انت من تاكل, تحب اطلع صوت وانت تمضغ الاكل؟

9 thoughts on “انت من تاكل, تحب اطلع صوت وانت تمضغ الاكل؟”

1. المشكله ان هذا طبعهم. سبحان الله في ناس ما تعرف تاكل الا جي. كلمت كذا واحد عن هذا الموضوع يسون نفس الشي. يقولون ما نعرف ناكل غير جي.

   المشكله انه وياي في المكتب ومجابلنه هو والباك تو باك ماله 24 ساعه. واثنيناتهم فلبينيين, وهذاك اخس, يكح فجأه بصوت عالي كانه روحه بتطلع. والله اني انقز نقزه, اهزبه اقوله سير تعالج عن يطلع فيك انفلونزا الحمير.

   انزين !! كيف ياكل وهو في المكتب انا احيد يشربوون كوفي وهالسوائل ف المكاتب ؟؟؟

   المفروض يروح الكانتين أو ييلس ف غرفه للأكل مب جدام العالم يالس ياكل ريحة المكتب بتغدي كلها أكل !! .. قوله انته يسير ياكل مكان ثاني..

   !! رمضان مجبل.. كيف بتتحمل ريحة الاكل وانت تطالعه ياكل !!

   بخصووص الكحّه << الله يعينك ياخووويه ..

2. انا لما أكل ماتسمعلي صوت بالمرة ولا كأني أكل

   يعني بدوووووووووون صوت

   يعني ساااااااااااااااااااااااااااااااايلنت

3. آداب تناول الطعام والشراب التي وصّانا بها الرسول صلى الله عليه وسلم كثيرة و ليس من ضمنها عدم اصدار الأصوات حين تناولها..
   ولكن قواعد السلوك وآدابه تعلّمنا بأن اصدار الأصوات حين تناول الطعام غير لائق ومستحب..

   إذا هذا الشخص اللي انته منزعج منه دوم ياكل حذالك..فأعتقد تقدر تنصحه بطريقة حلوة وغير مؤذية لمشاعره..وبدون حضور شخص ثالث..

4. وعليكم السلام.. ^_^

   انزين اخويه انت بإمكانك تقوله بإسلووب لو هالشخص مجابلنك 247 من الادب اصلن انه ما يطلع صووت وهو ياكل ..

   اصلن كل شي بالتأني فيه خير يعني الواحد يوم ياكل لا يستعيل في أكله ويسكر ثمه

   لنه اصلن مب حلوه يفج حلجه جدام الناس تلووع جبوودهم ..

   تسلم اخويه ع الموضوع والحمد الله انا ماعاني من هالمشكله لوول

   المشكله ان هذا طبعهم. سبحان الله في ناس ما تعرف تاكل الا جي. كلمت كذا واحد عن هذا الموضوع يسون نفس الشي. يقولون ما نعرف ناكل غير جي.

   المشكله انه وياي في المكتب ومجابلنه هو والباك تو باك ماله 24 ساعه. واثنيناتهم فلبينيين, وهذاك اخس, يكح فجأه بصوت عالي كانه روحه بتطلع. والله اني انقز نقزه, اهزبه اقوله سير تعالج عن يطلع فيك انفلونزا الحمير.

Comments are closed.