ايقولكم في يوم من الايام رن تلفون البيت وامي ردت وكانت حرمه على الخط الثاني

الحرمه: السلام عليكم

امي : عليكم السلام(وعلامات التعجب عويها وفي خاطرها امنو هاي وهو تتطالع الكاشف واتقول ما اعرف هالرقم)

الحرمه: بغيت ام فلان.

امي: انا ام فلام امري الغاليه (امي زاغت قالت ولدي طاح في مشكله يوم ان السالفه فيها حرمه ههههه)

الحرمه: شو اخبارج الشيخه، معاج ام فلان، اتحيدين فلانه ربيعت امج هاي امي (ويييييييييييييييه السالفه فيها عيايز جان تطلع امها ربيعت يدتي هههههههه)

المهم امي ودق سوالف وياها وتعال امنو قال بتهد التلفون، ما خلو شي إلى ورمسو عنه .

ما بطول عليكم

في نهايه الكول قالت الحرمه سمعت ان عندج بنت (احم احم هاي هي انا فديتني) وهي تشتغل في المكان الفلاني)(على ايام دوامي الجديم) وابيها لولدي.

امي اتشققت قالت بفتك منها واخيرا بتطلع من البيت هههههههههههههه

المهم سالتها كم عمر ولدج، وين يشغل، شو شهادته عسب اقول للبنت واسالها، طبعا الوالده قبل ها كله راحت وعزمتها اتي تتعشى عنا قبل لا اتعرف ان السالفه فيها خطوبه.

يت امي وهي مستانسه واتقولي جي جي جي السالفه، وانا اطالعها انزين وبعدين شو اسوي .

طبعا هي حرجت قالت الحرمه بتي اليوم الفلاني فلا تطلعين ايلسي في البيت ولا اتقولين عندي شغل، قلت لج قبل وجهزي عمرج (امنو ايقول ايلس احلى شرده هههههههه)

المهم قلت لها ما ابي واتصرفي وياها

وبتيكم السالفه لا تستعيلون ^_^

يت الحرمه وامي مفتشله (صج افشل بلد هههههههههه ما استحي) واونها تبي اتشوفني ^_^

اونه عقب العشا بدى الجد وقالت امي اسمعي يا بنت الناس بنتي ما اتعرف تطبخ(عسب اتغير رايها) قالت الحرمه مب مشكله شو خانت الخدم(ما جذبت امي صج ما اعرف اطبخ) يت وقالت لها ما تشتغل في البيت ولا اتعرف اتسوي شي ، عيالي متعودين عالدلع وكل شي جاهز(صج ما اسوي شي حتى غرفتي اينضفونها لي هههههههه ما اعرف كيف بتحمل مسؤوليه بيت)

المهم امي كل ما اتقولها شي الحرمه اتقول عادي ما اختلفنا(يا عمي شو هاللزقه فجي)

طبعا الوالده استغربت شو سر هالاصرار العجيب

اخيرا يت وقالت لها ترا بنتي ملسونه وما اتقر في البيت وكله في الدوام، اتخيلو شو رد الحرمه

ها اتخليلتو ^_^

بسال ولدي ترا الموضوع ايخصه (هههههههههههههههههههههههههههههه جان فهمتيها من البدايه وما تعبتينا كل هالتعب، الحين الموضوع ايخصه ، نشفتي ريجنا)

هاي هي سالفت شردتي الاولى وفضل لساني علي ^_^

وترقبو احداث ملجه ربيعتي ^_^ والشردات

يالله وانتو شو سوالفكم يالمعرسين

19 thoughts on “الموافق المضحكه خلال الخطوبه، الملجه،العرس ^_^”

  1. بسم الله الرحمن الرحيم
    أنا معاج إختي أنا بعدني ماجربت هالأشياء هههههه
    بس ربيعي إنسان ملتزم ويشتغل لاوبعد يشتري ويبيع بالأصح مقتدر لكن العيب الوحيد مب مكمل الدراسه فالبدايه وافقوا عليه على فكرة كان خاطب من عائله متدينه والبنت متدينه لكن عقب رفضوا والسبب مادي يعني لاعمر لاتعليم وإنما الفلوس والله إن هذا مب سبب…..
    وبعدين لاتزعلين بنات اليوم يرفضون أشياء كثيره وأبسطها لو الريال ملتزم شرطه الوحيد العباءه عالراس ماياب شي من عنده بل من الدين لكن يرفضون عفوا بسألج إنتي شخصيا بترضين مب شرط تكونين حافظه القرآن كله لكن عالأقل لو كم جزء بس أهم شي متستره والعباءه عالراس بترضين؟؟؟؟؟؟؟؟؟؟؟؟؟؟؟

    اخوي انا متنقبه والبس عبي عالراس وساتره عمري والحمدالله اذا كان هالرد يرضيك ^_^

    يعني اذا بشتري بشتري ريال مب الي في جيبه ولا شهادته ولا موتره ولا مركزه ^_^

  2. قال رسول الله صلى الله عليه وسلم، “إذا جاءكم من توضون دينه وخلقه فزوجوه”

