أخواني أدري أن ها الموضوع تردد في المنتدى أكثر من مرة … بس أقول من قهري طفح الكيل
لين متى الوسيط بيتم يلعب فينا …
لين متى الوسيط بيحط أوامر معارفه فوق أوامرنا ..
ولين متى الوسيط بيمشي شغل المزيونة اللي يعرفها ويوقف شغلنا ..
ولين متى الوسيط يرد على المكالمات الخاصة ويترك مكالماتنا …
ولين متى الوسيط يمشي شغل الهوامير بثواني وإحنا بساعات يتركنا…
ولين متى … ولين متى …ولين ولين ولين…!!!!؟؟؟؟!!!
من قهري بستوي شاعر !!!
وفي أسئلة محيرتني ومش لاقي جواب على بعضها:-
ليش الكل ساكت وهو يشوف هاي الأشياء وهذا الظلم بعينه؟!؟ ليش مدير مكتب الوساطة ساكت ؟! وليش مسؤولين الأسواق ساكتين وله يتعلثون بالتداول الالكتروني ؟!؟
ما عندي جواب
هل كل هاي الخدمات اللي يقدمونها لزبائنهم المفضلين إبلاش وبدون مقابل !!!؟؟
أنا شخصياً ما أعتقد إنه بلاش لأن وصلتني أخبار إنه بعض الوسطاء يتقاضون أجور شهرية من الهوامير أو نسب على عمليات البيع والشراء إذا تعاونوا وياهم.
أدري إني غثيتكم والسموحة …
بدل ما تتعبون اعماركم وتتكلمون ومحد يسمعكم
كل واحد يرتب له موظف في مكتب الوساطه اللي تعامل معاه ويقردنه
وبعد ما يرتبه وياخذ رقم تلفونه الخاص يمد ايه في مخباه ويعطيه كم من الف .
وعلى كيفك تبغي تعطيه شهريا او على كل صفقه انت حر
بس كل ما عطيته اكثر كثر ما تضاءلت فرصة اعطاءك بو لابس ^_^