المشاريع المركبه برؤوس اموال صغيره وارباح عاليه

31 thoughts on “المشاريع المركبه برؤوس اموال صغيره وارباح عاليه”

1. نتابع موضوعناا

   المثال الاول : من فتره تكلمت اني بكتب مشروع بخصوص المعارض

   شوفوا الله يسلمكم الحين بنعرض الية مشروع مركب في قطاع المعارض التجاريه والدوليه

   راح ادخل مباشره في الية العمل يعني دراسه مبدئيه مصغره ..

   اولا : نحتاج نحدد نوع المعرض ويفضل ان يكون تجاري لبيع المنتجات الاستهلاكيه مثل الملابس الادوات الكهربائيه الاغذيه وماشابه

   ثانيا : نحتاج تحديد مكان للمعرض وافضل ان يكون في منطقه مش تجاريه بقوه يعني ماظن ان من عين العقل ان نسوي مثل هالمشروع في دبي لكن نقدر نسويه مثلا في العين او في اي اماره اخرى او اي دولة اخرى

   ثالثا: استخراج التراخيص لاقامة معرض بعد تحديد نوعيه المعرض وموقعه

   رابعا : استئجار صاله كبيره او مركز معارض لمده تتراوح بين اسبوعين – 4 اسابيع

   الحين نبدا بالشغل :

   بعدد ماحددنا نوع المعرض نرسل فاكسات واميلات لجميع المحلات الكبرى والصغرى في جميع الدول اللي عندهم اللي بنعرضه بالمعرض وطبعا الكل بيكون عنده لان احنا قلنا بيكون المعرض لشي استهلاكي

   فنبدا بالتحديد وانا افضل الدول العربيه عموما ونعطيهم عرضنا ان للمشاركه في هالمعرض ونتكفل لكم ان نجيبكم الدوله والتاشيرات ومدةالمعرض لكن نبى منكم رسوم ونحدد الرسوم تمام ..

   2- نكلم شركة طيران ونتفق معاها ان جاينا فوج تجاري للدوله فنبى نخليهم يسافرون على شركتكم ذهابا وايابا لكن نبى نسبه وقدرها مثلا10% من قيمة التذاكر

   3- نكلم فندق ونقول له مثل الكلام ان في فوج تجاري بيي البلاد ونبى نتعاقد معاكم ان هم يسكنون عندكم لكن نفس الشي نبى من عندكم رسوم 10% على قيمة السكن

   4- بعد مانتمم كل هالاتفاقيات نتجه للرعاه ومانخلي محل صغير اوكبير الا نعرض عليه ان يكون راعي برساله مدروسه ان تخليه يصير راعي وطبعا شوي شغل وتركيز تقدر تلقى لك على الاقل ثلاثه رعاه ..

   5- يتم تحديد رسوم لدخول المعرض ماتجاوز خمس دراهم على اقصى حد

   طيب بعد هذا كله خلونا نشوف ارباحنا كيف بتصير ..؟؟

   بنربح من التجار اللي بييون الدوله عشان يعرضون منتجاتهم ويبيعونها
   وبنربح من شركةالطيران ومن الفندق ومن الرعاه ومن التذاكر

   يعني المفروض ان يكون اجمالي الربح تقريبا مابين 200 الف الى 1 مليون على ادنى حد ولازم ان الشخص يربح مثل هالمبلغ لان بيكون شغله صحيح فعلى الاقل يحاول ان يحصل رعاه بحدود 50 الف – 100 الف

   المهم مابى اطول عليكم بالارقام لكن هالمشروع سهل وانا اسميه مشروع مركب لان في اكثر من مكان للربح ومافيه خساير ونفس المشاريع اللي احبها دوم برؤوس اموال صغيره وارباح كبيره ومصادر دخل متنوعه عشان الواحد يضمن ربحه ..

   هالموضوع مجرب ترى وعاد بارباح كبيره واتمنى ان الصوره تكون واضحه

   وتذكروا ان الشخص بيستفيد خبره في مجالات السفر والسكن والتجاره والتنظيم ففي اكثر من فايده بمثل هالمشاريع عشان سميتها بالمشاريع المركبه

   ***** اخواني رجاء انا ارحب بكل اسئلتكم واستفساراتكم بس لحد يسالني شنو هي شركة الطيران اللي نتعامل معاها او عنواين التجار اللي نكلمهم عشان يجون او من هم الرعاه اللي عندهم استعداد ان يرعون

   لان انا اكتب هالتجارب وهالافكار والمشاريع عشان الواحد يستفيد منها لاقصى درجه ويسوي له شي لكن مش عشان ان يكون مشروع كوبي وبيست حتى بالشركات وكل شي لازم التاجر يدور ويسال ويشوف وانا حاضر له بأي شي بس ان البعض يقول الموضوع صعب او مايصير او ابي كل شي سهل واضح هذا الكلام مايصير اخواني

   لاتزعلون مني انا دوم بحاول ان اشارك معاكم كل الافكار عشان بالنهايه كلنا نستفيد بس لازم بعد الشخص يشتغل شوي عشان تنزل البركه بشغله وحلاله وماله

   وبالتوفيق ان شالله وبكتب مثل ثاني بعد للي مايحب الشغل بالمعارض عشان يقدر ان يتحول لتجاره ثانيه

   السلام عليكم ورحمة الله وبركاته

   لله جزيك كل خيربا طيبعلى المعلومات وان شاء لله نسمع اخبار جديد منك و من الاحبا ب

2. الاخ نايف

   انت من وين

   وين قاعد الحين

   لاني بصراحه معجب بافكارك واتمنى ان نتعاون

   وشكرا لك

3. السلام عليكم

   ماشاءالله عليك ياخوي نايف دومك مبدع وان شءاالله دوم تكون في المقدمه والى الامام

   وشكرا كل الشكر لك على هالمشاريع الرائعه ويزاك الله خير

4. كلام جميل ودائما افكارك طيبه ومتجدده بس الان مطلوب من الاخوه اصحاب التجارب الرد على الموضوع وعرض تجاربهم لان مافى انسان يعمل عمل متقن وبدون اخطار ونريد تجاربهم لكى نستفيد منهم . وشكرا نايف شكر كثير …………………………

   اخوي على المكشوف تسلم على مرورك وكلامك الطيب

   وصحيح بعد نطلب من الاخوه يفيدونا بتجاربهم اكثر

   وشي طبيعي المخاطر الموجوده لكن اتقان الدراسه ودقة التنفيذ تساعد على تقليل المخاطر لاقل حد

   خصوصا اني بعد احاول ان تكون المشاريع بهئية سريعه يعني الدراسه يمكن تاخذ 3 اشهر لكن التنفيذ شهر واحد فبهالطريقه نتلافى وقوع الاخطاء او المخاطر الكبيره

   وشاكر لك متابعتك وتعقيبك اخوي على المكشوف

5. :habeet:
   :ajeeb1:
   تسلم اخ نايف ماشاء الله مواضيعك دائما متجددة
   ربي يجزيك الخير ان شاء الله

   مشرفنا الغالي تسلم على مرورك الكريم

   وياليت تمدنا دوم بمواضيعك القيمه والهادفه

   والله يجزيك كل خير ان شالله

   وبالتوفيق ان شالله

Comments are closed.