بسم الله الرحمن الرحيم

السلام عليكم ورحمة الله وبركاتة

300.000 عميل : اخذو البطايق لتشابهها مع ارقامهم في اتصالات والحين مايستخدمونها
100.000 عميل : لم تصل لهم التغطيه الى الآن
350.000 عميل : الهنود والبنغال من عمال البناء والخ وهم يستخدمونها فعلياً للتوفير
100.000 عميل : شركات التوظيف و التوصيل مثل ارامكس و امبوست لسرعة المكالمات ها ارباب انا قدام بيت مال انته يالله باي
100.000 عميل : للسياح ! استعملوها اسبوعين و طاروا الى بلدانهم فرحيين
1 : لرئيس الشركة !

و 49.999 هم المواطنين و الخليجين فالدوله !

وانا اشتريت بطاقة وماتفعلت اسبوع ويعتذرولي كل يوم، كسرت البطاقة مابا لا دو ولا هم يحزنون

فديت اتصالات والله ارسال 5/5

سؤالي، الى متى نظل نحتسب الكم ولا نحتسب الكيف؟

18 thoughts on “انضم لعائلة du ذات الـ 49.000 ألف عميل !”

  2. لا و سعر المكالمه، أونهم مسوين السعر بالثانيه (سعر الثانيتين =1 فلس). يعني سعر الدقيقه 30 فلس. بينما سعر الدقيقه ب 18-24 فلس في الإتصالات. يعني في فرق 12-6 فلوس بالدقيقه (صرقه عيني عينك).

    بسألكم، كم واحد يتكلم أقل من دقيقه في أغلب إتصالاته؟ (إلا إن كنتوا هنود أو قوم بو رنه، هذا شي ثاني ).

    أكثرية الناس تتكلم أكثر من 5 دقايق.
    مع إن الإتصالات حراميه، بس أحسن من دو.

    وازيدك من الشعر بيت الحين اذا بطاقة اتصالات مدفوعه ومافيها رصيد اتروم ترمس خدمه العملاء101

    اما دو الفاشله في ارسالها اذا ماعندك رصيد ماتروم ترمس خدمة العملاء جان اتصل واضارب وياهم ولا حياة لمن تنادي

    شووووووكرن لك اخوي

    ههههههههه
    أحيدك معصب من مده على الإتصالات، والحين تمدحهم. لا، و دومك تتصل و تضارب.

  3. انا كنت ناوي أخذ رقمي بس ماخذته وحجزت رقم من الإنترنت ورحت عسب أشتريه في المركز قالوا لي ما تقدر إلا عن طريق الإنترنت

    لهذا الشيء ما أستخدمها

    وفعلا الإتصالات غير حتى لو كان في نصب عيني عينك

  5. انا خذت رقم دو المشابه لرقمي..

    و اعطيته لولدي حمود في الصف الاول..

    بعد اسبوع فره على امه..

    و قالي وهو معصب:

    “شو هالموبايل القحط”

    حليله ما يدري انه العلة موب في الموبايل..

    الا العلة في البطاقة

    حتى هالياهل كرامته ماسمحت له يستخدم دو

Comments are closed.