السلام عليكم ورحمة الله وبركـاته
قبل كم يوم استلمت رسالة من الموارد البشرية …. وعليها توقيع مديري
موضوع الرسالة (إنذار)
الاسباب
1- اني اطلع اجازات بدون اذن مسبق.
2- الخروج اثناء الدوام الرسمي.
3- ادائي الوظيفي ضعيف.
=============================
هالكلام كله بااااااااااااااطل وعندي الاسباب
1- انا آخذ اجازات دراسية … يعني حق الامتحان … واقدم لهم رسائل من الكليه ان في اليوم الفلاني عندي امتحان .. وعلى حسب رمسة المدير .. جد قالي يوم بتظهر إجازة خبر السكرتيرة …
وانا كل ما اطلع اجازه دراسية اخبر السكرتيرة ان عندي امتحان في اليوم الفلاني.. وهي بدورها اتخبر المدير … هالنظام الي اتبعته مع مديري هذا (اليديد) .. ويوم امتحن وأداوم اليوم الي عقب الامتحان اذا ما صادف الويك اند .. وأقدم لهم ورقة من الكلية ومختومة .. ان في اليوم الفلاني عندي امتحان.
2- يقولي المدير انه مب مقتنع اني اطلع الساعه 1:30 عشان الكليه … عشان جيه حاط النقطه هاي اني اطلع وايد اثناء الدوام الرسمي .. ما يباني اظهر الساعه 1:30 حق الكليه (مستغرب).
3- على حسب كلامه ان ادائي ضعيف (كلام باطل) .. وعلى حسب تقييمه من كم شهر عاطني D يعني ضعيف .. واستغربت من هالشي … ويوم سمعت الرمسه هاي .. اتظايجت .. بس ما أعرت للموضوع اي اهتمام عشاني بتخرج ان شاءالله في شهر 6 ..
بس اندهشت كرر الكلمه هاي في الرساله .. الصراحه ظايجتني الرمسه هاي
مع اني اشتغل واكرف عمري .. وآخر شي يقول لي الرمسه هاي .. وهو يعرف ومخبرنه اني اخلص شغلي اول باول .. وما اخلي الشغل يتراكم علي
كلمت مسؤوليني المباشرين (وهم 2) دخلت عليهم المكتب … وقلتلهم بسألكم سؤال واحد وردوا على قد السؤال ( هل فعلاً ان أدائي ضعيف في العمل؟)
والله ما اقص عليكم ردوا قولوا لي ..
بالعكس ادائك سريع ومندهشين من سرعة انجازي للعمل ..
استلمت رسالة الإنذار يوم الأحد … وانا من يوم الأحد امرمس السكرتير .. عشان اجابل المدير .. بس ما صار نصيب اني اجابله يوم الأحد .. ويوم الاثنين متصل الصبح .. وقلت حق السكرتير ابا اجابل المدير … قالي بقوله .. ورديت اتصلت به الضحى .. قالي هو يدري بالموضوع ولين احين ما عطاني اي امر … وما صار نصيب في هاك اليوم … وفي يوم الثلاثاء نفس الشي اتصلت الصبح وقلت حق السكرتير اني ابا اجابله .. قالي خلاص بخبره … المهم عقب كم محاولة اتصال بعد ما أذيتهم … اتصلوا بي .. قالوا لي المدير يباك تتصل به …
اتصلت به ورمسته (المدير)
سلمت عليه
رمسته بخصوص الرسالة .. قالي بصريح العبارة انت انسان اتغيب وايد .. وانا طلبت نقلك لمكان ثاني .. وهم في الموارد البشرية حققوا وياك (فعلا زقروني ورمستهم وقلت لهم كل شي).. ووصلوا انهم يعطونك انذار
قلت له ما يستوي ارمس في التلفون .. ابغي اجابلك …
عشان الكلام المكتوب في الرسالة .. كلام باطل وانا مب مقتنع
قالي ما يحتاي كل هذا … انته بترمس وانا برمس .. وبندش في جدال
وقالي من حقك اتعبر عن رايك وتكتب رسالة تظلم .. وطرش لي إياها
وخبرتني السكرتيره الي عندنا … ان الإجازات الأخيرة الي تم تقديمها في السيستم (دراسية واجازة وحده مرضيه) ما قبلها المدير …
احين انا امزهب رسالة التظلم … بس يبالها اشوية تعديل .. بيلس بعدلها في الويك انج وبرفعها يوم الاحد ان شاءالله … وبرفقها ويالاجازات الدراسية كلها
وواحد من الشباب ما قصر وعطاني هالموقع ط§ظ„ط´ظƒط§ظˆظ‰ ط§ظ„ط§ظ„ظƒطھط±ظˆظ†ظٹط©
بس اكتشفت ان الموقع هذا للمتعاملين مع حكومة دبي .. ومب حق الموظفين 
وعندي باجر امتحان وبسوي الي علي .. وبقدمها في السيستم وبخبر السكرتيره …
وافق ما وافق .. بلبسه وبطلع اجازة وبقدم لهم ورقة الامتحان الاسبوع الياي
اتمنى ياخواني انكم اتفيدوني
هذه مشكلة اغلب المدراء
الاداره بالمزاج
Manage By Mood
وبالانطباع عن الشخص
وهذه ليست احترافيه في العمل
بمعنى انه من اول يوم اخذ انطباع عن فلان انه بيغيب ولا بيتأخر ولا كسول ولا ولا
بيتم هذا الانطباع في كل التعاملات اليومية والشهرية من اجازات وعلاوات ومكافأت (لوفيه أصلا)
يعني بالانطباع وليس بمقدار العمل
الغريب انك لو شكيت عليه بيردوك ليه مره تانية
ماحد فاضي للقهر الوظيفي الذي يعيشه الموظفين
من منا ليس مظلوم في عمله ولا في راتبه
من منا لا يعمل اكثر من طاقته ولا تقدير ولا حتى يعطيك العافية
بهذه العقليه لن نتقدم ابدا
راجعوا موضوعي بخصوص موظفي جوجل
مادري شكلي قريت في احدى الردود انك اتداوم في الامارات للهوية ؟ انت او اخوك !!
لو صح ها الكلام خبرني واانا بحل لك المووضوع والسموحة
مادري شو اسوي …
شو هالمدير ..عافانا الله
يعني اذا انت اجراءاتك كلها سليمه وكل امرك لله يا اخوي
وتدري يا اخوي المشكله ان في ناس عافانا الله
حقوده وانانيه وتخاف من الصغار يكبرون وياخذون مكانها
لكن بشو بنعلق
اخوي ليش المدير شو شهادته ؟؟
والله يعينه على نفسه …
المهم …انت اكتب رسالة التظلم وان شاء الله الاخوان بيساعدونك
والله يعينك ان شاء الله ويوفقك وتنجح وتقهر العذال
ولكن اخوي نصيحه خلك مثل ما انت ..اقصد بعملك واجراءاتك
لان هو شكله يبيك تعصب وتتنرفز ….وبهذه هو بيحقق الا يبيه
بس انت طنشة ولبسه الباب .. واشتغل مثل ما انت تشتغل
ومسؤلينك شهووود … وخل يكتبون هم رساله بادائك ونشاطك
وان شاء الله موفق
وربي كريم ان شاء الله
والسمووووحه
اختكم
سهمي عالي
لاتحاول تحل الغلط بغلط وموقفك سليم دام في إثباتات وكل شي رسمي {الله يوفقك ويظهر الحق}