النظرة الشرعيــة

19 thoughts on “النظرة الشرعيــة”

1. 
   والمشكلة الثانية قد تكون في الخاطب قد يكون غير جدي ؟

   وكيف يعرفون اهل العروس انه انسان جاد في الزواج والا كل من هب ودب رويناه بنتنا ؟ افيدوووووووووووووووووونا

   
   أولاً ،، كيف يكون غير جدي ،، ويي يخطب البنت !!! ما أعتقد ياخوي

   ثانياً ،، ياخوي ،، مافيها شي لو راوينا البنت لكل خاطب يخطبها ،، مافيها شي !! وله كيف الزواج راح يتم ،، وكيف البنت بتاخذ قرارها ،، والريال ،، بياخذ قراره !! هذي الحكمه من النظره الشرعيه << القبول من الطرفين

   مب عيب وله حرام البنت يشوفها أكثر من خاطب ،، دام إنها محتشمه

   ماتعملش من الحبه أووبه
   

2. [size=”4″]

   وعليكم السلام

   
   و في حال تم الزواج بعد كل هذه الامور وحدثت المشاكل الزوجية يقول الرجل بأن المرأة مثل ( البطيخة ) لا تعرف ما بها الا بعد قطعها .؟

   تحياتي
   
   

   
   
   

   وينه هاللي يقول جيه !!

   أحب أذكرك ياخوي >> “ ما خاب من استخار ”

   والمشاكل الزوجيه أعتبرها ،، بهارات وملح الحياه الزوجيه

   بالعكس ،، بالمشاكل ،، الزوجين يتعرفون على بعض أكثر ونسبة سعادتهم الزوجيه اتزيد ،، بإذن الله
   

   

   

3. السلام عليكم ورحمه الله وبركاته

   الموضوع بحد ثاته مفيد جدا هل النظره الشرعيه جائزه ؟ نعم جائزه ولها فوايد في الاساس

   انت اول شي تتعرف على شكل اللي بيكون شريك حياتك يعني بعض الناس يتزوجون ومايعرفون شكل بعض وهني بعض الاحيان تستوي المشاكل يمكن الريال مايرتاح للحرمه والعكس الصحيح يعني يشوفون بعض عشان يعرفون بعض يكون الريال يعرف شريكه حياته مب خيااال واخر شي ينصدم خخخخخخخخ

   ثاني شي اذا كان في خير من الله يوم الريال يشوف الحرمه في النظره الشرعيه الله يالف بين قلوبهم يعني اتحس بان الله يسهل عليك

   وثالث شي تقدر تطالب انك اتشوفها اكثر عن مره تعرف يمكن في بدايه الامر تكون مستحي اتشوفها وما اتشوفها في نفس الوقت في مستحي وفي خوف لانه اول مره في حياتك

   ورابع شي اذا عجبتك الله يوفقك واذا لا مب عيب انك اتقول خلاص ما اباها لانج ان سكت بتكون بدايه المشاكل في الف حل وحل عشان اتوصل لمعلومه لاهل العروسه بس بكلمه او بمسج تكتب فيها مافي نصيب وينتهي الموضوع والكل راضي

   واخر شي وهذا اهم شي لا تنسي صلاه الاستخاره فهذا الله ينبهك اذا زواجك بيكون زين ولا لا اذا حسيت براحه الله بيسهل عليك عرسك واذا عسيت بضيق لا تفكر انك تتقدم بالعرس لان الله سبحانه وتعالى يعلم بالغيب ولا تنسون اذا مافي نصيب اقل شي ارسل مسج مافي نصيب وبهذا الشي ينتهي كل شي بكل كرامه وبدون احراج

   واتمني لك الناس التوفيق والحياه السعيده وزواج ميسر ومبارك

   واتمني اني افدتكم بالموضوع

   ودمتم بود

4. السلام عليكم ورحمة الله وبركاته

   اخوي انا برمس عن هلي مابرمس عن حد على الرغم ان اغلبية معارفنا نفس طريقة هلي في التعامل مع هذا الموضوع

   البنات اغلبهم يكونو موافقين على الموضوع في منهم يكون عندهم رفض خوف انها لاتعجبه ويروح ومايرجع وتنحرج قدام الاهل او خوف ان الريال يرمس عنها قدام حد مثلا فيها وفيها وهاي الشي مب حلو في حق البنت

   وعن هلي ….هلي حتى لو الخاطب مابغى يشوف البنت يقولون له لازم تشوفها وتشوفك لان هاي سنه ولازم الطرفين يشفون بعض لان اذا صار نصيب هاي بتكون شريكة حياته ولازم هو وهي يكونو موافقين ومقتنعين ابعض

   واخوي رايت انت اكيد مب كل من هب ودب بدخله على هلك لو ياي خاطب اكيد انت راح تسال عنه وتتاكد انه الشخص المناسب لهلك

   والشي المتعارف عليه ان تصير عدة زيارات من خلال هاي الزيارات اهل الريال يشفون البنت ومن بعد ماتصير موافقه اوليه من طرف البنت واهلها يقولون له تفضل شوف البنت…… وبعد الشخص الجاد بتعرفه لما بيكون ياي ومعاه هله مب ياي هو وربعه

   والله يوفق بناتنا وشبابنا

Comments are closed.