الي بايع بخساره ياكل سح

8 thoughts on “الي بايع بخساره ياكل سح”

1. افا يا شباب شو هذا الاحباط الي ياكم
   ناس طفرانه وناس ما تعترف بالخسارة وناس تلطم
   خير يا شباب اذكروا الله
   هذا السوق يوم ربحان يوم خسران
   ليش واحد يقول ما ببيع اسهمي حتى لو صاروا ورق والثاني يقول لا للبيع بخسارة
   وين العقل وين الرزانه وين المضاربين الشجعان
   ترى اذا كان الزين انك اتحدد السهم الي تربحة
   ف الازين انك تسحب نفسك قبل زيادة الخسارة
   يعني لو انك بعت اسهمك اول ما ولع المؤش حمر
   ورجعت واشتريت اليوم بيكون الكلام فن مب لطم وحسافة
   ايها العضو عد الى رشدك
   وابحث عن فنيات المضاربة الموجودة في راسك وقد اعماك عنها الجزع من انخفاظ اسعار الاسهم
   والله يوفق الجميع

2. السلام عليكم
   عن نفسي انا اقول
   اصبر على مجنونك لييك الي اجن واجن عنه بمرتين

3. رحم الله والديك يا اخ ميداس
   هذا هو الكلام الصحيح واللي تعبنا ونحن نقوله من زمان
   لا للبيع بخسااااااااااااااااااااااااااارة ولا بخسارة فلس احمر

   اسهمى خسرانة اليوم بس اكثر من 20000 درهم حسب اغلاق امس وانت احسب كم خسارتى حسب اسعار الاسبوع اللي فات
   بس ما راح ابيع ولو يصيرون اسهمى ورق كلينيكس
   حتى لو تحولت اسهمى الى ورق كلينيكس بعد بحتفظ فيها

   انا بعدها سالفة اعمار فى 98 ما نسيتها
   يوم ارتفع السهم ووصل 25 درهم بعدين نزل شوى وصرت اراكض من مكان الى مكان لين حصلت واحد ذللنى ذل لين قبل يشتريها 18.5 والوسيط اكل منها عمولته بعد
   عقب ما بعت باسبوع واحد وصل السهم الى 155 درهم حسب ما اتذكر

   كان عندى 3000 سهم لو خلليتها مثل خلق الله شوفوا كم ربحى بيكون؟؟
   3000 سهم بعد التجزئة 30000 سهم
   انا ما عندى الحين الة حاسبة .. احسبوا ارباحى اللي ضاعت منى بلاش

   اقول لكم اصبروا وتوكلوا على الله وانسوا السالفة وريحوا روحكم

   والله عجيب ياخي انته . انا وياك في نفس الطريق والي فيها فيها

   يا جماعة الخير اسال مجرب ولا تسال طبيب الحينه بعد هذه النزول ليش ما تسالون انفسكم ما دام السوق نازل منو الي يشتري هذه الاسهم ؟؟؟ هني تكمن الفكره وهني العقل شي تجميع كبير على الاسهم من المحافظ والهوامير واستغلو تنزيل السوق لكي يحصلون الاسهم بسعر رخيص اليوم اانا قاعد عند الوسيط يقولون لي بيع بيع وانا قاعد اسولف في الموبايل قلت لهم سهاله مب لعب هو بيع وشاتري بيزاتي وعندي واسهمي وعندي الحمد الله انتو لو على مسائلة الارجاف سهم الاتصالات كم كان قبل كم يوم 47 واليوم 39 تعرفون انا كم فاقد في قيمته ثلاثة ملايين واعمار اكثر من 700 الف درهم فرق سعر من اول امس والله بعدني اترقب الفرصة ابا اشتري اتصالات واعمار والجرفات وبلدكو بس اتريا بيزات ابار وسوداتيل ترد

   نصيحة هذه هو وقت الشراء للمستثمر وليس للمضا رب وهل الايام اليح في الابواب ومثل ما قالو اخوانا المصرين حط في بطنك بطيخه صيفي

   نصيحة احسن فرصة للشراء هذه الوقت واذا نزلت الاسعار بعد اشترو لكي تعدلو الاسعار الي عندكم

   وارد اقول اذا في تصحيح في الاسعار وانتو تبيعون منو الي قاعد يجمع في الاسهم في هذه الوقت ابا الجواب من جميع الاعضاء لو سمحتو ؟؟؟؟؟؟ وسؤال ثاني كم باقي على الربع الثاني الشاطر هني بيفهم
   ارباب

Comments are closed.