يا جماعه ترا نحن في مصيبه ونحن مب حاسين بعدنا مدوخين من الصدمه
هل القيمه العادله لكل سهم هي 10% من قيمه السهم في اعلى سعر وصل له خلال صيف 2008
1-الاتحاد العقاريه : في 2008 اعلى سعر وصله 5.72 واليوم سعره 0.60 فلس باقله 0.28 فلس بيوصل 10% من قيمته في الصيف يعني سعره الجديد 0.57
2- شركه تمويل : في 2008 اعلى سعر وصله 8.72 وقبل اغلاقه سعره 0.99 فلس باقله 0.12 فلس بيوصل 10% من قيمته في الصيف يعني سعره الجديد 0.87
3- شركه املاك :في 2008 اعلى سعر وصله 5.74 وقبل اغلاقه اقل سعر 0.93 فلس باقله 0.36 فلس بيوصل 10% من قيمته في 2008 يعني سعره الجديد 0.57
4- الاسلاميه العربيه للتامين: في 2008 اعلى سعر وصله 4.10 واليوم سعره 0.60 فلس باقله 0.19 فلس بيوصل 10% من قيمته في 2008 يعني سعره الجديد 0.41
5- اعمار العقارية : في 2008 اعلى سعر وصله 14.60 واليوم سعره 2.04 باقله 0.58 فلس بيوصل 10% من قيمته في الصيف يعني سعره الجديد 1.46
6- بنك دبي الاسلامي : في 2008 اعلى سعر وصله 12.50واليوم سعره 1.60 باقله 0.35 فلس بيوصل 10% من قيمته في 2008 يعني سعره الجديد 1.25
7- ارابتك : في 2008 اعلى سعر وصله 19.90 يعني بعد توزيع سهم مقابل كل سهم يصير 9.95 على السعر السابق واليوم سعره 1.26 باقله 0.26 فلس بيوصل 10% من قيمته في 2008 يعني سعره الجديد 0.95
هذا الي صاير الحين كل شركه وصلت الى ما قيمته 10% من قيمه السهم في الصيف او اعلى سعر وصلت له سابقا خلال سنه وبدون اي عتبار الى القيمه الاسميه او اي ارباح للشركه واصولها؟
والي ما وصلت الى سعر 10% من قيمتها سابقا باقلها كم فلس وبتوصل وطبعا الله يعلم املاك وتمويل لو ماتلاحقوهن ووقفو التداول جان اظن اسعارهن في الماينس – تخيل عندك (50000-) سهم املاك
طبعا انا كتبت هالموضوع لانه لاحظت انه كل شركه وصلت الى 10% من قيمتها خلال اعلى سعر في 2008
لكن الي مب قادر اتخيله انه على هذا الوضع ووصول الاسهم لتحت القيمه الاسميه وبما قيمته 10% من اعلى سعر في 2008
يعني
الي كان عنده مليون درهم متسلفنهن ولا وراثنهن ولابايع ارضه وكان شاري بهن الاسهم في 2008 بالاسعار السابقه الحين يسون له لو باعهن مائة الف دهم يعني لو فكر يشتري اف جي 2009 مايروم
والي سمعني اتكلم عن 2008 كاني اتكلم عن خمس سنين ورا مب كانه من كم شهر
طبعا انا اتكلم عن الي شاري استثمار وكاش مب ماخذ ضعف المبلغ مليونين على المكشوف من البروكر ولا البنك لانه في هالحاله بيكون مطلوب للبنك او للبروكر مليون درهم من غير خسارته مليون من راس ماله
شفتو المصيبه يا جماعه ؟
صدق الي يشوف مصيبه غيره تهون عليه مصيبته
هل حسيتو بالوضع الي وصلناله ولا؟
حتى امريكا ودول العالم الي يقولون فيها اكبر الازمات الاقتصاديه مانزلت كل الاسهم بهاي الطريقه ومب راضيه ترتفع …………….. عندهم نزلت صح بس شوي رجعت ترتفع حتى دول لخليج الا نحنا مادري شو الي يالس يستوي
شو الحل ؟
الخساره خساره الروح شوفوا شو صار في غزه وبتهون عليكم مصيبتكم والمال مجرد وسيله للعيش وممكن تعويضه ولكن الروح لا تعوض
لو في شركة محاماه مساهمة عامة بالسوق بتشوفوها لمت أب.
الله يعين تخيل كم في مكشوف علقان بالسوق لا قادرين يحصلون منهم ولا قادرين يبيعون أسهمهم ببلاش الا حبه.
والكل صابر وخايف احد يطالبه ساعتها بتفرط المسبحة ولملم مصايب الناس
الله يعين
ان اشوف سوداتل الوحيد الي يستحق الاشادة بس هل السهم عليه حركات بايخة بعض المرات
الكبار يحبون صلخ جلود الصغار وتبا للأستثمار
[IMG]
[/IMG]
جزاك الله خير نعم عزيزي كلنا خاسرون ولقد ذكرت في موضوع الاخ يوسف بان الكل خاسر بغض النظر من يملك البيت هبطت قيمته من يملك الاسهم حتى ولو كان مستثمر منذ السبعينات خاسر
كلنا خاسرون ما دام انه لا يوجد اي تدخل واضح وصريح من قبل الكبار
ارباب