السلام عليكم,
السؤال مفهوم من العنوان. في ناس يوم تاكل تحب تمضغ الاكل بصوت عالي,
وفي ناس يوم ياكلون يصكون حلجهم وياكلون بهداوه.
المهم انا كتبت هذا الموضوع وبجاوب عليه اول واحد.
انا كتبت هذا الموضوع لاني متخبل من الفلبيني الي حذالي الحين يالس يمضغ الاكل كأنه يالس يمضغ اذني من الصوت الي يطلعه.
اشوي وبفلعه بالسيفتي بوت.
انا من النوع الي ما يحب يفتح حلجه وياكل وما احب اسمع حد حذالي ياكل بصوت عالي. صدق فيني عقده من هذا الشي وما اعرف اكل.
انت من اي نوع وليش؟
اخوكم
على قولت بعض الناس العلالي, لول eaalali
ههههههه
يمكن يوعان الفلبيني حليله
يا ريال, في ناس شرات هالي حذالي, اعتقد حتى لو شرب شوربه بتشوفه يمضغ فيه بصوت عالي. لول.
تسلم على المرور.
وعليكم السلام.. ^_^
انزين اخويه انت بإمكانك تقوله بإسلووب لو هالشخص مجابلنك 247 من الادب اصلن انه ما يطلع صووت وهو ياكل ..
اصلن كل شي بالتأني فيه خير يعني الواحد يوم ياكل لا يستعيل في أكله ويسكر ثمه
لنه اصلن مب حلوه يفج حلجه جدام الناس تلووع جبوودهم ..
تسلم اخويه ع الموضوع والحمد الله انا ماعاني من هالمشكله لوول
هذا على حسب نوعية الاكل