجموعة مدينة العين – بدع زايد – الشهامة – بني ياس …
مجرد وجهة نظر واقتراح – والسموحة من الجميع
انزين شو الهدف من رش الرغوة على الناس جذيه الناس تحتفل باليوم الوطني !؟؟ …
ممممممم ماعرف والله كيفهم
شـكــ وبارك الله فيك ـــرا لك … لك مني أجمل تحية .