اخواني ابعى رايكم في المعرض
هل هناك جدية في التوظيف ؟ تنصحون بالزيارة ؟
ما فينا انضيع وقت على الفاضي
وشكرا مقدما
هل هناك جدية في التوظيف ؟ تنصحون بالزيارة ؟
ما فينا انضيع وقت على الفاضي
وشكرا مقدما
76 thoughts on “الي سارو معرض التوظيف يدخلون”
Comments are closed.
اخذت اختي لمعرض التوظيف الي يشوف ترحيبهم يقول خلاص متوظفة…
اعتقد عدم الزام هذي الشركات بتوظيف اعداد معينة من الوافدين او خبرات نادرة فقط هو السبب..لزيادة نسبة العمالة..
انا مو عنصري بس وطني واحب الخير لأهل بلدي اخوانا الوافدين سامحونا
اتمنى منكم عدم اظهار الروح الانهزاميه.. كلنا تعبنا لين ماحصلنا شغل اتعبوا اشوي وان شاء الله بتحصلون الخير… ياجماعه مافي شي ايي بالساهل وخاصه في الفتره الحاليه مع الأزمات الاقتصاديه.. الله يوفق الجميع وقلوبنا مع اخوانا واخواتنا المواطنين….
حجيه
انتي شو دارسه ؟
حبيت اقول رايي في الموضوع
اشوف الاغلبيه متشائمين و يقولون ان ماشي توظيف
شو رايكم ان خلال هالازمه اللي تتعلثون بها انا حصلت 6 اوفرات..2 من مكانين حكوميات في دبي و2 من شركتين خاصات في دبي ايضا و واحد من بنك و بالاضافه الى اني حصلت شغل في بوظبي و معاشه يبدأ من 35 الف
و فعلا معاشات الاماكن الحكوميه في دبي هي اقل المعاشات ..بالنسبه لي كخريجة بكالريوس حصلت 14 الف في المكانين ..الاماكن الخاصه من 17 و فوق ..بينما بوظبي 35 الف يعني الفرق فوق الدبل ..بس طبعا ما اقدر اسير بوظبي فرفضت العرض
في النهايه ابا اقولكم سيرو و دورو و قدمو كل مكان و كل واحد بيحصل نصيبه و تراكم مب خسرانين شي الا هي حواطه و تتمشون في المعرض
لكن اللي بييلس في البيت و بيقول و الله ازمه و محد يوظف اكيد ما بيحصل شي
و هاي السالفه يطولي بعماركم