السلام عليكم… عندي كم سؤال اتمني الجديه في الاجابه
١. السؤال الاول عني
من فتره سمعت وحده ويانا في الدوام اتقول انها من ٥٠ الف درهم سوت ملايييييين كيف ما رضت اتقولنا بس قالت انها في شي في الاسهم و في شي استثمرته بس ٥٠ الف اتكفي ؟؟؟استثمار ؟؟ انا ودي الصراحه تعطوني افكار ب ٥٠ الف درهم شو اقدر اسوي و كيف اقدر اضاعف المبلغ ؟
٢. السؤال الثاني حق ربيعتي
اذا حد فيكم يعرف حد من اصحاب الايادي البيضا يقدر يساعد في دعم مشروع ما بين الوسط و الكبير اتمني ادلوني عليهم لاني اعرف وحده عندها مشروع رووووووعه بس ما عندها دعم.
هيه سارت مؤسسه الشيخ محمد لدعم الشباب تبون الصراحه واااااااايد صعبو السالفه عليها و قالولها نحن لازم ندخل في شغلج و ان انشيك علي حسابج و وايد حطو عليها شروط وهيه حرمه وين تقدر عليهم
فاتمني منكم الي يعرف حد موثوق فيه يرسلي علي الخاص يعني مثل ( الوليد بن طلال) ههههههههههههههه اتمصخر جد والله ال يعرف يخبرني
و السموحه و يزاكم الله خير
أتمنى إن الأخوان يفيدونج إن شاء الله .
البوم العقارية
شي وايد مشاريع براس مال اقل من 100 الف
بس في الوقت الحالي اشوف ان سوالف البيع والشرا الشي السايد
مثل ما تشوفين الخوات والاخوان فالمنتدى تلقين البضاعه الي خذته من برع او طلبته او سلعه سوته اروحها شرا العطور المخلطه والبخور وغيرهن قيمتهن ما تعدي 1000 درهم مثلا وعقب ما تسوق المنتج صح سوا عند ربيعاتها او فالمنتدى او في مكان ثاني تلقينها ربحت 1000 ثانيه فوق هالالف او اكثر
بس اختي اذا خايفه تجازفين في شي انصحج بالمحافظ العقاريه الي تضمن لج راس مالج وتنزل لج ربح شهري وانتي هب خسرانه شي
وبالتوفيق ان شاءالله
٢. السؤال الثاني .. كنت بقولك طرشها ترووووح مؤسسه الشيخ محمد لدعم الشباب
بس أنت تقول راحت وصعبوووو عليها السالفة
بالتوفيق ان شاء الله
السلام عليكم الغالية
اختيه انزين ليش ما تساعدينها انتي يعني هي عندها مشروع بس ما في راس مال وانتي عندج راس مال بس ما في مشروع يعني وااااااااايد مناسبين تبدون مشروع ان شا الله ويا بعض ,,, والسموحة الغالية والله يوفقج وييسر لج الخير ان شا الله دنيا واخره
@ اختكم في الله @