السلام عليكم اخواني بغيت رايك اي السيارتين افضل من كل النواحي الخرابات وقطعا لغيار والصيانه والصرفيه طبعن ك سياره بديله سبير يعني حق البيت و المشاوير يعني انا اشوف السويفت منتشره اكثر بس رايكم يهمني ..

1.5

3 thoughts on “الي عنده يارس ولا سويفت يدخل (استفسار)****”

  1. السلام عليكم

    أنا عندي يارس 2008 رقم واحد مثل اللي في الصورة لكن بيضا وطبعا عندي سيارة ثانية بس استخدم اليارس للدوام و المشاوير. السيارة نشيطة و سواقتها خفيفة و حلوة ما تحس انك تسوق سيارة كأنك تسوق سيكل ومن خفتها تحببك في السواقة

    بالنسبة لأسعار قطع الغيار ما عندي علم لأنها الحمدلله من اشتريتها ما اختربت لحد الآن اللهم لم وقفتها لمدة شهر رمضان كامل وما شغلتها في هالمدة البطارية فضت و ما قامت تدق سلف و بدلت البطارية لأول مرة من يوم ما اشتريتها ب 300 درهم

    الصرفية معقولة جدا وبعد غلاء البترول المبالغ فيه قمت افولها بـين الخمسين والستين درهم وتمشيني لمدة اسبوع بما اني اظرب خطوط يومية بحكم بعد مكان شغلي ولكن قبل ما انتقل لمكان شغلي اليديد كنت استخدمها في المدينة و الفول تانكي كان يمشيني بين اسبوعين و ثلاثة اسابيع

    بالنسبة لتشييكات الوكالة كانت معقولة بين ال 300 و ال 400 درهم على ما اذكر و مرة عملولي ac refreshment اونه صيانة المكيف مع غاز كلفني المجموع مع التشييك حوالي 700 درهم

    وأخيرا اليارس الهاتشباك فيها ميزة من بد السيارات اللي في فئتها وهي أنها أوسع سيارة فيهم من جدام ( الغمارة الأمامية) يعني بين كراسي السايق و الراكب الامامي و بين الداشبورد مسافة شرحة على عكس السيارات الثانية ( ربيعي قارنها بالتيدا و السوفت وأنا قارنتها بالهايونداي ليو ) كانت اليارس اوسع من جدام

    والسموحة على التطويل بس حبيت الكل يستفيد من تجربتي

    مشكور يالغالي على المعلومات المهمه وماقصرت

  2. السلام عليكم

    أنا عندي يارس 2008 رقم واحد مثل اللي في الصورة لكن بيضا وطبعا عندي سيارة ثانية بس استخدم اليارس للدوام و المشاوير. السيارة نشيطة و سواقتها خفيفة و حلوة ما تحس انك تسوق سيارة كأنك تسوق سيكل ومن خفتها تحببك في السواقة

    بالنسبة لأسعار قطع الغيار ما عندي علم لأنها الحمدلله من اشتريتها ما اختربت لحد الآن اللهم لم وقفتها لمدة شهر رمضان كامل وما شغلتها في هالمدة البطارية فضت و ما قامت تدق سلف و بدلت البطارية لأول مرة من يوم ما اشتريتها ب 300 درهم

    الصرفية معقولة جدا وبعد غلاء البترول المبالغ فيه قمت افولها بـين الخمسين والستين درهم وتمشيني لمدة اسبوع بما اني اظرب خطوط يومية بحكم بعد مكان شغلي ولكن قبل ما انتقل لمكان شغلي اليديد كنت استخدمها في المدينة و الفول تانكي كان يمشيني بين اسبوعين و ثلاثة اسابيع

    بالنسبة لتشييكات الوكالة كانت معقولة بين ال 300 و ال 400 درهم على ما اذكر و مرة عملولي ac refreshment اونه صيانة المكيف مع غاز كلفني المجموع مع التشييك حوالي 700 درهم

    وأخيرا اليارس الهاتشباك فيها ميزة من بد السيارات اللي في فئتها وهي أنها أوسع سيارة فيهم من جدام ( الغمارة الأمامية) يعني بين كراسي السايق و الراكب الامامي و بين الداشبورد مسافة شرحة على عكس السيارات الثانية ( ربيعي قارنها بالتيدا و السوفت وأنا قارنتها بالهايونداي ليو ) كانت اليارس اوسع من جدام

    والسموحة على التطويل بس حبيت الكل يستفيد من تجربتي

Comments are closed.