النسخة العربية من : خبروني وين أروح ***قصة قضية

9 thoughts on “النسخة العربية من : خبروني وين أروح ***قصة قضية”

1. او لا اكثري يا اختي من قول لاحول و لا قوة الا بالله العلي العظيم فهي ما يقال في الشدائد و الورطات و بعدين مثل ما قالو الاخوان تستعينين بمحامي و اسال الله ان ايسر امورج

2. [quote=alhajes;5524252] بسم الله الرحمن الرحيم

   اختي العزيزه انا انصحك انج تاخذين استشارة قانونيه قبل كل شيء وتثبتين الاوراق الرسمية

   لان بصراحة لازم يكون فيه اخطار واعلام منهم انه بينحسب عليج اذا قعدتي اكثر واذا فعلوا ذلك

   عليهم الاثبات وان ثبت الموضوع اختي وانشاء الله براءه لانه 120000الف وايد خذي اجازة وحلي

   موضوعك والا وقفي وانشاء الله القاضي يحكم لصالحك وللاضرار الي سببوها لج بعد وعدم الرجوع

   لنفس الموضوع في المستقبل .[/quote]

   أشكر مشاركتك بس للأسف مافي أوراق رسمية على أي شي,الشي الوحيد إلي وقعته عندهم هو عقد العمل بس موضوع الاستشارة القانونية جاري .و للأسف اجازاتي خلصت على ورش العمل والمؤتمرات ولا كنت تفرغت لهم أكثر
   صراحة أكثر شي يقهر كيف يخصمون بدون موافقتي.وفوق هذا يعطوني كلمة ويخلفونها
   الله كريم
   

3. [quote=متعني و متصرف;5522764]إختي،

   ملاحظاتي على قضيتج تتلخّص بالتالي:

   1- كتابة الموضوع باللغه غير العربيه ممنوعه في المنتدى. لكن بما إن المراسلات كانت باللغه الإنجليزيه، بنمشيها. مع إن سالفة الترجمه بسيطه، على الأقل الإخون كلهم بيشاركونج.
   تم 

   2- من الواضح جدا إن محد عايبنّج. لا الأجنبي اللي وصفتيه بـ (اللي ما يفهم) و لا المديره المواطنه اللي قلتي عنها إن عندها دبلوم و عصّبتي عليهم و الثالث اللي ما يفهم و و و . بصراحه وصفج للناس متعجرف للأسف.
   أنا ما يخصني بالوصف والوصف على لسان كل إلي يقرون الايميلات هذا انطبعاهم ,وسالفة الدبلوم عرفتها بالايام الاخيرة وماأثرت ع تصرفاتي تجاهها,كل لإلي كتبته وصف للي صار لاني عاملتها باحترام لآخر لحظة وصافحتها وطلعت ون،ا متأكدة إن كنت مكاني جان كفختها كف . .وأسلوبها معروف بالمؤسسة كلها .ما صادفت حد وحكيت له عن سالفتي إلا قال وتفنن بأمثلة عن وقاحتها وأسلوبها السوقي .أذا واحد ولا أثنين قالوا انها ما تستحي بنقول أسباب شخصية لكن اجماع على سوء ادارتها وتصرفها فهذا لا شك تأكيد.
   2- الأخت كتبتلج إنها خبّرتج بأن مدة الإقامه المجانيه هي شهرين. و إن اللي خبّرج إنج ما تدفعين مب من طرفهم، كونج عارفه القانون اللي وقّعتي عليه.
   الاسكان تغيرت أدراته ولما تغيرت تولى الموارد البشرية ادارته فلما سوى تدقيق شاف الخربطة فأنا شو ذنبي بخربطتهم ؟ ليش اتحمل مسؤولية الاهمال وسوء الادارة السابقة وإلي نتج عنها مشكلتي! على الاقل يتحملوا جزء من المسؤولية أو علىالاقل يعاملوني بمث ما عاملوا البقية.
   وأنا ما وقعت شي ومافي قانون أو بولسي تخص السكن لانهم ما عرفوا كيف يتعاملوا ويخصمون من رواتب المواطنين في خالة سكنوا بالسكن! هذا الي فهمته من مديرة الاسكان السابقة والي كنت أتواصل وياها بخصوص السكن.
   أصلا على حد قولهم أونه اسمه : عرف ( شي معروف وما يباله نص ولا تشريع !)
   و هذا صدقيني كثيييييير. في الإتصالات عندنا إسبوعين فقط، عقبها مالهم خص فيج.
   إلي فهمته أنه المؤسسة إالي أعمل بها لا تتبع قانون الخدمة المدنية لأن في وايد اختلافات بين إلي أشوفه بهالمؤسسة والمؤسسات الثانية فلا مجال للمقارنة مع اتصالات
   كون اللي فـ دوامج ما طلّعوج، فهذا ما يعني إن موقفج سليم و ما فيه شي.
   ما فهمت هالنقطة كيف كون ما طلعوني فهذا لايعني انه موقفي سليم ؟
   في تقرير شهري يوصل من الاسكان للموارد البشرية أو أيا كان القسم إلي يدير الاسكان قبل ما تتحول ادارته تحت الموارد البشرية.كيف ما انتبهوا على اسمي خلال السنتين الماضيتين ؟ هذا اسمه اهمال..وأنا مب مسؤولة عن اهمالهم , مدير المالية قال عندنا 3500 موظف وبتصير خربطة فهل أتحمل مسؤولية غلطة الادارة بسبب ضغط الشغل على الادراة ؟
   وأنا ما أقدر أسأل عن شي ما أعرف عنه ولا انت حتى وإن شاء الله ما تنحط في موقف مشابه.

