السلام عليكم شباب و بنات
من سنتين سويت دراسة لمادة satistical analysisعن البطالة في الامارات عشان اجاوب على السؤال التالي
(هل هناك علاقة بين المستوى التعليمي و البطالة)؟
وطبعا الارقام خذتها من تنمية لعدد الباحثين عن العمل مع مؤهلاتهم لعام 2004
ومن نتائج هالبحث ان احتمالية عدم حصول المواطن الذي يحمل شهادة الثانوية العامة وما دون على عمل هو 99%! :sahem2:
يعني باختصار كل ما زاد المستوى التعليمي للمواطن اكبر كانت احتمالية نسبة حصوله على وظيفة تزيد و بالتالي السهولة عاى حصوله على عمل مناسب كان اكبر
ادعوا الشباب المواطنين لاكمال دراستهم عشان نقضي على البطالة و عشان هم يحصلون على وظايف ارقى و حياة افضل و يتخصصون في التخصصات اللي محتاجتنها الدولة
بنــــــــــــــــــــــــــــــــــت السلطــــــــــــــــــــــــــــــــــــــــــان !!!!!!!!!!!!!!!!!!!!!!!!!!!!!!!!!!!!!!
افا والله ماهجيتها منج اتقولين مثل هذا الكلام عن شباب الوطن!!!!!!!!!!!!!!!!!!!!!!!!!!!!!!!!!
شباب الوطن فيهم الخير وهم عماد الوطن وانا اقولج ان كل بلد فيها مقبره
بس البعض منهم وندعيله بالهداية انشالله نبى منهم يشدون الهمه
ولازم مانفقد الامل فيهم ونحاول نعالج نقتط الضعف فيهم
وصدقيني اضعف شاب اليوم يضاهي عشره من الاجانب
وانا اسمحيلي اعارض وايد كلامج
والله يعين
اخوي انا اتكلم عن الفئه اللي ما لقت شغل الين الحين بيكون سبب عدم توفيقها في
العمل هو عدم القدره على تحمل الضغوط ان تنشئتهم تنشئه ضعيفه
اما المواطنين الباقين فالنعم فيهم والله
ما شاء الله اثبتوا نفسهم في كل المجالات
الله يعين من السنوات اليايه …
شكراص يا بزنس ليدي على هذه الموضوع الشيق وفي اعتقادي ان هذه الموضوع مهم والبطالة سوف تصيب المتعلمين قبل دارسين الثانوية سيدتي
انظري من حوليك ولاحظي الخريجين كل سنة
هل يعقل في دولة عدد سكانها 800 الف مواطن فقط فيهم 300 الف ابناء تحت سن 12 سنة
فيهم 200 الف كبار السن والذي يستلمون الشؤون
130 الف متقاعدين ونساء ربات منازل
المتبقين فقط 170 الف
الامر اكبر من هذه هل تلاحظون الاهتمام بلقطاع الخاص في الفترة من سنتين حتى الان وتشجيع المواطنيين للانخراط به
سوف يتم تخصص وزارات الدولة والدوائر الحكومية والشرطة كل مكان سوف تطاله الخصخصة اذاً هل يعقل ان تخصخص واين يذهبون ابناء البلد التي تعتبر في مصاف المراكز الاول في الدول العربية وعلى مستوى الشرق الاوسط
اذاً نحن نصيح في هذه الوقت هل فكر احداص منكم ما هو مصير الخريجيين في السنوات القادمة من بعد سنة 2009
دولتنا الحبيبة صغيرة وخيرها ضافي على الدول الاخرى ومشاريعها بلمليارات خارج الحدود وتعاني من عدم توفر وضائف لابنائها مما يظطر لخريجة الادارة ان تعمل مدخلة بيانات ومما يظطر للمهندسة ان تتعين في مسمى وظيفي اقل من درجتها لاكنها تمارس واجبات المهندس او المهندسة امور غريبة ولا يستوعبها العقل والغريب والامر ان اكثر الوظائف في الوطن العربي بنسبة 35% يتم الاعلان عنها للدولة حسب ملاحظتي قبل مدة في الانترنت
صراحة شي غريب
الدراسة ثم الدراسه ثم الدراسه .. ! ما ينفع غيرها.. أما انك تعيش على الواسطه ما راح توصل ولو وصلت شو الفايده وانت ما تعرف ترتب جملتين على بعض!
وايد منهم الشيخه حتى يوم بيرمس التي بوي مايعرف كيف يطلب ، بس قاعد يتهزز ع الكرسي والله حاله يالله يالامارات نبغي منخل ينخلون به الناس اللي مش نافعه و قاعده بالواسطه بس
والله انا اوفقج في الرأي 100% و أتمنى من الشباب و البنات انهم يدرسون تخصصات يطمحون انهم يشتغلون فيها مش بس لانها سهله
بعض الأخوات
يدرسن رياض اطفال و علوم اسره ( و عقب ما ابغي اكون مدرسه عيل شو تبين دكتوره )!!!!
و الاخوان يدرس علوم سياسيه و عقب يقولك لا والله انا ابغي اداوم في شركات البترول او اتصالات شو ياخذونك محاسب !!!!
و بعد 5 سنوات اتوقع حتى الجامعي خريج الاداره او الهندسه او الكمبيوتر مابيحصل فرص مثل الحين