النصيحة يا إخوان بالنسبة ل Fj

9 thoughts on “النصيحة يا إخوان بالنسبة ل Fj”

1. ما عليكم زود والله،،، ما قصرتو ،، وجزاكم الله عنا كل خير،،،، مع الشكر الجزيل والخاص ل ابونهيان ،،، ماشاء الله عليك،، تفصيل دقيق

   وفقكم الله جميعا

2. توكل على الله وخذها

   وانا عندي 2009 والصرااحه ما عليها كلام

   ومستحيل افرط فيها

3. كفييت و وفييت يا بو نهيان

4. 2009 الافضل

   وهاي المواصفات مش موجوده في 2008
   – كيمرا
   – حساساات جانبيه
   – اضائه داخل السياره
   – زجاج في الشمسيه
   – من داخل الطبلون احلى
   – السكان شكل احلى من الجديم
   – فاصل مانع الانزلاق << اهم شي

   وهذا التغير الي في 2009.. ورد على الشامسي

   *انا من وجهة نظري الكاميرا الي حاطينها ماتنفع ^__^ والحساسات الجانبيه كانت موجوده في 2008
   يمكن تطري وارد البهوان..

   *زجاج في الشمسيه ما فهمت عليك الغالي

   *الطبلون ما اختلف بس غيروا القطع وهاذي قابله للتغير والجميل من وجهة نظر كل الي اشتروا 2009 القديم اجمل عن اليديد والقديم نفس ماقالي واحد من الشباب انك يوم تبطله تلقى الي تحته نفس لون السياره

   *السكان اليديد اجمل بس اسأل مجرب ولا تسأل طبيب عندي استيشن 2001 فييه نفس الحركه الي سواها في السكان تتقطع مع الإستخدام

   *فاصل مانع الإنزلاق مهم حق البر وفعلاً هذا شي مهم ولكن قابل للإضافه بس مابيفيدك في البر لن السياره مب على نظام AWD نفس الاستيشن يعني من 0-60 فور ويل وبدون دبل بتغط لا ترص الدقمه

   *و2009 فييه خاصيه اغلاق الاير باق بس هل خاصيه ابداً مادخلت مزاجي صح مسوينها لو كنت اميلس ياهل قدام او حاط كرسي ياهل لن الاير باق لو فتح وحاط كرسي الاطفال ومقابل الايرباق وفتح يمكن يتعرض الطفل للإختناق لاقدر الله بس الي ماعيبني في الموضوع الخوف من تأثير هل خاصيه على سنسر الاير باق وهل شي خطر..

   *الكروم عند الليتات وصوب البونيت

   *لون يديد نزل وهو الرصاصي الغامق ولغوا الرصاصي الفاتح القديم سلامي للي عنده اللون القديم مميز

   مميزاتها من وجهة نظري :

   1-صرفية بترولها اوكيه احسن عن الهمر اتش 3 يعني يمشيك في المدينه حدود 200-250 كم
   والخط 400 كم تقريباً

   2-ماعليها غبار في البر تغسل الاستيشن والنيسان على البراد بسبب خفة وزنها

   3-سياره عمليه جداً ما شاء الله صدق يوم بتجربها بتعرف معنى كلامي

   4-تنفع للخطوط مكينتها تتحمل وفيها عزم ماشاء الله يكفي انها 6 سلندر و4000 سي سي

   5-لو عندك صغاريه مابتحاتي حد منهم يفتح الباب لو حطيتهم ورا

   6-كراسي ضد الماي بس عيبها خاصيه تنفقد مع الأيام

   وعيوبها من وجهة نظري :

   1-خفة وزنها ميزه في البر وعيب بنفس الوقت انا من وجهة نظري ماشوفه عيب كبير يعني يبالك تتحمل على اللفات لنها خفيفه حتى لو كنت في البر لن وايد سياير تنقلب يعني اهم شي ان الواحد يسوق بالرويه ويخلي السرعه لنها ماتفيد

   2-ماتنفع الا للراكبين الامامين من وجهة نظري ولا الي ورا انسى لنك بتعبل على عمرك وانته اتبطل الباب الي قدام وبعدين الي ورا وتوخر الكرسي وخص لو تركب وياك شواب هي ميزه نفس ماقلت لك للصغاريه مابتحاتي حد منهم يبطل لك باب وانته تسوق

   3-عييب رئيسي في السياره فيها مناطق عمياء وايده منها الجامه الي قدام نفس الهمر اتش 3 صعب انك تشوف الاشاير لو كانت مرتفعه والي اهم من هذا كله المنطقه الي ع اليمين منطقه عمياء يعني يبالك تحاتي يوم بتاخذ يمين
   والسبب الفراغ الموجود بين الجامه الاخيره والجامه الي عند الباب الخلفي وشباب الله يهديهم يغلطون يوم بيسوون لك ستايل للسياره ويسكرون هل جامه بجلاد حذاري يا اخوان من هل تعديلات لن السياره بروحها من اليمين ماتشوف شي واتيي تعميها وتغطي الجامه الي في الأخر
   ويقولون شي حل لهل مشكله انك تحط المرايه الدائريه على المرايا الجانبيه للسياره بس ماجربتها

   4-بتسمع نقعه في القير يوم تبدل من ريوس لدي والعكس يعني لو كنت من الناس الي اتدقق في الأصوات الي تطلع في الموتر وايد بتتعب نفسياً فيها رقله خفيفه وطبيعيه بتتعود عليها وبتشوفها طبيعيه مع الايام

   5-طبعاً عيب غير عن هذا ما يلاحظونه الي عندهم اف جي التواير الاماميات مع الإستخدام تحصلهن قلبن تواير 900 هههه فا لازم انك تبدل اماكن التواير كل 10 الاف كيلو وهذا عيب مصنعي في السياره

   6-الكراسي الخلفيه غير قابله للرجوع للخلف وهاذي غلطه في وجهة نظري بسبب ضيق المساحه الخلفيه لازم تكون الكراسي اكثر مرونه في الخلف

   بس السياره من وجهة نظري افضل سياره دخلت مزاجي من سيارات التويوتا من بعد استيشن 2001 ويكفي انها عمليه ويابانيه بعد

   وانصحك بالخليجي عليها ضمان واتفك عمرك من الصدعه لو اخترب عليك شي يتبدل لو تفكر تاخذ مستعمل حاول تحصل سياره تجيكات وكاله و2008 ومب ماشيه وايد

   وبالنهاية اسمحولي على الإطاله وإن شاء الله ما اكون نسيت اي شي ثاني

   الدنيا فيد واستفيد

   ولو عندك اي إستفسار ثاني بخصوص السياره اخوك بو نهيان حاظر

   وهذا رقمي 0505666760 وحياك بأي وقت

Comments are closed.