السلام عليكم و رحمة الله و بركاته
قالوا عيد الامهات في مارس
وانتي عيدج كل ايامي واسنيني
عيوني لج والقلب غدا حارس
لج يا مُنى العمر يا روحي وعيني
بدونج انا جواد ابدون فارس
بليّاج الزين كلّه يغدي شيني
وجودج يدّفي وقتي القارس
وجودج يشعل الشوق فيني
واعيوني ما يترسها تارس
لو مال قارون يطيح فيديني
ودّي اعيش طول العمر غارس
لورود المحبة يرويها حنيني
وعند ريلج طقوس الوفا أمارس
وأقدم وردتي لج يا ضنيني
يا أمي كل الشهور ومارس
ما توفي ربع فضلج صدقيني
انتي البحر واشواقي نوارس
اطير كل العمر واصيح ويني
لين أحط في صدرج الوارس
أشم عطره و أروي حنيني
دعواتكم للوالدة، سافرت اليوم وان شاء الله ترجع لنا بالسلامة
آمين .. شكرا ع المرور
.
أبيات رائعة وجميلة
تسلم أخوي على الحروف العذبة
والله يطول في عمر الوالدة ويحفظها ويردها سالمة
هلا مشرفتنا
ولا انا عندي خبرة في الشعر
واكيد هناك أخطاء كثيرة وشكرا على ملاحظاتج الرائعة .. تحيتي
الله يسلمك اخي الكريم
آمين يا رب العالمين
تأخرت اخوي حمد ولكن اكيد توك تشوف المشاركة
مشكور على مرورك الجميل و دايما حروفك غير
تحيتي