السلام عليكم و رحمة الله و بركاته
قالوا عيد الامهات في مارس
وانتي عيدج كل ايامي واسنيني
عيوني لج والقلب غدا حارس
لج يا مُنى العمر يا روحي وعيني
بدونج انا جواد ابدون فارس
بليّاج الزين كلّه يغدي شيني
وجودج يدّفي وقتي القارس
وجودج يشعل الشوق فيني
واعيوني ما يترسها تارس
لو مال قارون يطيح فيديني
ودّي اعيش طول العمر غارس
لورود المحبة يرويها حنيني
وعند ريلج طقوس الوفا أمارس
وأقدم وردتي لج يا ضنيني
يا أمي كل الشهور ومارس
ما توفي ربع فضلج صدقيني
انتي البحر واشواقي نوارس
اطير كل العمر واصيح ويني
لين أحط في صدرج الوارس
أشم عطره و أروي حنيني
دعواتكم للوالدة، سافرت اليوم وان شاء الله ترجع لنا بالسلامة
صح بدنك اخوي العزيز
شاكر لك هالمرور الكريم واحييك بقدرك و حجمك … تحيتي
عليكم السلام ورحمة من الله وبركاته ..
الله يحفظ الوالدة من كل شر ويرجعها بالسلامة يا رب .. آمين يا رب العالمين
تسلم على الموضوع والأبيات الجميلة يا اخويه
صـــح لســانكـ … ابــيات جمــيلة ومعـاني رائعــة … تســلم يمــناك …
ربي يحفظ لك الوالده .. ويحفظ أمهاتنــا ويعطيهن الصــحة والعــافية …
وتســتاهل هالابيــات … الله يردها بالســـلامة ان شاء الله …
أولا الله يخلي لك الوالدة وتروح وترد بالسلامة باذن الله ..
ثانيا ماشاء الله عليك صح لسانك .. القصيدة جدا جميلة ودامها فالوالدة صارت أجمل وأجمل …
لا تحرمنا من هالابداع يا مصممنا ..
=)
وعليكم السلام ورحمة من الله وبركاته ..
صح لسانك .. وتسلم على الموضوع والأبيات الجميلة يا اخويه
..
والله يحفظ الوالدة من كل شر ويرجعها بالسلامة يا رب .. آمين يا رب العالمين ..