السلام عليكم ورحمه الله وبركاته

شخباركم يا جماعه ان شاء الله طيبين

الي جرب هذي العمليه بس ياليت لو يخبرني عنها هل الالم بسيط ولا وايد

كم يوم قعد في المستشفى وهل شاف فرق في عمليه التنفس بعد العمليه ولا مثل السابق

ودعواتكم لي بالشفاء

40 thoughts on “الي سوى عمليه انحراف الانف (الاعوجاج) يتفضل”

  1. الله المستعان اختي

    تدرين حتى انا متخوفه لان صح الاعوجاج ما يبين لكني احيانا ما اقدر اتنفس
    وعندي حساسية بعد وعاطيني بخاخ … لكنه متعب احس يضايقني ،،،

    ههههههههه وتبغين يجربون فيني قبل؟؟؟؟ افاااااااا

    اقصد فالج طيب ان شاء الله عموما بخبرج بكل شيء الغاليه

    ربي يهون على كل مصاب

    تحياتي

    اختكم
    سهمي عالي

    المشكله البخاخ الصيدلاني قالي عنه فيه كريتزون
    وعاد تعرفين الكرتيزون يمتن نحن بنصلح وين ولا بيطلع من وين الحمدلله لنعمه الصحه

  2. الله يشفيج اختي ونصيحة سيري عند دكتور شجاع الدكتور وايييد اوكيه والله يعينج وان شاء الله تنجح العملية

  3. الحمدلله انا قبل 5 سنوات سويت هالعمليه في في مستشفى السلامه في بوظبي ورقدت عندهم 4 ايام وكملت تقريبا 10 ايام ما اتنفس من خشمي كله من الفم لانه الخشم يكون مسكر كامل حاشينه بقطع من الشاش داخل
    المهم بعد ال10 ايام انا ماكنت اعرف شو اللي مسوينه في خشي اتحرى بس مسكرينه من برع يوم سرت عشان يطلعون اللي حاشين به خشمي يلست على كرسي وقبضوني السسترات جان اللي الدكتور ويطلع اللي فخشمي وكان يعور وايد لدرجه اني يلست اصيح ويطلع دم ودخل شي داخل وقعد ينظف انا اتحرى خلاص بيخليه مفتوح استانست قلت برتاح جان ايي ويدخل حشوه يديده داخل وقالي بعد يومين ارجع عشان نغيرها
    ورجعت بعد يومين بس لما يا بيشيلها كان الالم شوي اخف حاولت استحمل وقالي يوم يصير الليل قبل ماتنام شيل الحشوه بروحك فالبيت وحط الدوا
    كان عباره عن مرهم تترسين به الخشم
    والله كانت معاناااااه بس طول هذيج الايام كنت اسب والعن فالدكتور واقول انا المينون اللي يبت كل ها حق عمري
    بس الحمد لله بعد شهر كل شي تقريبا رجع طبيعي واحسن عن اول بوايد لاني قبل ماكنت اقدر ارقد احس دايما يكون خشمي مسدود والحين احس برااحه احسن عن قبل بوايد ليتني كنت مسونها وانا صغير
    هههههههههههه
    اعرف بتقولون شو ها يالس يقول قصه حياته ههههههه
    ان شاء الله تسوينها وتطمنينا عنج

    من بين كل الردود هذا الرد الي خوفني الصراحه حسيت اني لازم اهون

  4. اشرحول لنا شو هو الانعجاج مادري الانعواج الله يطول في عماركم

    بصراحة حسيت كان حد يالس يقص خشمي لوول

    انا عندي كسر في خشمي من لعب الكرة !! تنفع عملية الانعجاج مادري الانعواج لي ويلا ؟

    انا ربيعي سوا عملية عند دكتور ايراني اسمه شجاع و مدحة

    يمدحونه دكتور شجاع الاهل يتعالجون عنده

  5. انا مسوي العمليه

    طبعا لازم في الم بسيط بعد مايقوم الواحد من البنج

    وفي فرق كبير بالتنفس

    يكون افضل

    والعمليه بنفس اليوم تسوينها وطلعين

    لانها بسيطه ماتخوف

    سلام

Comments are closed.