سلام عليكم
ابا رايكم ومشورتكم في الرانجلر
من كل النواحي واللي يعرف لايبخل علينا
شو استعماله وصرفيته وخراباته
لني لاقي واحد موديل 2008 ماشي 30000
تشيكات وكالة وضمان الوكالة
اللون سلفر وقير عادي
ومعاه طربال من امريكا يعني يوم تبطل سقف الوكالة
تركب الطربال وعليه طربال امامي بعد من أمريكا وعليه فلتر ومادري بعد زيادة شو
عليه رنقات كبار ووكالة وتواير 900 وميجر بعد بيعطيني اياهاوعليه رفارف كبار ورفارف وكالة
اكيد اتعرفون الرفارف ويا الرنقات الكبار كيف يغدي الموتر وحش
شو رايكم كم يسواله
ودمتم سالمين غانمين الى بيوتكم تائبين
اتريا ردودكم الطيبة وماعليكم زود
خذت و سقت سياير وايد ……… بس ثلاث سياير كنت اعيش جو ثاني وانا اسوقهن :
1- الرانجلر (خصوصا في لشتا والقبة معقوقه).
2- النيسان الجديم الوسط (وحس الكام يبررربررر )
3- الموستنج.(الثمانيه طبعا)
اخوي خذه و توكل على الله ولاتخلي شي في خاطرك…,,صح الحين حر و قيظ ..لكن في لشتاء بيونسك
تووووووووووووووووووب كار
صراحة ماقصرتوا وسوالفكم وايد حلوة تسلمون لي
واحترم آراءكم واكيد منكم نستفيد
بس انا لاقنه ب 60000
ومع كل الاغراض اللي ذكرتها
اللي عايبني فيه شكله ولا عن الباقي ماعرف عنه شي
واذا خذته بيكون عندي 3 سيارات
وعن الرملة والكشف ما أظن اني بحتايهم لان انتهى الموسم
فشو رايكم اتشوفونه يستاهل ولا
بصراحه الهمر h3 والرانجلر اليديد اسوأ سيارتين, مالقيتلهن ميزه غير الحجم الكبير الي عالفاضي, سوالف قوم bling bling!!
كلام الاماراتي صح الرانجلر سكند كار, لازم عندك غيرها حق العائله والخطوط وهالسوالف.
لوووول والله تنسى همومك. واتحط خالد عبدالرحمن “اذكري يوم التلاقي بيننا” 
خصوصا اذا عليه فلتر وهدرز وقزوز وتواير ميكي تومسون ولا بي اف جوودرج منصخ عليهن هوا 15 تقول مخدات مب تواير, رقيص رقيييييص
بس والله ماشي يسوى يوم اتعق عنه الهارتوب ويتم كشف شهر واحد واثنين وتسير فيه البر. وتتمشى العصر فالفريج.