انجلب عليه الاسكوتر شو الحل

8 thoughts on “انجلب عليه الاسكوتر شو الحل”

1. السلام عليكم

   يفضل انك اتشغلها نفس الوقت و انته في البحر

   اول شي تسويه اتطلع الماي اللي في الدراجه بالكامل بعدين تبطل البلكات و تعطيها سلف لين يطلع الماي اللي في البساتن

   ملاحظه
   (( حاول اتغطي وايرات البلكات بفوده او تي شيرت مثلا عشان ما تضريك كهرباء و لا تقرب ويهك من الفتحات لانه الماي اللي طالع ضغطه بيكون قوي ))

   يوم بتشوف الماي كله طلع صب شوي بترول في كل بستن عشان يساعدها تشتغل نشّف البلكات و ركبهن .. حاول اتشغلها بتطول معاك لين تشتغل .. لانه الانجكترات بيكون فيهن ماي .. يوم بوصل البترول بشتغل ان شاء الله .

   سوقها .. بتشوفها اتقطع و اتدخن عقب فتره كل شي بيكون اوكيه هنيه بيكون الماي كله طلع من البساتن و الانجكترات .

   يوم بترد البيت طبعا بتشغلها عالماي الحلو .. و اغسلها من الداخل كامل بالماي و رشها w40 لا تخلي شي .
   كرر اللي سويته في البحر بس بدال البترول اللي صبيته في البساتن حط شويه آيل نفس اللي تصبه في الدراجه عشان ما يتضررن البساتن من الملح .

   شغلها فتره بسيطه بتشوفها اتدخن وااايد بس ما عليك هذا من احتراق الآيل

   التنزيله الثانيه الآيل كله بينحرق عقبها بدل البلكات و ان شاء الله كل شي بيكون اوكيه

   انصحك بدواء يبيعونه في وكاله الجونسون في الميناء تستخدمه بدال الآيل اللي بتصبه في البساتن هالدواء يستخدمونه للمكاين اللي بتتوقف فتره عشان ما تجيّم . و اذا مب متوفر فا الآيل يكفي

   هالطريقه دوم انسويها و الحمدالله ولا دراجه جيّمت او اختربت

   الله يوفقك

2. اهلا اخوي

   المفروض انك تفضي الماي كله على طول لان ماي البحر بيكون ( انشاء الله ما يكون ) دخل ماي البحر يعني كله ملح في المكينه ، انا صارتلي مره و خذيتها على الوكاله على طول و نفس الوقت والله فكوا المكينه كلها و نظففوها بماي حلو و قالولي لو خليتها لين يوم ثاني جان جيمت على البساتن لان بيكون فيها ملح

   اتمنى انه ما يكون صار لك اللي صار لي

   و بالتوفيق

3. انا اليوم بعد شراتك انجلب الاسكوتر كامل على تحت اول مره يصير وياي جي
   المهم تعلقت فيه على صوب وتعدل بعدين يلست ادق سلف وايد مب راضيه تشتغل لين اخر شي اشتغلت بس احسها مخنوقه وتطلع دخان وايد وشوي شوي التقطيعه خازت واشتغلت صح
   بس الحمد لله انا مركب نزافه اضافيه يعني 2 يشتغلن طلع الماي اللي فيها بسرعه

4. طلع البلكات و جب شوية بترول ف الفتحات,, عقب اضربهن هوى عدل لين ما ينشف الماي مووول و ركب بلكات يداد

   اتمنى هالطريقة تنفع

5. ان شاء الله الاخوان يفيدونك

Comments are closed.