اليوم وانا اجلب في اوراقي وشهايدي شفت رسائل التعين للداوائر الي اتعين فيها من بينهم اول دائره اشتغل فيها.
من شفت الاوفر ليتر ذكرت شو هببت في المقابله ^_^ الصراحه ويهي ايعورني يوم اذكر هاليوم بس بقولكم شو استوى بس اشوي اشوي علي وقناص الله ايخليك لا تحرق لي ويهي اكثر
المهم ايقولكم الاخت توها امخلصا امتحان الفاينل وراحت المكتبه عسب اترتب اوراقها وما خلت مكان إلا وهي امقدمه فيه.
عقب اسبوع اتصلو فيه اكثر من دائره ، شرطه دبي، الجمارك، دوبال، الإتصالات ومجلس الإعمال
طبعا اول دائره رحت لها وسويت انترفيو مذكوره فوق(خمنو)، كنت اول وحده وزايغه ما عندي خبره بطني ايعوروي والدقيقه ابساعه، المهم زقروني ودشيت القاعه ويا مكبر الطاوله شفت حرمه وريال كان يرمس في الموبال وجان اتقولي الحرمه اتفضلي ثواني والمدير العام بي، طبعا يحليلي انا ما اعرف هاييل امنو وشو شغلتهم ورمست الحرمه عادي فرندلي (يحليلي على نياتي ) شو اخبارج، شو اتسوين، وين قدمتي، في حد زقرج، هل هاي اول مقابله لج، المهم لي ما يا المدير العام وعقبها بدت المقابله،
الريال الي كان يرمس في التلفون كان مدير التوظيف، والحرمه هي مسؤولتي، والثالث المدير العام،
انتو بس اسمعو الاسئله وردودي الي اتفشل ما اعرف كيف اتوظفت ههههههههه
مدير الموارد البشريه قال ارمس عن عمرج اشوي، ما عرفت شو اقول جان اقول الي حفظونا في الكليه رمست عن تخصصي وهواياتي.
وجان يسال المدير العام شو انجليزيتج قلت له
I’m not that fluent but I’m good
المهم الريال ما سالني ابد عقب هالكلمتين
يت الحرمه وسالتني قالت لي انتي قلتي ان هوايتج القرايه شو اتحبين تقرين. رديت عليها ابسرعه وانا مستانسه قصص الحب (يحليلنا متعودين على قصص عبير وأحلام) ههههههههههه جان تضحك علي ويهي احترق, اهم شي ان الرياييل ما انتبهو وطلعت صحت لي ما قلت بس واشوي وبذبج عمري على ردي بس الحمدالله اليوم الثالث اتصلو فيني وقالو داومي من باجر
طبعا استانست ^_^
المره اليايه بقولك الموقف الي استوى يوم رحت اقدم في جمارك دبي, جمارك دبي وما ادراك ما جمارك دبي هههههههههههه
هالموفق استوى وياي وانتوا شو مواقفكم الي اتضحك يعني بدون خبره شو سويتو هل كنتو مثلي ولا اخس ^_*
ههههههههههههههههههههههههههه ههههههههههههههههههههههههه
حلووووووووووووووووووووووووووووه
حبيت الحركه هههههههههههههههههه
فضيع والله ^_^
وهاك الاحم احم خله يختبر اعصابه قبل لا يتفلسف
10/10
انا بقولكم موقف صار حق واحد من ربعي في مقابلته
المقابله كانت يبون يشوفون قوة تحمل الشخص ( يعني كانوا يتمصخرون عليه ) يبون يشوفونه هل هو بيتحمل المصخره ولا لا.
ومن بين الاسأله الي سألوه قال المدير :
شو الفرق بينك وين الحمـــار؟؟؟؟
فكر شوي ………….
وحان يقووووووووووووله
هاي الطاوله.
(فهمتوووووووووووووووووا ولا)
واستوت سالفه وتبهدل على ها الكلمه لانه المقابله كانت في مكان حساس شويه
في نظري الشخص الي يعتمد على الواسطه انسان ضعيف الشخصيه لان المفروض انك تثبت نفسك ما تعتمد على حد يعني فلان الي اتعن بالواسطه تراه ولد ماما وبدون اهله ما ايساوي شي وباجر لو استوى شي ما بيعرف كيف يتصرف لانه اعتمد على حد ثاني
Which is not recommended at all
^_^
بالعكس انت يوم ايسوون لك المقابله يمتحنونك وانت اتوريهم شخصيتك طبعا هم ما ايعرفونك وكل سؤوال له هدف يعني مب فلان تعال وبسالك اي شي.
يعني مثلا اول سؤوال هو اتكلم عن نفسك الهدف منه ان يكسرون حاجز الخوف عند الكانديدت وايزيدون ثقتك في نفسك.
والاسئله الثانيه هي الي يتم على اساسها اختبارك وايحددون شخصيتك وقدرتك.
وطبعا في اسئله استفزازيه والي يتعمدونها لهدف معين مب مني والدرب.
اسأل اي شخص في ال HR او التعينات بيقولك هالكلام واذا ما ايعرف الجواب قوله يتصل بي وبعلمه ببلاش ^_^
واذا بغيت اي مساعده في اي سؤوال ترانا حاضرين بنساعدك قبل اي مقابله وبقولك الاجوبه الي الشخص المفروض ما ايقولها وطريقه الرد عليهم ^_^
وبعدين تعال وين الموفق الي ايضحك ترانا نتريا ^_^
وحليلكم لو كان عندكم واسطه كان ما يحتاي مقابلة
كان ايلك تلفون من الصبح يقعدك من الرغاد ويقولون لك تعال داوم عندنا وينك من زمان .
الله يعينا عالواسطة