الي عنده خيل ولا يربي خيل يتفضل (أستفسار)*

14 thoughts on “الي عنده خيل ولا يربي خيل يتفضل (أستفسار)*”

1. الخيول العربيه

   غاليه جد لان محافظ على سلالتها من مئات السنين

   وهي تستخدم لمسابقات الجمال والسباق في نفس الوقت

   اذا لليهال خذلك بوني او خيل مهجن

2. الخيول ياخوي انواع فيها العربي وفيها الانجلو

   واسعارها تختلف باختلاف النوع والسلالة

   وتقدر تشتري من الاشخاص اللي عندهم ويربون الخيل او من المزادات اللي تستوي مرات في الشارجة او دبي وابوظبي

3. السلام عليكم
   في البداية يا اخوي امبين عليك ما تعرف في الخيول
   نصيحه مني روح نادي الشارجه للفروسية وخذ لك دوره عندهم
   واذا بغيت تشتري عندهم خيول للبيع وبين فترة وفترة يسوون مزاد
   واذا عن الاكل انواع الاكل وايد وومكن اتييب من برع الدوله حتى
   وبالنسبه للاهتمام الخيل محتاج وايد وايد اهتمام من غسيل ولازم تعطيه مقويات نفس الفيتامينات وتهتم بالحوافر
   وهاذي مشكلتها محلوله ..نادي الشارجه يهتمون بالخيل وبسعر رمزي
   انا كنت اتعامل معاهم شخصيا وخدماتهم ممتازه واسعارهم معقوله في كل شي حتى اذا الخيل احتاج لرعاية صحية اسعارهم ممتازة لاني تعاملت مع عيادات ثانية وشفت الفرق بالاسعار

4. هو شارنه من الشيخ عمار بن حميد النعيمي عنده خيول مال ريس (السباق) وخيول مال جمال (هاي ما فهمتها)
   وبالنسبة للأسعار ………..أسعار قبل تختلف عن أسعار الحين أقل سعر بتحصله من 30 ألف وطالع

   مرحبا أختي عود معطرر..اسمحيلي اعقّب على ردج..
   خيول جمال..لها مواصفات مميزة مثل ما تعرفون الخيول العربية تتميز عن غيرها من أنواع الخيل في عدة صفات..شكل الراس..العنق..الصدر..الظهر وما إلى ذلك..
   لو اتابعون بطولات جمال الخيول السنوية في عيمان أو الشارجة بتعرفون الفرق..لأن الخيول المشاركة
   فعلاً قمة في الجمال ما شاء الله..

   اخويه المساهم العيناوي..في خيول تنعرض بين فترة وفترة في قسم البيع والشرا..
   وأيضاً في مواقع ثانية للبيع..ومن فترة شايفة صورة خيل جميييل معروض للبيع..في احدى المواقع..

Comments are closed.