تحيه طيبه اخواني …
كل ما امر من العين ساير ابوظبي اشوف فوق جسر الوثبه او واحد من لجسور سير متواصل من النقليات الي ما يوقف لا ليل ولا نهار …
في بالي من فتره مشروع افتح فيه مؤسسة نقليات يعني شغل مثل حفريات او الدفان
الي عنده خبره عن الموضوع يشراكنا فيه بارك الله فيكم ,,
اول شي خلونا نتكلم عن الدفان :
– شو احسن انواع السيارات النجال من ناحية الصيانه والاعطال وما هو انواعها في كل وحده .
– شو اسعارهن
– ما هي تكلف الديزل وكم يحتاج
– كم يعطى سائق الشاحنه او اجره؟
-ما هي قيمة تاجير النجال بالتريب
– في حده نسبة الطلب عليها في ابوظبي او العين ؟ كنسبة شغل ؟ ووين نقدر نشغلهن؟
نحن ما نبى نشتغل بالقطاعي على الاقل نتكلم بالمشاريع ؟يعني عقد ؟
بالنسبه للحفريات ؟
ما هي افضل نوعيات للحفريات هل حفريات اما الفوركلفت او الشوكه المتععدت الاغراض ؟
ما هي سلبيات ومخاطر الشغله هاذي
الموضوع متشعب كثير حد يقدر يساعدنا بارك الله فيكم
متابع بعد ههههه
متابع بعد معاك…..
متابع ………..
السلام عليكم
انا عندي مشروع لك زين بالنسبه لشراء 5 شاحنات رؤؤس تريلات مرسيدس اكتروس + 5 تريلات سطحات بمبلغ 1 مليون درهم راسمال وتقدر تقوم بتأجيرها شهريا” بعقود لمدة سنه او سنتين او اكثر وعلى الاقل كل شاحنه تجيب لك دخل شهري لا يقل عن 15.000 درهم يعني 5 شاحنات مع تريلاتهم =75.000 شهري في 12 شهر =900.000 درهم في خلال سنه واحدة ترد راسمالك وتبقى الشاحنات ملك لك بأسمك . فكيف يكون دخلك اذا اجرتهم لمدة سنتين او 3 سنوات او اكثر ..
الدخل
سنتين =1800.000درهم ……..مليون وثمانمائة الف درهم
3سنوات = 2.700.000 درهم……. مليونين وسبعمائة الف درهم
ترد راسمالك في خلال سنه واحدة وتبقى الشاحنات ملك لك وتطور مشروعك يمكن في المستقبل تشتري شاحنات عدد اكبر وتأجرهم
اذا تبي اي استشارة في الموضوع راسلني
الغالي
اذا فكرت تفتح شركت نقليات لازم تكون فاضي لها جدا
او اتحط مدير امين لأن الشغلة فيها نصب وايد خصوصا من الدريولية
بدون متابعة انا اضمن لك الخسارة
بالنسبة للربح فهي مربحة جدا فدبي ماعرف شي عن سوق بوظبي
بالنسبة للمشاكل وايد
الدريول يقدر يودي تريبات بدون لا يخبرك
او الدريولية يبيعون تواير الشاحنة ويحطونلك مستعملات
الديزل وايد غالي
الشاحنة المستعملة فيها خرابات وايد يعني اتكون فالكاراج اكثر عن الشغل
ويوم اتوديها الكاراج عادي يبدلون قطع غيار الشاحنة
واشيا وايد
الغالي انا انصحك دامك مب فاهم فالشغلة وامعزم
تسوي دراسة جدوى عند اي مكتب
وذا ان شاء الله فتحت المكتب انصحك تسوي عقود ويا شركات المقاولات هاي احسن طريقة للشغل الدايم
دمت بخير