الي عنده خيل ولا يربي خيل يتفضل (أستفسار)*

14 thoughts on “الي عنده خيل ولا يربي خيل يتفضل (أستفسار)*”

1. Precious مشكووووووووووووره اختي على المعلومات كفيتي ووفيتي

   والخيل انا اباه حق الركوب يعني شويه تسليه واركب الصغاريه يكون خيل عاقل وسعره معقول يعني

   ومشكوريين تعبتكم ويايه….

2. أخويه عنده خيل شارنها من مزرعة الخيول اللي في الفليه بس شو لونها وعلى كم شارنها باجر برد عليك

3. اخوي شوه من الخيول تبى يعني للتربيه والركوب ولا لجمال الخيول والا للقدره

   انا من العين ومبونه عندي خيول وقلطها كلها لنها عباله وبعدين مب متفيج

   والله من اسبوع مقلط حصان عريال وياليتك سبقت موضوعك ما يغلى عليك

   اطلب يلي تباه وبشوف ربعي رعاة الخيول وفالك طيب في السعر

   شكرا

4. أنا أحب الخيول بشكل كبير واحب اكون محاطه بالخيول لكن المعلومات اللي عندي بسيطة..
   تقدر تسوي سيرج في قوقل وبتحصل أطنان من المعلومات والشباب اللي يربون الخيول ما بيقصرون..
   لكن بشكل عام..ودي امتلك خيل وكنت اتابع المواضيع المعروضه بخصوص الخيول للبيع..
   الأسعار تتفاوت اعتماداً على كمن شي اساسي:
   العمر
   اذا الخيل عنده جواز
   اذا الخيل فايز ببطولات الجمال أو أي سباقات ثانية
   يعني في خيول تكون للسباقات وأخرى للجمال وأخرى للركوب العادي..
   اذا كان الخيل من نسل صافي والأب أو الأم معروفين..

   فالأسعار تتفاوت من 2000 لين فوق..توصل لين 40 ألف وفي طبعاً الأغلى..

   وفي سوق الشارجة للحيوانات عندهم خيول إذا حاب تشوفهم..

   الخيل يباله عناية واهتمام..من تنظيف دايم ومتابعة أنواع الأطعمة..
   ومن الأطعمة المفضلة جداً عند الخيل..تفاح..جزر..مكعبات السُّكر..حلاوة بولو ^_^ فإذا خيلك بذل مجهود أو إنه سوى شي انته تباه تقدر تجازيه بأنك تعطيه شي من هذيله..
   والخيل حيوان حساس جداً..وغالباً ما يشعر بالإنسان..فإذا كان الشخص يخاف منه..ردة فعله بتكون غير وإذا كان يحبه أيضاً ردة فعله غير..

   ممم شو بعد..

   إن شاء الله اكون افدتك لو شويه..

   

5. ………………………………………….. ……..

Comments are closed.