كثير من الناس وانا منهم يطبقون قاعدة ( المعاملة بالمثل )

يعني ان سألت عني بسأل عنك
عن زرتني في المستشفى ازورك وان تجاهلتني اتجاهلتك
فما رأيكــــــــــــــــم بهذة القاعدة
هل تقبلونها ام ترفضونها

واذا حبيتو تسمعون رأيي

انا اعامل بالمثل

يعني اللي ما يقدر مني ما اقدر منه ، واللي ما يزورني في مناسباتي ولا يتصل للسؤال عني اتبع وياه نفس الاسلوب

بس اتعرفون شو المشكله

الكل يلومني على ها الموضوع

يقولولي عاملي الناس على شخصيتج انتي ولا اتعاملينهم بالمثل

بس دايماً ، ارفض واكرر اللي ما يقدر مني ما يستاهل مني اني اعاملة احسن

بغيت رايكــــــــــــــــــــم في الموضوع وفي النهاية اذكرو انتو من اي نوع عشان ما احس اني انا الوحيده اللي فيني ها الطيب ( الحلو )

وشكراً

اختكم الصغيره الكبيره ( ام سلطان )

39 thoughts on “المعاملة بالمثل”

  1. من فترة ياني مسج من اربعيتي من زمان ما رمستها وهالمسج حررك مشاعري وحسيت بتأنيب الظمير اتجاه ناس عزيزين على قلبي واللي مقصره في حقهم

    وعقب ما قريت هالمسج

    كلن مع الايام عايش بسكاته
    نزعل ونتضايق ونبعد وبعدين
    كلن يدور له عذر في حياته
    لو صاحبك عن دنيته غاب يومين
    منك ولا حتي المراسيل جاته
    عادي اذا طال الجفا فوق شهرين
    يمكن يموت ومادريت بوفاته

    اتصلت بكل حبايبي من الاهل و الأصدقاء واللي من سنين ما رمستهم

    والله يعينا على وصالهم الدائم يارب

  2. موضوع مهم ورائع يا يوسول

    عجبتني قصة على هالسالفة لكن بختصر ملخصها ان هناك رجل كان يشتري الجرائد من كشك وكان هذا الشخص يسلم على صاحب الكشك وصاحب الشكك لا يرد السلام وكان هناك رجل بنفس الوقت يتقابل لشراء الجريدة ايضا وبعد فترة سال هذا الشخص لماذا تسلم عليه على صاحب الكشك ؟؟؟؟ فرد الرجل لان السلام واجب فقال له ولكن صاحب الكشك لا يرد
    فرد الرجل هل اعامله باخلاقه ام باخلاقي

    وهي قصة لطيفة ولكنها كبيرة في المعنى وانا اتخذها شعار، فانا لا اعامل الناس باخلاقهم ولا انتظر منهم اي شيء لانني لو فعلت ذلك لن ارتاح في حياتي، فعاملهم بما تحب ان يعاملوك وباخلاقك وتربيتك. لانها ستزيد رصيدك عن الناس

    اضافه وقصه معبره وجميله اشكرك عليها اخوي وان شاء الله راح اتسفيد من خبراتكم وقصصكم في الحياه

    اشكر مرورك اخويه

  3. موضوع مهم ورائع يا يوسول
    عجبتني قصة على هالسالفة لكن بختصر ملخصها ان هناك رجل كان يشتري الجرائد من كشك وكان هذا الشخص يسلم على صاحب الكشك وصاحب الشكك لا يرد السلام وكان هناك رجل بنفس الوقت يتقابل لشراء الجريدة ايضا وبعد فترة سال هذا الشخص لماذا تسلم عليه على صاحب الكشك ؟؟؟؟ فرد الرجل لان السلام واجب فقال له ولكن صاحب الكشك لا يرد
    فرد الرجل هل اعامله باخلاقه ام باخلاقي

    وهي قصة لطيفة ولكنها كبيرة في المعنى وانا اتخذها شعار، فانا لا اعامل الناس باخلاقهم ولا انتظر منهم اي شيء لانني لو فعلت ذلك لن ارتاح في حياتي، فعاملهم بما تحب ان يعاملوك وباخلاقك وتربيتك. لانها ستزيد رصيدك عن الناس

  5. موضوع جميل وحساس في نفس الوقت

    انا كنت مثلج اختي ام سلطان بس تعرفين وما اكذب عليج

    يا اليوم اللي حسيت فيه اني لوحدي وكل اللي حوالي نسوني

    مع انه كانوا واااااااااااااااااايدين

    تعرفين ليش

    لانهم نفسي (عاملوني بالمثل)

    بسالج سؤال واساليه نفسج

    انتي تدرين انج انتي اللي متصله آخر مرة لفلان ولا هو اتصل ؟؟؟؟

    الناس يوزنونها بافعالها وبوقفاتها في السراء والضراء

    بس صدقيني انا لين اللحين فيني هالطبع مع اني انلدغت

    ما بسير عند فلان آخر مرة انا سايرله مع بدقله انا آخر مرة داقله

    بس تبغين تريحين عمرج عطيه في الويه ,,,,, اساليه ليش ما يتصل وذكريه انج انتي تتصلين عليه وانتي تتعنينله

    واذا كان شخص فيه الخير فبيعطيج العذر وبيستسمح

    وفي النهاية

    تراه بو طبيع ما يوز عن طبعه بس حاولي تخففي

Comments are closed.