معلوم لدى جميع المحلات أنها تقدم ضمان على البضائع. هذا الضمان يكون بمثابة تعهد من البائع بأن البضاعه قابله للرد أو الإستبدال خلال فتره معينه. ولكي يكون الضمان ساريا، لابد من وجود فاتورة الشراء.
مقدمه حلوه، صح.
أسميني تفلسفت لين ما قلت بس.
المهم،
سرت من سنه تقريبا كارفور و إشتريت دفايه (شيبتكم المتعني كان ميت من البرد). حسب كلام البياع في كارفور، الدفايه مضمونه لمدة سنه، كل اللي علي، إني أبرزلهم الفاتوره إذا إختربت، و هم بيقومون باللازم.
اللي صار إن الدفايه إختربت عقب شهرين تقريبا من تاريخ الشراء. فتوقعوا شو شفت يوم طلعت الفاتوره؟ لقيتها خاااااااليه. مافيها ولا حرف !!!!
طار عقليه، قلت مب معقوله، يمكن أنا صبيت شي على الفاتوره، وهالشي سبب إن الحبر خاز عن الفاتوره. ففي هالحاله، أيقنت إنهم ما بيردون الدفايه، فسكت عن السالفه.
وقتها، قلت لنفسي، ليش ما أيمع فواتير المشتريات العاديه و أشوف شو بيصير لها عقب مده. تخيلوا، لقيت إن الحبر يبدأ يختفي عقب ثالث يوم. و يستمر في هالحاله لين ما يتلاشى. يعني الشباب نصابين، يحطولك حبر ما يتم في الفاتوره عشان ما تطالبهم بالضمان. بصراحه أنا ما أعرف سبب الإختفاء، هل هو من الحبر أو من الورقه.
ومن هاك اليوم، كل ما أشتري بضاعه مضمونه، أجلد الفاتوره، عشان ما أعطيهم الفرصه لإستغلالي.
نصيحه يا جماعة الخير. جلدوا فواتير البضايع المضمونه من كارفور، عشان ما يضيع حقكم. لأن الجماعه ذمتهم واسعه الظاهر.
لا انا مش معاكم……في فاتورتين…في فاتوره مال
المشتريات(الي تطلع من المكينه مال المحاسب)
وفي فاتوره مال الضمان الي يسووها عند كاونتر الكهربائيات…
الفاتوره الي عند كاونتر الكهربائيات ورقه كبيره ومكتوبه التفاصيل
فيها بقلم حبر ويختم عليها موضف الامن يوم تطلع…بالعكس لا
يروح لونها ولا يحزنوا؟؟
وانا مستعد اصورها لك عندي كثير فواتير
الموضوع مب محتاج تصوير او تجليد الفاتورة.مثل ما قال الاخ امير المستثمرين.تطلب الفاتورة الاصلية الي مكتوبة باليد ومختومه.
لان هذه هي الفاتورة القانونية.
شووووووووووووووووو هذا والله شي غريب كيف جيه…عنبوه نصب عيني عينك وكيف يتهم الفكره…حسبي الله ونعم الوكيل ..
بسسسسسسسسسس عيبتني فكرتك …
ومن هاك اليوم، كل ما أشتري بضاعه مضمونه، أجلد الفاتوره، عشان ما أعطيهم الفرصه لإستغلالي.
نصيحه يا جماعة الخير. جلدوا فواتير البضايع المضمونه من كارفور، عشان ما يضيع حقكم. لأن الجماعه ذمتهم واسعه الظاهر.
!!!!!!!!!!!!!!!!!!!!!!!!!!!!1
معقولة
مسترخصين الحبر و لا مستهبلين الناس!
افا والله يا شيبتنا..
ولا جيه سالفتهم هاااه!!
زين يوم نبهتنا..
شوكرن لك..