السلام عليكم شباب و بنات
من سنتين سويت دراسة لمادة satistical analysisعن البطالة في الامارات عشان اجاوب على السؤال التالي
(هل هناك علاقة بين المستوى التعليمي و البطالة)؟
وطبعا الارقام خذتها من تنمية لعدد الباحثين عن العمل مع مؤهلاتهم لعام 2004
ومن نتائج هالبحث ان احتمالية عدم حصول المواطن الذي يحمل شهادة الثانوية العامة وما دون على عمل هو 99%! :sahem2:
يعني باختصار كل ما زاد المستوى التعليمي للمواطن اكبر كانت احتمالية نسبة حصوله على وظيفة تزيد و بالتالي السهولة عاى حصوله على عمل مناسب كان اكبر
ادعوا الشباب المواطنين لاكمال دراستهم عشان نقضي على البطالة و عشان هم يحصلون على وظايف ارقى و حياة افضل و يتخصصون في التخصصات اللي محتاجتنها الدولة
عندي شهادة جامعية mis وما محصل شغل .. الواااااااااااااااااااواااووووووووووووا .. يعني الواسطة وبس……
يـــــا نـــــاس … في حد عنده بس ثـــانـــويــــه عــــامه ومب راضي بال 5 ولا 6 …
بس الله كريـــــم …
اصلن في وايد اشياء تغيرت في البلاد …
بضرب مثال في الجيش والشرطه ..
قبل كان شي رقيب دارس خارج الدوله ..
وكان له امتيازات كثيره جدا ..
منها بدل سكن وبدل اثاث وبدلات على كيف كيفج …
الان نزلو الرتبه الا عريف دارس ..
بدون بدلات وبدون حركات دلع …
كل ما تستوي الدوله مطوره تقل الفرص السهله …
وعندنا شباب ولا داري بعمره ..
اليــــــوم … مب نفس امس … وباجر مب نفس اليوم …
مشكوره اختي بزنز ومن على الاحصائيات …
هذا تخصصيه خخخخ … اذا عندج اسايمنات ولا اشياء مني مني لا تقصرين في اخوج ^__^
(( حليله يدرس بره شفقي عليه ))
الغـــاوي
[كلكم راعي ومسئول عن رعيته فالإمام راعي]
[ومسئول عن رعيته والرجل راعي في أهل]
[ومسئول عن رعيته والمرأة راعية]
[في بيت زوجها وهي مسئولة عن رعيتها]
[ والخادم في مال سيده راعي ومسئول عن رعيته]
[فكلكم راعي وكلكم مسئول عن رعيته]
بيشتغل بس راتبه بيكون كم؟ 4000 والا 5000
والخيار الثاني اما الجيش او الشرطة
حتى لو راتبه ألف .. المهم يشتغل … عيل عنده بكالريوس (على قولة واحد من الشباب بقر تيوس) و يالس في البيت شرات الحريم .. خل شهادته تنفعه ..
السالفة مب سالفة شهادة السالفة سالفة الأجانب اللي محتلين القطاع الخاص والحين عندهم
مواتر كشخة وساكنين شقق أجاراتها غالية الوافدين والهنود نسبتهم كبيرة ودبي فيها مشاريع
وايدة يعني حتى اللي عنده إعدادية بيحصل شغل وبعض المواطنين يرفضون إنهم يشتغلون في البنوك
لانها ربوية ، أنا أقول يزيدون نسبة المواطنين في القطاع الخاص التوطين ويضغطون عليهم عشان
يشغلون المواطنين ووزارة العمل ماقصرت ضغطت عليهم وبعد حددت الرواتب للمواطنين عشان
محد يستغلهم ولو تواصل وزارة العمل ضغوطها مابيتم ولا مواطن بطالي الإمارات دولة سياحية
والمشاريع ياية والخير وايد .
كلامج 100%
شو صار على التوفل؟؟
هههه يايتنج العلوم على الخاص 🙂