   يعني إنتي تبغين تفهمنا إنج ما تدرين بهالقانون ؟
   تخيل , يعني بالذمة من وين بعرف؟ انت مثلا كيف عرفت عنه ؟ ما كان ضمن الاورينتيشن مال الدوام
   معقوله إنج على الأقل ما تجاذبتي أطراف الحديث مع الآخرين في السبب إنج الوحيده اللي ما طلعتي من السكن، في حين الباقيات ما يكملن أكثر من شهرين !!!
   منو الاخرين؟ نادرين إلي لهم عقد كعقدي مع االمؤسسة ودوامي أصلا غير( نظامي أما البقية نظام شفتات ) ونادرا ما نتلاقى وكلامنا لا يتعلق بالنظام كثر ما يتعلق بالشغل والحياة الاجتماعية لان محد بيتكلم عن مشاكلة لان كل مشكلة لها خصوصياتها واصلا المشاكل من خصوصيات الناس, وفوق هذا في تحفظ من البعض إذا كان الحديث يخص شي بالنظام لان كل وحدة عنها معلومة تحتلف عن الثانية أولا بحكم اختلاف الجهة الراعية( مب كل الي يشتغلن بهالمؤسسة يستلمون راتبهم من المؤسسة)وثانيا لسبب غير معروف يمكن عشان ما تستعمل طريقة حل مشكلة مقيمة1 كسلاح ضد المؤسسةللمطالبة بالمثل للمقيمة2!وبالتالي احتمالية سحب المعاملة الخاصة إلي عوملت به المقيمة1 وقد تكون الغيرة سبب أيضا.

   أختي،
   مثل هالمواقف تحصل. و أنا شخصيا حصلت معاي هالشهر. كوني إنتقلت من سنتين و ما تم خصم بدل الطريق من معاشي. و لأن المبلغ كان بسيط، ما لاحظته. لكنهم يوم خبّروني، قلتلهم خذوه، دامه من حقكم (طبعا على عدة شهور).

   أنا بسعى وإلي له حق بياخذه هذا ملخص هدفي.

   إسمحيلي، هذا ردّي و ما عندي غيره.
   مسموح بس أرجو أنك تراجعه مع ردودي يمكن تلاقي غيره

   و إذا بتردين علي، بنفس ردّج على إدارتج بأنهم عندهم شهادات دنيا،

   فإسمحيلي، اللي يكلّمج عنده بكلريوس في الهندسه من أكثر من 10 سنين. يعني وقت التخرّج كنتي في الإعداديه، فـ ماله داعي إستصغار الناس بارك الله فيج.
   الله يوفقك , بس شو فايدة الخبرة والشهادة إذا كنت غير كفء
   ووقت تخرجك كنت سنة ثانية جامعة 

   أرجو اعادة قراءة الرد, شهادة دنيا ولا عليا المهم الكفاءة ,لكن أن تجتمع الشهادة الدنيا مع عدم الكفاءة فهاي كارثة .
   بس فعلا مديرة الموارد شخص غير كفء بالاجماع ووجودها على منصبها بحكم الوااسطة. 
   الله يوفّقج إختي و تنحل مسألتج بأقرب وقت،
   أشكر مشاركتك
   بس الحق حق
   وأنا معك وان كانت علي
   والحمدلله الحق معاي بشهادة المقربين وإلي يعرفون بسالفتي ويعرفون حقيقةالموارد البشرية والموظفين فيه .

4. كتبي كــــتاب تظلم للمسؤولين الي فوقهم هذيلا

   لان ما بتحصلين حل لمشكلتج الا من عند اداره المستشفى او وزاره الصحه

   مشكور أخوي عالمشاركة..فكرت بكتاب التظلم وأحس كل ما أطريه يرتبكون

   ف شو تبعات ان مشيت في موضوع رفع التظلم وشو خطواته أصلا
   

5. 
   الله يكون في عونج اختي

   للاسف الشديد واللي يخلي الواحد ينقهر يوم يوقف في ويهك مواطن منك وفيك(( البعض ))

   والمفروض انه يتفهم الموقف ويبحث عن الحلول مب يسكرها ..لانه ما فيه مشكله الا ولها حل

   فاحنا لو واجهتنا مشكله ونظلمنا فيها فعزة النفس اللي ربينا عليها تلعب دورها فينا ونقدم استقالتنا او نسوي مشكله

   اكبر نطلع في الاخير احنا الغلطانين…………

   الكلام في الموضوع يبا له مجلد بروحه ….

   اما مشكلتج اختي فاعتقد ان المثل اللي يقول (( كلا يجر النار على قرصه )) تنطبق على المواطنين اللي عندج

   فما لج الا الدعاء ودعاء المظلوم ليس بينه وبين الله حجاب

   وعليج بهذا الدعاء (( حسبي الله لا اله الا هو عليه توكلت وهو رب العرش العظيم )) سبع مرات

   واللي تحسين انه ظلمج ومتاكده منه فقولي (( اللهم أكفنيهم بما شئت ))

   مشكور أخوي على المشاركة ..للأسف المفروض نوقف مع بعض بس الواقع شي آخر( البعض)
   والله فكرت بالاستقال’ لأني ان استقلت ما لهم علي فلس لأن مافي ورقة وقعتها تعطيهم الحق بالمطالبة بايجار السكن إلي ماخبروني عنه !وانا من النوع ألي يكون معاي حق لكن أسلوبي في حل المشكلة يخليني الغلطانة للأسف 
   والله كل سجود : حسبي الله ونعم الوكيل . وقلت لهم في الويه , احنا مسلمين وانتوا عارفين أنه إلي تسوونه حرام.
   

Comments are closed.