كثير من الناس وانا منهم يطبقون قاعدة ( المعاملة بالمثل )
يعني ان سألت عني بسأل عنك
عن زرتني في المستشفى ازورك وان تجاهلتني اتجاهلتك
فما رأيكــــــــــــــــم بهذة القاعدة
هل تقبلونها ام ترفضونها
واذا حبيتو تسمعون رأيي
انا اعامل بالمثل
يعني اللي ما يقدر مني ما اقدر منه ، واللي ما يزورني في مناسباتي ولا يتصل للسؤال عني اتبع وياه نفس الاسلوب
بس اتعرفون شو المشكله
الكل يلومني على ها الموضوع
يقولولي عاملي الناس على شخصيتج انتي ولا اتعاملينهم بالمثل
بس دايماً ، ارفض واكرر اللي ما يقدر مني ما يستاهل مني اني اعاملة احسن
بغيت رايكــــــــــــــــــــم في الموضوع وفي النهاية اذكرو انتو من اي نوع عشان ما احس اني انا الوحيده اللي فيني ها الطيب ( الحلو )
وشكراً
اختكم الصغيره الكبيره ( ام سلطان )
صباح الخير
انا ما اعامل الناس بالمثل ولا حتى افكر ان فلان ما زارني ماراح ازوره .
الحمدلله الامور طيبه معاي واحاول آخذ الدنيا ببساطه من دون حساسيات وزعل وردت فعل وغير ذلك
ولكن انا انسان مزاجي وكل خطوه امشيها بمزاج
يعني احياناً اغير بطاقة تليفوني واقطع عن الناس كلها مب من باب المعاملة بالمثل بل من باب المزاج
اللي حتى اهلي تعبوا من هذا المزاج
خلقني الله صريح .. وما اعرف اجامل !
خصوصاً :- ان شفت شي ٍ ما يناسبني
ما آحد ٍ بـ .. كامل / ووجه الله هو الكامل
( في راييّ ) :- الناس مدري ايش تطلبني
لاشك .. ( احب اتعامل مثل ما اعامل ) ,
وعلى ما اسوّي ما احب آحد ٍ يحاسبني !
وصلي هالايميل من يومين..بنقله حرفيا في الاقتباس…يتكلم فيه عن نفس الموضوع..اقريه وبتستفيدين منه
كيف تنفصل الصداقة؟
يظن كل من الصديقين أن الآخر مشغول
فيمتنع عن الاتصال بالآخر خوفاً من أن يزعجه
ومع مرور الزمن
يبدأ كل واحد يظن أن على الآخر أن يبادر بالاتصال أولاً
ويقول لنفسه لماذا أبادر أنا أولاً إذا كان هو لا يتواصل معي؟
وهنا ينقلب الحب تدريجياً إلى بغض،
وأخيراً وعند استمرار عدم التواصل تضعف الذاكرة، وقد قالوا: بعيد عن العين بعيد عن القلب
وينسى كل واحد صاحبه
لذا استمر على التواصل مع أرحامك وأقاربك وأصدقائك وأوصل لهم هذه الرسالة وقل لنفسك
أنا لا أريد أن أكون واحداً من الذين يضيعون أصدقاءهم
المعاملة بالمثل مب دايما طريقة صحيحة
__________________
أختي العزيزة .. اذا هالطبع فيج وعاجبج ومريحج فاستمري عليه .. ليش بعد ماخذه المشورة من الناس !!
والكل له وجهة نظره .. وفي ناس تستحق فعلا تعاملينهم بالمثل .. وفي ناس لازم تصبرين عليهم ..
قدرج أكيد بيكون محفوظ وغلاتج عند الكل .. ولا توسوسين وايد .. وعطي الآخرين 70 عذر عقب عامليهم بالمثل ..
كل شخص له مبدأه في الحياة لإن الناس اللي تتعاملين معاهم مب نفسهم اللي الناس تتعامل معهم ..
بعدين احنا مب عايشين في غابة عشان نتعامل بكل جمهية مع الناس ( اسمحيلي ع هالكلام ) .. لإني اللي فهمته إن اللي يعطيج كلمة تردين عليه بكلمتين .. واللي ما يزورج مرة تقاطيعنه العمر كله .. حشى ما يسوى عليج يختي ..
بعدين احنا شو ماخذين من هالدنيا غير الذكرى الطيبة والعمل الصالح ..
بالأخير .. أحب أقولج .. قبل لا تسوين اي تصرف أو تقدمين عليه فكري ألف مرة عقب سويه ..
وتقبلي وجهة نظري ..
سواء زارني فلان لو مازارني أزوره مااشره عليه وحده من ربيعاتي جيتها واااااجد
ومازارتني غير مره فقط وبزورها اليومين الجايه
الناس اتلومني على هالطبع يقولون ماأعرف قدر نفسي
لاكــــــــــــــــــــــــن مرتاحة لأنه طبع الوالدة { فديتها }