الوالد بيسافر الهند هالاسبوع كشته مع ربعه بيسير كيرلا وبيلس فيها أسبوع
ابا اعرف شو الاسواق الحلوة اللي عندهم واذا بغيت عود ودهن عود اصلي من وين اييبهن ابا اسامي محلات أجمل اللي في الهند وتكون اصلية؟؟؟
ابا اعرف شو الاسواق الحلوة اللي عندهم واذا بغيت عود ودهن عود اصلي من وين اييبهن ابا اسامي محلات أجمل اللي في الهند وتكون اصلية؟؟؟
ابا نصايحكم وخبراتكم
ريحة المسك
عيل اتقولين عندهم مراكز للمساج الوالد بيستانس اخافه ما يرد
ومحل أجمل هذا ما عنده افرع ثانيه في كيرلا ؟؟
كيرلا طبيعتها حلوه ومناظر البلاد خلابه خصوصا منظر الناريل على البحر ومنطقة التقاء البحر بالنهر شي عجيب الصراحه وعندهم منتجعات وفنادق ٥ نجوم حاصله على جوايز عالميه وعندهم المساج ومراكز العلاج الطبيعي
وسوقهم كل شي فيه لكن الاغراض اللي تهم العرب بتحصلينها في بمبي
ونفس الشي بخصوص دهن العود والعود لا تسيرين الا عند اجمل ومحله مشهور في بمبي
يعني لو الوالد يخلي سفرته اخر شي كيرلا بمبي بيكون اوكي ويخلي المشاري من بمبي
وقولي للوالد ياخذ حذره من اللي يبيعون العود والعطور تراهم يراونه شي في المحل ويوم يشتري يحطون شي ثاني وهذي وايد صارت لان العرب يوثقون فيهم وقولي له لا تسير الا عند اجمل حتى لو كان اغلى لانه ما يغش
وانشالله الوالد يحصل فايده من السفر ويستانس بعد