[SIZE=4]لو تكرمتوا…[/SIZE]
أنا شايف فيه جماعة وايدين مهتمين بالتحليل الفني وحابين يستفيدون لكن المواضيع صارت على قولتهم خارج النص والاسباب كثيرة منها:
*بعض المداخلات صارت تشذ عن الموضوع وتعمله تطويل بلا داعي
*بعض الاخوان يزاه الله خير الظاهر داش يصف كلام وبس
*بعض المواضيع ما له داعي بالاساس تنفتح
لذلك أتمنى من الاخوة المشرفين تحقيق طلب واحد عشان يفكونا من عوار الراس ألا وهو:
فيه مواضيع جدا مهمة مثل مواضيع الاخ بروكر العين ومحلل سعودي وسوبر سعودي ودرهم بن دينار وبنت الامارات…
فيا ليت يتم تجميع الشروحات فقط للافاضل السايق ذكر اسمائهم في مواضيع مستقلة أي بدون المداخلات حتى نختصر الوقت في الفهم والاستيعاب وبعد تخزينهن على فايلات بيكون اسهل….
هذا مع العلم ان بعض المداخلات تفيد النقاش وتثريه فلا يفهمني الاخوان والاخوات غلط…
ولكن هاذي وجهة نظر أرجو منكم تقبلها..
[SIZE=2]مشكورين ويعطيكم العافية..[/SIZE]
اخوي أصيل …
اول شي مشكور على الرد..
ثاني شي.. انته الظاهر ما فهمت قصدي..وبضربلك مثال عشان تتضح الصورة:
فالاخ درهم بن دينار منزل وانا عارف هذا الشي… لكن اذا جيت بتقرا الموضوع بتحتاج فترة طويلة وايد والسبب انك مضطر تفتح اكثر من صفحة واذا نزلتها على ملف او فولدر بتحتاج ترقم الدروس وترتبهن بالتسلسل عشان ما تضيع…
خصوصا ان الاخوان المحللين مشغولين وما يقدر الواحد فيهم يكتب الموضوع مرة وحدة لانه يحتاج وقت طويل في الطباعة…
واذا ظلينا على هالشكل فأي موضوع ممتاز بنحصل ثلاث ارباعه شكر وتعليقات ومداخلات في اغلبها من غير فايده وبنرد ندور الصفحات اللي فيها الخلاصة…
عموما الاخوان اللي كاتبين المواضيع المميزة عندهم ثقة بأنفسهم وعارفين شو يكتبون واكيد ما ينتظرون اطراء او مدح…
هذا ما معناته ما نمدحهم لا نمدحهم وبزيادة بعد لانهم ما قصروا علمونا شغلات ما نعرفها لكن القصد يوم واحد منهم ينهي موضوعه على واحد من المشرفين يزاه الله خير ..يرتب الموضوع بالشكل اللي كاتبنه صاحبه يعني شرحه فقط …واللي يبا يقرا كل شي ترا الموضوع الرئيسي موجود …
وكفى الله المؤمنين شر القتال..
وشكرا لكم على جهودكم الطيبة
اخى العزيز
السلام عليكم
طبعا القسم مفتوح للجميع لتبادل الافكار واكتساب الخبره
والنقاش مفيد للجميع فكل انسان مهما بلغ من العلم قد يسهو أو يخطئ
ونحن جميعا نحتاج للتشاور… وستجد فى القسم مواضيع اشترك فيها مجموعه من الاخوان
بالنقاش وكل فرد منهم يعطى وجهة نظر رائعه
لدينا عدد كبير من الاخوان المميزين جدا فى التحليل الفنى وسيكون صعبا جمع كل ما كتبوه