أنا مستغرب يوم انك تيب الرنج السبورت العدي بدون سوبر على 225000 . وفي الامارات هالسيارات الوارد تنباع على 265000 -275000 على حسب الزبون. شو الفايده اللي بتلقاها .
الشي المهم انه واحد من ربعنا تعامل مع واحد يقول انه ييب سيارات من امريكا ومسوي نفسه مطوع
وانسان طيب بس بعد مادفعنا العربون (20000) الريال سافر ولين الحين ماشي رد (اكبر طاف ). وماشافه من هذاك اليوم والرقم ماله طلع شاريه من محل تيلفونات بعد ماشيـكنا عليه في الاتصالات . شوف : الشي الغريب ليش ماتبيع الموتر هني بنفس اسعار المعارض او اقل بعشرت الاف بتكون الفايده اكثر على الاقل 50000 في كل سياره . وعلى فكره اذا عندك مكتب في الامارات وتصدر منك عقود بين البايع والشراي ترا يمكن يكون التعامل معاك موثوق فيه . اسمحلي على هالكلام بس لازم كل شخص هني يكون عنده فكره واضحه عن هالموضوع . 
39 thoughts on “الى سعود البكر (شي غريب )”
Comments are closed.
وانا اتفق مع الاخ بو سعيد
. اخوي سعود الله يوفقك ويسهل امورك وتستاهل كل خير بعد الكلام الطيب اللي قريته منك . وفعلا شكلهم الحساد وايد وانته مطيح سوقهم ويستاهلون 
. 
بس بصراحة خدمتك ببلاش . لانه لو فكر الواحد انه يزور امريكا راح يكلفه الكثير الكثير فوق قيمة السيارة ويمكن السيارة تطلع زينة ولا عليها العوض . وراح يكلفه التذكرة يمكن روحها بـ 6000 درهم اواكثر والاقامة والمعيشة واشياء كثيرة انت راح توفرها عليه ويمكن السلطات الامريكية توافق على دخوله امريكا او لأ. مشكور اخوي سعود وان شاء الله راح يكون لي تعامل وياك وعن قريب . وتسلم .
هلا سعود
ماذا لو أكتشفت بعد السفر لمدينة معينة أن السيارة فيها عيوب كبيرة ولاتستحق قيمتها
كم يتحمل المشتري الذي حول الفلوس لشراء السيارة ؟
أرجوا التوضيح للأستفادة ولك الشكر
أنا معاك يا نازداك NASDAQ أنا لا أدعي الطوع ولا أستغل الطيبه والشهره لكسب الزبائن
خلني أشرح لك طريقه عملي بالتفصيل الممل
لنفرض أنه نازداك دخل على موقع سعود البكر SAUDalbakr دوت كوم وحصل سياره في مدينه نيويورك
وشاف صورها – وشاف مواصفاتها – وشاف سعرها الحقيقي المعروض من قبل مالكها – وشاف تليفون صاحب السياره المتحرك
بطبيعه الحال سوف يقوم بالاتصال بمالك السياره مباشره ويستفسر أذا كانت السياره موجوده والا أنباعت ويستفسر عن حالتها وعن سعرها وسيفاوض صاحب السياره على السعر
وهذا الشئ أنا أود كل الناس أنها تسويه . لانهم بالطريقه هذه يتطمنون ويعرفون السعر الحقيقي للسياره وعساس لايقولون سعود زاد علينا السعر والا خش علينا حاجه
وبعد ما يتأكد نازداك من أن السياره بعدها موجوده وما أنباعت وبعد الاتفاق مع صاحب السياره على السعر
يأتي دورنا في فحص السياره وتشييكها والتأكد من أنها خاليه من العيوب والصدمات والصدأ والصبغ
وغيرها من الاعطال والتأكد من سلامه أوراق السياره
وطبيعي بأن نازداك بيتصل بسعود لكي يبلغه بضروره القيام بفحص السياره وعدم تسليم أي فلس لصاحب السياره الابعد التأكد من سلامتها
وأنا يا نازداك أستلم قيمه السياره المتفق عليها من قبلك مع صاحب السياره مع العموله قبل الطيران من ميامي الي نيويورك والسفر جوا لموقع السياره
وذلك عن طريق الاخ أحمد المرزوقي وهو وكيل أعمالي بالامارات أو عن طريق أحد مناديبي بالبلدان العربيه
وأنا يا نازداك عندي شركه البكر للسيارات في رأس الخيمه ومرخص من قبل الدائره الاقتصاديه والبلديه وغرفه تجاره وصناعه رأس الخيمه
وعند أستلام أي مبلغ يتم تسليم الشرائ وصل مصدق ومختوم من شركه البكر للسيارات
وهذا هو ضماني للعملاء وموقع الشركه موجود في رأس الخيمه ولو تحب تزورنا حياك
أتصل بأحمد المرزوقي وهو سيصتحبك لموقع الشركه
وأتمنى أن يكون بيننا تعامل تجاري
تحياتي
سعود البكر
يا اخ سعود خبرنا بالتفصيل الممل كيفية الدفع و كيف الطرف الاخر يستلم فلوسه و عند دفع المبلغ و السيارة بعدها فى امريكا يبالها شهر فى الباخرة توصل …. هل الدافع يستلم اى وصل رسمى يوحى بانه دفع المبلغ الفلانى و لاى حساب ؟ و فى حالة ان السيارة ما وصلت لاى سبب معين هل فلوسه مضمونة الاسترجاع و كيف؟ …. يعنى بالمختصر المفيد احنا مصدقينك بس التجارة بين طرفين لازم الامور اتكون واضحة مب كفاية الصفات الشخصية لاحد الاطراف ( متدين – طيب – معروف ….الخ )
شكرا لك يا الدهماني وسلامي للدهامنه كلهم في المنيعي والحويلات وجميع أنحاء الامارات