السلام عليكم,
يمكن معظم الي ساكنين في بوظبي يعرفون سالفتها.
هذي وحده تشوفونها ادور في المولات ولا الشوارع بس اغلب الاحيان تحصلونها متواجده في المراكز.
تقول انها من المدينه ويايه تعالج ولدها. مره من السحر ومره من السرطان ومره من الخبال. المهم كل يوم قصه عن ولدها. وانها يايه حق الشيخ هاشم ولا هشام ما اعرف منو. ودوم تدعي عليه. ما اعرف ليش.
انا كنت طالع من تويز ار اس الي فالمينا. والظاهر انها شافت رقمي من راس الخيمة فقالت هذا هو.
ويت قالتلي قصتها. كنت اقول هذي هي نفسها الي قصت علي يوم كنت فالمارينا.
قلتلها اختي سيري الجهات المختصه بيساعدونج, ما شي فايده. قلتها عندي هالخمسين درهم خذيهم والله وكيلج.
والله الناس في بلادنا مستعده تساعد ويدورون يساعدون حد, بس امثال هالشحاتين تخلي الواحد يسأل عمره الف سؤال قبل لا يعطي. هم بالطريقه هاي يخربون عالمحتاجين صدق.
عن ابن عمر -رضي الله عنهما- قال: قال رسول الله -صلى الله عليه وسلم-: (( لا يزال الرجل يسأل الناس، حتى يأتي يوم القيامة وليس في وجهه مزعة لحم )) متفق عليه
وعن أبي هريرة -رضي الله عنه- قال: قال رسول الله -صلى الله عليه وسلم-: (( من سأل الناس أموالهم تكثرا، فإنما يسأل جمرا، فليستقل أو ليستكثر )) رواه مسلم.
مره واحد مصري تم يلحقني يباني أعطيه بيزات عقب وقفت وسألته أنته في عز شبابك ليش ما تشتغل ؟؟ قالي انا دورت شغل وللحين ما لقيت قلتله أنا بشغلك عندي ,,, المهم عطيته رقمي وطبعا ما اتصل لأنه ما يبى يشتغل يبى يطررر وبس
الله يهديهم بس
وفي اشكال بعد تحصلها في سيارات بأرقام خليجية والمشكلة السيارة يديدة ويقولك والله بس أبا أرجع لبلادي وابا حق البترول
الله يعيني ويقدرنا على فعل الخير ومساعدة المحتاجيين
انا ماسويلهم سالفة
مثل واحد سعودي
اول مرة شفته في الشارجة صوب بناية الكرستال على البحيرة المهم لبسته لانه كلام فاضي
ناسي البوك واهله ومادري شو
بعدها ب اسبوع شفته في دبي صوب مستشفى زليخه
ويا يطلب
جان اقوله مب انته قبل ايام صوب المكان الفلاني
وفي غمضة عين اختفى قهرني والله
قمار وشرب وسهر ورقص وبنات وتخلص فلوسهم
ويطلبون
ومرة واحد مصري صوب الصيدلية
كنت انا في الموتر طلعيلي دوا مال الربو هذا البخاخ
المهم قالي انه ماعنده عشان يشتريه وجي
قلت له اوكي بنزل وياك الصيدلية وبشتريلك اياه
واختفى
لانه جذاب مايبي الدوا
يبي بيزات
وانا غلطان يوم اني مازخهم واكسر راسهم وابلغ عليهم
لاكني حالف من يوم ورايح مابهد حد
يستغلون طيبتنا وكرم اهل الدولة وشوفوا عمايلهم
هذي شكلها تدور عليييييييييك
ياريال المرة الياية تلثم عشان ماتشوفك ،، ولا اقول لك غير رقم سيارتك شكلها تطاردك
ما نعرف شو نسوي مثل ماقلت يمكن تكون جذابة ويمكن تكون صدق محتاجة !!! بس الحمد لله الجمعيات الخيرية ما تقصر اذا راحت ما بيردونها ..
أهم شي نعطيهم شي خفيف عشان مانردهم .. نحن نستحي نرد حد وهم مايستحون يطلبووون !!!