:rofl: السلام عليكم جميعا …..
الموضوع وما فيه ..باني انا ابا استشريكم وآخذ آرائكم ومساعدتكم ان امكن ذلك ……
بخصوص موضوع اكمال الدراسه …وان شاء الله نستفيد منكم ومن خبراتكم ……..
انا حاليا عندي شهاده دبلوم دراسات الكمبيوتر (( سنتين فقط )) …..
درستها في كليه الحاسوب بدبي ….والصراحه ما استفدت منها شي غير الانجليزي ……
وانا ناوي اكمل دراستي الجامعيه ….بس اوقات الدوام ما تساعدني ……
يعني انا ابا احد الخيارين هاييلا :
1- ابا كليه تكون في دبي ……يكون فيها تخصص اداره اعمال …او تسويق وعلاقات عامه …..
طبعا ..ما ابغي كليه دبي الجامعيه ….لان الدراسه فيها كلها حيص بيص ….
وماابغي كليه الغرير وجامعه عجمان والشرقه ….لانها وايد بعيده في آخر الدنيا ……….وانا دوامي يخلص الساع 5 ..والمكتب في ديره …
2- ابا كليه او معهد فيه كورسات إداره اعمال ..او تسويق ..او علاقات عامه …..وتكون الدراسه مفيده والشهاده معترفه …….وتكون في دبي …(( فرع ديره )) …..
وشي ثاني …… اذا حد فيكم يقدر ينصحني ….بشو التخصصات اللي الواحد يقدر يستفيد منها في المستقبل اذا درسها احينه …………لاني الصراحه وايد محتار …ابا اكمل الدراسه ..بس ما ابغي ادرس وعقب كمن سنه اندم على دراستي وما استفدت منها شي ..شرات الدبلوم الفاضي ……
وشو رايكم بشهاده ال MCSE
ان شاء الله ما اكون طولت عليكم …..واتمنى ان اي حد عنده معلومه ولو كانت في نظره مب هامه ..بانه لا يبخل فيها ……..لتعم الفائده …..لي ولغيري ……
والسلام ختام …….
نتريا نصائحكم يا حلوين ..:rofl:
مشكوووووورين اخواني واخواتي جميعا ع المرور والمشاركه …..
والله الصراحه ما قصرتوا …ويعطيكم الف عافيه ……
احينه انا حطيت في راسي كمن شغله ..وكلها من نصائحكم المميزه ……..
وان شاء الله ربي يوفقني ويوفق الجميع ……..
لاتضيع وقتك الافضل جامعه ولنغونغ الاستراليهدبيقريه المعرفه
تعطيك شهاده مطلوبه ومعترف فيها بكل العالم مع شهاده جامعه سدني ومنهجهم هارفرد انا درست بأمريكا دراستهم اقوى عن أمريكا بوووووايد
والاختصاص أداره الجوده الشامله
أو كليه الجوده دبي
ما ابغي اخبرك عن معاناتي وكيف كنت بداوم من بوظبي لين دبي
بس بخبرك عن ناس اشد من ما عانيته ساكنيين الغربيه وغياثي وبيداومون يومياً يسيرون 750كيلو رايحين رادين لا والصبح مداومين بعد بحقول البترول وهم اصلا مهندسين بس يدرسون ماستر
هذا موقع الجامعه وفيه كل التفاصيل
http://www.uowdubai.ac.ae/index.php
واذا احتجت مساعده خبرني أو اي حد أنا حاضر
بالتوفيق
جزاك الله خير يا اخوي على هالمعلومات لاني كنت ناوية انزل موضوع اسال عن هالجامعة و ابغي اسال شخص مجرب دراستهم عشان يفيدني اكثر و يفيد اي شخص يقرا هالموضوع وناوي يكمل دراسته (الماجستير)……
يا اخوي اشوف هالايام وايدين يدرسون total quality managment لانه مطلوب :075:
شو شروط القبول؟
انسى ادارة الاعمال احس به تخصص قديم جدا لان كمية الخريجين بالالف من جامعات مختلفه بالدوله
تخصص المحاسبه من اهم التخصصات او تقنية المعلومات
على فكرة اغلب العاطلين عن العمل و اللي مسجلين في تنمية تخصصهم business & IT
ولكن هذا مب معناته انهم ما بيحصلون وظايف بس اللي يدرسون تخصصات مطلوبة فرصتهم بتكون افضل
نـــــــــــــــــرفع تبريكاتنا لكي بمناسبه الوظيفه الجديده
أكيـــــــــــــــــــد من خريجات أو طالبات جامعه ولنغونغ
الله يبارج فيــــــك يارب ..
لا والله ،، ما حصل لــي الشرف إني أدرس في هالجامعه …
بس أعرف اللي درسوا فيها ،، اقتراحك جدا موفق ،، أختي تدرس في أحد جامعات قرية المعرفه ،، شهادة ماجستير وأشوفها مرتاحه الحمد لله ..
اول شي الله يوفقك ان شاء الله وتحصل المكان المناسب للدراسه وبالفعل اليوم الانسان من غير شهاده صعب يحصل وظيفه زينه والترقيات اليوم كلها بالشهادات
واعتقد الاخوان ماقصروا والله يعطيهم العافيه
ما ادري اذا سمعت عن معهد نيوهورايزن هذا تقدر تدرس فيه تقنيه معلومات وانجليزي وتخصصات ثانيه ومعترف فيه من قبل التعليم العالي ومكانهم عند مركز برجمان
شوف هذا الرابط (http://www.newhorizons.com/content/centerSearchResults.aspx?SiteId=242&zipcode=)