السلام عليكم و رحمة الله و بركاته
قالوا عيد الامهات في مارس
وانتي عيدج كل ايامي واسنيني
عيوني لج والقلب غدا حارس
لج يا مُنى العمر يا روحي وعيني
بدونج انا جواد ابدون فارس
بليّاج الزين كلّه يغدي شيني
وجودج يدّفي وقتي القارس
وجودج يشعل الشوق فيني
واعيوني ما يترسها تارس
لو مال قارون يطيح فيديني
ودّي اعيش طول العمر غارس
لورود المحبة يرويها حنيني
وعند ريلج طقوس الوفا أمارس
وأقدم وردتي لج يا ضنيني
يا أمي كل الشهور ومارس
ما توفي ربع فضلج صدقيني
انتي البحر واشواقي نوارس
اطير كل العمر واصيح ويني
لين أحط في صدرج الوارس
أشم عطره و أروي حنيني
دعواتكم للوالدة، سافرت اليوم وان شاء الله ترجع لنا بالسلامة
.
.
وااايد روعه القصيده
صح السانك ,, مـبـدع
.
.
صح السانك على هالابيات العذبه وفالك التوفيق والقلب الحنون
صح لسانكـ
،، و تسلمـ عالأبيات الجميلـــة 
،،
ربي يحفظ الوالدة و يردها لكمـ بالسلامــة ،،
كلمات جميلة
لا فض فوك
.
.
.
للرفــــــــــــــــــــع