انا مع زيادة الرادارات والمخالفات
واي مبلغ اتخالف به بالرادار اعتبره ضريبة ادفعها للحكومه عن الحمايه ضد المتهورين ومجانين السرعه في الشوارع واللي يمكن الواحد منهم يعرضني لحادث افقد حياتي او تعرض لضرر منه
لاحظو سلوك قائدي السياراة قبل زيادة اسعار مخالفات الرادار وبعد الزياده بتلاحظون في انخفاض في سرعة السيارات والقياده بطيش ومثال على دلك شارع مصفح في بوظبي
واللي يبا يسرع على اساس انه مستعيل او انه متاخر عن شغله معينه.. فهده مشكله خاصه به ناتجه عن سوء التخطيط ولا يحملها للاخرين بالسرعه الزايده والتجاوز وتعريض الاخرين للمخاطر ترى الشارع اللي تسوق به في سواقين
خبراتهم في السواقه مختلفه ولا تحسب كل الناس مثلك دريوليه وتجي تلصق السياره فيهم وتضرب لهم فوول لييت ترى اللي يدامك ممكن شيبه ما يشوف عدل ويمكن بنت توها ماخده الليسن وومكن سياره فيها اطفال او حرمه حامل او درويل على سيارة شركه وكل مخالفه محسويه عليه وهو معاشه الفين درهم
وفي النهايه ترى هذا الشارع شارع حكومي والحكومه محدده السرعه عليه ولازم علينا نلتزم بالسرعه المحدده
9 thoughts on “انا مع زيادة الرادارات والمخالفات”
Comments are closed.
كل واحد مسؤول عن نفسه
و مثل ما قال الاخ الي يحب الرادارات يكلم المرور يبرزون له كم واحد عند باب بيته ^ـ^
والصراحه اسعار المخالفات مصــــــااخه بمعنى الكلمه يعني مادي بحت
و المخالفات و انت يالس بتييك يعني مافي شخص ما بتتراكم عليه المخالفات تمشي عدل مخالفه تمشي بدون احترام مخالفه ما عرفنا لهم
و انا ابا تزيد اسعار المخالفات و الرادارات لشي واحد << يمكن تقل السيارات فالبلاد !!!!!!!
صدقج خخخ
اللي يبا رادارات ازيد ليش يخبرنا
خله يسير المرور ويكلمهم
بيرزوون له رادارين عند باب البيت
ويشتغلون عليه اذا طلع ولا دخل البيت
اهم شي يكون مرتاح
اللي مع زيادة الرادارات والمخالفات وعنده بيزات وايد
يتصدق فيهن احسن
والله في مواضيع اتضحك
يمكن فيه زياده قريبه …