الحرمه: السلام عليكم
امي : عليكم السلام(وعلامات التعجب عويها وفي خاطرها امنو هاي وهو تتطالع الكاشف واتقول ما اعرف هالرقم)
الحرمه: بغيت ام فلان.
امي: انا ام فلام امري الغاليه (امي زاغت قالت ولدي طاح في مشكله يوم ان السالفه فيها حرمه ههههه)
الحرمه: شو اخبارج الشيخه، معاج ام فلان، اتحيدين فلانه ربيعت امج هاي امي (ويييييييييييييييه السالفه فيها عيايز جان تطلع امها ربيعت يدتي هههههههه)
المهم امي ودق سوالف وياها وتعال امنو قال بتهد التلفون، ما خلو شي إلى ورمسو عنه .
ما بطول عليكم
في نهايه الكول قالت الحرمه سمعت ان عندج بنت (احم احم هاي هي انا فديتني) وهي تشتغل في المكان الفلاني)(على ايام دوامي الجديم) وابيها لولدي.
امي اتشققت قالت بفتك منها واخيرا بتطلع من البيت هههههههههههههه
المهم سالتها كم عمر ولدج، وين يشغل، شو شهادته عسب اقول للبنت واسالها، طبعا الوالده قبل ها كله راحت وعزمتها اتي تتعشى عنا قبل لا اتعرف ان السالفه فيها خطوبه.
يت امي وهي مستانسه واتقولي جي جي جي السالفه، وانا اطالعها انزين وبعدين شو اسوي .
طبعا هي حرجت قالت الحرمه بتي اليوم الفلاني فلا تطلعين ايلسي في البيت ولا اتقولين عندي شغل، قلت لج قبل وجهزي عمرج (امنو ايقول ايلس احلى شرده هههههههه)
المهم قلت لها ما ابي واتصرفي وياها
وبتيكم السالفه لا تستعيلون ^_^
يت الحرمه وامي مفتشله (صج افشل بلد هههههههههه ما استحي) واونها تبي اتشوفني ^_^
اونه عقب العشا بدى الجد وقالت امي اسمعي يا بنت الناس بنتي ما اتعرف تطبخ(عسب اتغير رايها) قالت الحرمه مب مشكله شو خانت الخدم(ما جذبت امي صج ما اعرف اطبخ) يت وقالت لها ما تشتغل في البيت ولا اتعرف اتسوي شي ، عيالي متعودين عالدلع وكل شي جاهز(صج ما اسوي شي حتى غرفتي اينضفونها لي هههههههه ما اعرف كيف بتحمل مسؤوليه بيت)
المهم امي كل ما اتقولها شي الحرمه اتقول عادي ما اختلفنا(يا عمي شو هاللزقه فجي)
طبعا الوالده استغربت شو سر هالاصرار العجيب
اخيرا يت وقالت لها ترا بنتي ملسونه وما اتقر في البيت وكله في الدوام، اتخيلو شو رد الحرمه
ها اتخليلتو ^_^
بسال ولدي ترا الموضوع ايخصه (هههههههههههههههههههههههههههههه جان فهمتيها من البدايه وما تعبتينا كل هالتعب، الحين الموضوع ايخصه ، نشفتي ريجنا)
هاي هي سالفت شردتي الاولى وفضل لساني علي ^_^
وترقبو احداث ملجه ربيعتي ^_^ والشردات
يالله وانتو شو سوالفكم يالمعرسين
بسم الله الرحمن الرحيم
أنا معاج إختي أنا بعدني ماجربت هالأشياء هههههه
بس ربيعي إنسان ملتزم ويشتغل لاوبعد يشتري ويبيع بالأصح مقتدر لكن العيب الوحيد مب مكمل الدراسه فالبدايه وافقوا عليه على فكرة كان خاطب من عائله متدينه والبنت متدينه لكن عقب رفضوا والسبب مادي يعني لاعمر لاتعليم وإنما الفلوس والله إن هذا مب سبب…..
وبعدين لاتزعلين بنات اليوم يرفضون أشياء كثيره وأبسطها لو الريال ملتزم شرطه الوحيد العباءه عالراس ماياب شي من عنده بل من الدين لكن يرفضون عفوا بسألج إنتي شخصيا بترضين مب شرط تكونين حافظه القرآن كله لكن عالأقل لو كم جزء بس أهم شي متستره والعباءه عالراس بترضين؟؟؟؟؟؟؟؟؟؟؟؟؟؟؟
المبدا مب بس تعال وعرس لا
يعني الوحده ما تبي غير واحد ايخاف ربه وملتزم وطبعا ها اهم شرط واساسي واذا ما اتوفر فالاشياء الثانيه مب مهمه لانها كماليات الحياه
ومافي حد يرضى ان اخته تاخذ واحد ما ايدل باب المسيد إلا في رمضان
واذا عالشهاده والمستوى التعليمي،العمر، الراتب مب اساسي(في نظري)
الخلق والتدين هو اهم شي عسب جي نسبه العنوسه زادت والبنات اكثر عن الشباب ^_^
صراحة وبدون زعل مشكلة خواتنا هالايام لاهين بوايد امور من ضمنها
الدوام
الصديقات
اليلسات
النت
ويا ما سمعت يقولون بعدنا ما تهنينا بدنيانا عدل
عاد ليش كل هذا
وهل التهني ما بيي من ورى الريال
كل وحدة واسلوبها ويا ريلها صراحة وتقدر تخلي بيتها من جنة او العكس
فيا خواتي الدنيا تمشى عكس التيار اللي نحن فاكرينها وبيي يوم محد يدق باب بيتكم ولا يطلب ايديكن
الشباب والشابات كلهم في الهوا سوا
الكل يفكر اول شئ استانس بايام العزوبية وعقب بتزوج
صراحة حتى يمكن تفكيري كان نفس الشئ ولكن بعد الزواج الاستقرار يسيطر على الانسان بعد مرور زمن معين ويتعود على كل شئ وبالعكس يحس ان في وحدة في حياته و هي الانيسة والونيسة دائما
اتمنى التفكير في هالامور جيدا
ياختي نصيحة والله..
اذا ياج شخص ترضين باخلاقه وملتزم بتعاليم دينه فلا تفوتينه والله ياما ناس ندمت لانها ضيعت مثل هذي الفرص..اذا الخير يآج لا تردينه.. في بنات والله قطار العمر يطوف جدامهن ولا محصلين شخص يطب عليهم البيت .. لازم البنت تكمل نص دينها وتستر على عمرها قبل فوات الأوان ..
وانا ادري انج هب قاصدة شي في الموضوع الا سوالف ولكن انا اكتب هاي النصيحة للكل وان شاء الله يستفيدون والسموحة منج ..
صدقت ياحفيد الصحابه
والله يرزقهم بالزوج الصالح ……