أنا مستغرب يوم انك تيب الرنج السبورت العدي بدون سوبر على 225000 . وفي الامارات هالسيارات الوارد تنباع على 265000 -275000 على حسب الزبون. شو الفايده اللي بتلقاها .
الشي المهم انه واحد من ربعنا تعامل مع واحد يقول انه ييب سيارات من امريكا ومسوي نفسه مطوع
وانسان طيب بس بعد مادفعنا العربون (20000) الريال سافر ولين الحين ماشي رد (اكبر طاف ). وماشافه من هذاك اليوم والرقم ماله طلع شاريه من محل تيلفونات بعد ماشيـكنا عليه في الاتصالات . شوف : الشي الغريب ليش ماتبيع الموتر هني بنفس اسعار المعارض او اقل بعشرت الاف بتكون الفايده اكثر على الاقل 50000 في كل سياره . وعلى فكره اذا عندك مكتب في الامارات وتصدر منك عقود بين البايع والشراي ترا يمكن يكون التعامل معاك موثوق فيه . اسمحلي على هالكلام بس لازم كل شخص هني يكون عنده فكره واضحه عن هالموضوع . 
39 thoughts on “الى سعود البكر (شي غريب )”
Comments are closed.
guys please act like mature people..and brother Saoud al baker, you are a good guy we can tell, but please dont open more than ONE topic about your cars ONE topic is enough, and thank you
MoJaZeF
بسم الله الرحمن الرحيم
فعلا الاخ سعود مب محتاج اي حد يثني عليه ولاكن هذي شهاده لازم اقولها
الاخ محمد سالم العولقي هو واحد من اللي تعاملوا ويا سعود ورقمه موجود في اول رد للاخ سعود وانا اعرفه شخصيا ويوم سالته عن سعود البكر وكيفية التعامل وياه قالي حط فلوسك وانت مرتاح وانا شفت سيارته وقالي الاخ سعود ماقصر فحصلي السياره وعطاني كل التفاصيل اللي اباها
ووصلت السيارة لين عندي وانا مرتاح
يعني لازم الريال يغلي عشان الواحد يحس انه صادق ؟؟؟؟؟؟
وانا باذن الله ناوي اشتري سيارة من طرف سعود البكر
هذي مب دعايه ولاكن كلمة حق
يا الذيب الكبير . سعود البكر ما يحتاج لدعايه
فالعملاء الذين تعاملوا معي هم دعايتي الحقيقيه وهم الرصيد الذي سأحتفظ به للابد
لانهم لمسوا مني التعامل الذي لم تشبه شائبه
وكنا والحمد لله عند حسن ظنهم
وأنا أرحب بكل أتصال وبكل واحد يريد أن يورد سياره من أمريكا
وأنا لست بحاجه لكي يثني علي أو يذمني أحد
فاللي ما يعرفك ما يثمنك
وأدعوا جميع الخليجيين والعرب لتوريد السيارات من أمريكا تفاديا للاسعار الناريه الموجوده بمنطقه الخليج والعالم العربي
وعمليه شراء السياره من مالكها بأمريكا مباشره تعد من السهوله بمكان فالعمليه مش محتاجه أي تعب
بأمكانكم الاتصال المباشر بصاحب السياره والتفاهم معاه على السعر لان رقم تليفون صاحب السياره موجود على اعلان كل سياره
وبعد الاتفاق معاه على سعر السياره . نرجوا أبلاغه بأن المبلغ المستحق والمتفق عليه سوف يدفع بعد فحص سعود البكر للسياره في موقعها أينما كانت للتأكد من خلوها من الحوادث والصدمات والصبغ والصدأ
وبعد ذلك سوف نقوم بنقل السياره لاقرب ميناء تصدير وسوف نخلص لكم أوراق تصدير السياره
لكي تصلكم الى بلدانكم بأسرع وقت
وأعتقد ما فيه أسهل وأروع وأصدق من هذه المكاشفه والمصارحه الصادقه
وأنا بأنتظار طلباتكم يا جماعه الخير
ونقول لمن أنتقد سعود البكر ……….. الله يسامحك
تحياتي
سعود البكر
تليفون مباشر 0017862811313
بريد الكتروني usa2england@yahoo.com
السلام عليكم ورحمة الله وبركاته
يا جماعة الخير لا تعطون الموضوع أكثر من حقه وما في داعي لتبادل التعليقات والكلام لي ما يييب ولا يودي..وما في داعي للتجريح والتشكيك في مصداقية وتعامل الريال بالتالي هذي تجارة ياخواني والتجارة شطارة فيها ربح وفيها خسارة..وبشهادة الجميع سعود البكر ما قصر في اي واحد تعامل وياه واالريال يتعامل بشفافية مطلقة جدااا جدااا لأبعد الحدود..والسموحة عالمداخلة..
شو الي يخلي الاخ Korn يعطي للاخ سعود البكر نصائح مجانيه لكي يبيع السيارات بسعر اغلى وفتح معرض بالدوله و وووو…الخ
وشو جاب موضوع سعود البكر في باله وهذه النصائح المجانيه مع انه مايعرفه …!!!!
ان هذه المشاركه من قبل الاخ Korn وكما اعتقد مصطنعه والغرض منها الدعايه والترويج للاخ سعود ونرجوا من المشرفين فرز مثل هذه المشاركات وحذفها لان اعلانات البيع والشراء بالمنتدى يجب ان تكون للناس العاديين (الافراد) وليست لاصحاب المعارض والمحلات والشركات اللذين وبرايي الشخصي يجب ان يدفعو مبالغ لدعم المنتدى مقابل اعلاناتهم وترويجهم التجاري.
ببساطه اذا اراد الاخ Korn تقديم نصيحه شخصيه للاخ سعود فيمكن ان يقوم بذلك عن طريق الخاص لانها نصيحه وليست موضوع للاعضاء لكي يتناقشوا فيه ! وذلك له معنى واحد وهو الترويج المتعمد!!!!