سؤالي واضح جدا
حابه اعرف منكم
انت شخصيا
ايوه انت الي تقرى موضوعي الحين وما تريد تجاوب
او يمكن يوم قريته ابتسمت ابتسامه عريضه جدا جدا ( شوه طريقة مضاربة في سوق الاسهم فيدنا)
بس لا ادس الطعم انا ونطيح في السناره ( ترانا مب ناقصين )
قولولي شوه طريقتكم في المظاربه الي تخلي الواحد طالع من السوق اخر الاسبوع ربحان
عطونا دروس وعبر خلونا نتعلم
ومنكم نستفيد
انا بقول اول طرق الي اظارب فيها والي بصراحه في الاغلب ناجحه بس شي واحد يفسدها الطمع
يعني انا من الناس الي تشتري اخر عشر دقايق في السوق وتبيع اول عشر دقايق في السوق بربح خمسه فلس
بس مرات الطمع يخليني اصبر واخسر كل الي جمعته في شهر ويمكن زياده
لانه مثل ما تعرفون ( ما شاء الله على السوق ) يوم يرتفع مثل السلحفاه ويوم ينزل دربي دربي تقول حصان شوه حصان الا بورش وعاطنه على اخر 360 السرعه اتشوف فلوسك تنزل وانت فاج حلجك
ياله الكل ينصحنا او على الاقل يعطنا شي من الاعيبه وسحره في سوق الاسهم
اختكم المديونيره
يقول المثل من طمع … طبع….
لو يا اخوي 500 درهم قول الحمد لله
لكن 500 في اليوم …. كم تساوي نهاية الشهر
ولا 1000 وكم تساوي .
ولا كلامي غير منطقي …….
بالتوفيج
مرحبا يا جماعه ممكن تنصحوني على سهم اقدر اضارب فيه باجر ان شاء الله
للعلم انا جديد على الاسهم والسموحه
انا بالنسبة لي يوم ابيع ارتفع السهم ويوم اشتري طاح السهم مالي حظ ولاكن الحمدالله على كل حال ويوم نستشير المحللين اللي في المنتدى ما حد يعطيني ويه الوحيد اللي يرد علي بشر الله ييزيه الخير
لا تدخلين بكامل السيولة
و لا تاخذين مكشوف
وادخلي على نقاط الدعم او عند كسر نقاط مقاومة قوية
و ركزي على سهم السوق