    تصحيح ( ترضون ) ..
    وصدق رسول الله صلى الله عليه وسلم

  3. نصيحه لج يا اختي ان ياج واحد ماعليه كلام لاتردينه وخلي عنج ربعاتج تراه ان ضاع العمر من بيرده لج وياما عنسن بنات بسبة مايبغون يعرسون وهم صغار يقولون بعدنا ولاكن بعد شو ندمن ع اللي سونه بعد فوات الاوان والله اعرف بنات ماتزوجن اعمارهن فوق 40 لانه كم واحد تقدم لهن ورفضنه سمعي يا اختي الوحده من اييها عرسان ويردوهم صدقيني الناس ماترحم حد مابيقولون اهلها مابغوه او هي ماتبغي بيقولون البنت فيها شي ولا جان عرست

    انتي شو عرفج شو الناس تتكلم عندج من يدخلون العرسان بيتكم ويطلعون من دون سبب وفي بنات يفكرون انه الريل يبغي راتبهن وطمعان فيه اذا تفكيرج وتفكير البنات جي على الدنيا السلام
    مثل بنت يرانا الله يستر عليها مدرسه وطبعا انتوا عارفين راتب المدرسه يوم حد يتقدم لها ترفضه تقول طمعان في راتبي خلوني اتمتع في راتني عن ياخذه الريل والحين هاكيه صاكه 30 سنه اختها اللي اصغر عنها عرست وهي تامه في بيت اهلها والله يرزقها بولد الحلال

    الله يهديج ويهدي كل بنات يفكرون بهذا الاسلوب

    وابغيت تحطين هذا الحديث في بالج

    قال رسول الله صلى الله عليه وسلم، “إذا جاءكم من توضون دينه وخلقه فزوجوه”

  4. المبدا مب بس تعال وعرس لا

    يعني الوحده ما تبي غير واحد ايخاف ربه وملتزم وطبعا ها اهم شرط واساسي واذا ما اتوفر فالاشياء الثانيه مب مهمه لانها كماليات الحياه

    ومافي حد يرضى ان اخته تاخذ واحد ما ايدل باب المسيد إلا في رمضان

    واذا عالشهاده والمستوى التعليمي،العمر، الراتب مب اساسي(في نظري)

    الخلق والتدين هو اهم شي عسب جي نسبه العنوسه زادت والبنات اكثر عن الشباب ^_^

    دام السالفه فيها عنوسه اود ان اقول ان اولياء الامور يحاولون كل قصارى جهودهم للحد من العنوسه في البلاد وماقصرو لكن اليد الوحده ماتصفق.

    وعذرا اختي الفاضلة انا لا اوافقك الرأي بقولك ان ” الخلق والتدين هو اهم شي عسب جي نسبه العنوسه زادت والبنات اكثر عن الشباب “

    اسباب العنوسه زادت مب من قل الخلوقين والمتدينين يامكثرهم والله…لكن من اللي انا شفته واللي حاصل في بلادنا والله يستر على اهالينا

    بالنسبه للبنات:

    الا وحده تبا تخلص الدكتوراه !!!! بس يوم تحصلها عقب شو تقول! سالوها

    والثانيه تبا واحد فل ابشن!!!! ما نزل بعده

    واللي ماتبا تعرس بالمره.” عافانا الله

    واللي واللي واللي!!!

    ,والشي نفسه ينطبق على الشباب صاير عندهم تأخير الزواج لين سن الثلاثين!!! شو حادنك؟ قال والله

    اكون نفسي

    والثاني قال بنات اليوم ماينفعن ابا وحده شرات امي؟؟ انسى ماشي والتوفيق من رب العلمين

    وهذاك قال خلني احط فلوسي في الاسهم!! <<< ما الومه يوم العرس اب خمسمائة الف درهم
    وغيره وغيره….

    اللهم استر الجميع وزوجهم العزابي منهم والعانس

    والمتزوج اخيرا

    مع تحياتي

  5. المبدا مب بس تعال وعرس لا

    يعني الوحده ما تبي غير واحد ايخاف ربه وملتزم وطبعا ها اهم شرط واساسي واذا ما اتوفر فالاشياء الثانيه مب مهمه لانها كماليات الحياه

    ومافي حد يرضى ان اخته تاخذ واحد ما ايدل باب المسيد إلا في رمضان

    واذا عالشهاده والمستوى التعليمي،العمر، الراتب مب اساسي(في نظري)

    الخلق والتدين هو اهم شي عسب جي نسبه العنوسه زادت والبنات اكثر عن الشباب ^_^

    كلامج صح الصح.
    بس إنتي ما سألتي عن هالأشياء اللي ذكرتيها. حسب كلامج إنج شرتي من البيت بدون ما تهتمين بالموضوع.

Comments are closed.