اخواني ابعى رايكم في المعرض
هل هناك جدية في التوظيف ؟ تنصحون بالزيارة ؟
ما فينا انضيع وقت على الفاضي
وشكرا مقدما

76 thoughts on “الي سارو معرض التوظيف يدخلون”

  1. السلام عليكم و الرحمه

    أنا أنصح كل الأخوه و الأخوات الي يدورون على وظائف انهم يسيرون للمعرض و ينتهزون أي فرصه للتقديم و عدم الاستسلامز

    المشكله ان فيه بعضهم يقدمون الأوراق و ما يتابعونها بإتصالات و زيارات أسبوعيه للجهات الي قدمولها أوراقهم, والله بهالطريقه بتوصلون لغايتكم
    و الله يوفق الجميع و ان شاء الله نشوف الكل مستانس

  2. و الله سالفة التوظيف في الامارات شئ

    يفشل بصراحة و غريب جداااااااا

    مثلا اعرف بنت تشتغل في بلدية العين

    سكنوها على درجة خاصة وراتبها

    في حدود 90 الف و اختها نفس شهادتها

    و امتياز تدرس في برنامج توطين براتب 2500

    شهريا و شهر الراتب ينزل و 4 شهور ماينزل

    السؤال هو ليش ما اوزع هذة الثروة بشكل

    صح يعني مش لازم الرواتب فوق الـ 70 الف

    بعطيهن 30 او 20 و با قي المبلغ بشغل

    10 بنات بدال ما تستلمه و حدة .

    و ايضا نفس الشئ ينطبق على الجيش

    و الشرطة رواتبهم تووووووووووب جندي

    يستلم فوق الـ 20 و في المقابل الاف

    الشباب بدون شغل .

    والله كلامك صح 100% بس للاسف لا حياة لمن تنادي ..
    يقولون الخصخصة راح تنفع نشوف ..غدا لناظره قريب
    شكرا اخي على مرورك الطيب

  4. انا رحت البارحه وخمست هناك.. مادري بيوضفونا او لاء بس الصراحه استانست والي حاطينهم بعد وايد طيبين ويشجعونك انك اتقدم عندهم .. والله موب مهم انه يوظفوني كثر ماكنت مستانسه من التشجيع اللي لقيته منهم..

    اختي انا شو استفيد من تشجيع هم و ترحيبهم
    اذا ما راح يوظفوني العام سرنا عن طريق الكلية نفس الشيء ترحيب واكيد راح نوظفكم ونحن بحاجة الى كوادر وطنية شابة ومن هالخرابيط بس ما شيء فايدة ..
    وفوق هذا كله راح اسير اليوم ويا البنات على قولت الاخوة راح نجرب ونرمي اوراقنا عسى الله يرزقنا
    تقبلي تحياتي

Comments are closed.