السلام عليكم
ممكن رايكم وخبرتكم …
شو الأحسن من ناحية…
البترول
والتشييك
والخرابات
وتعامل الوكالة
وقطع الغيار
ومواصفاته
ورفاهيته

وحتى من ناحية انه اييب سعر زين اذا بغيت ابيعه في المستقبل

وانا ماتفرق عندي اذا فورويل والا صالون

انفنتي fx35 والا لكزس is300
ياريت من اصحاب الخبرة يردون عليه ويفيدوني
وشاكرة جداً تعاونكم دايما وياي

لان لاعت جبودنا من الألماني وخراباته وقطع غياره ….

9 thoughts on “انفنتي fx35 والا لكزس is300 .. دايما اشاوركم وماتقصرون”

  1. بسم الله الرحمن الرحيم

    السلام عليكم ورحمة الله وبركاته

    الحمدلله والصلاة والسلام على رسول الله وعلى آله وصحبه أجمعين

    طبعــــا وبكـــل تأكيـــد لكــــزس

    ولكن في نقطة تعامل الوكالة اختي الكريمة

    احب اقولج اول ما تروحين تشترين السيارة يحطونج فوق العين وعلى الراس

    ولكن بعد البيع وانتي تنتظرين الخدمة يبهدلونج

    طبعا هذا الكلام ينطبق على كل الوكالات وليست وكالة اللكزس بروحها

  2. انا معا كلام الاخ حبيب الكل … بس شي بظيفه معلومه عن Infiniti fx35 بساتن الانفينتي شويه اكبر من لكزس IS300 وصرفيه البترول بيكون صرف من لكزس لان مثل ماقلت لج بساتن الانفينتي شويه اكبر من لكزس والسيارتين كيوت يناسب للبنات وايد من ناحيه بدي سيارتين ونصيحه مني لج اشتري لكزس لان موديل 2011 مسوين نظام اليديد يوم تشترين يعطونج كونترك سيرفر 100 ألف وضمان لمده 5 سنوات اما الانفينتي اعتقد كونترك 100 ألف وضمان سنه اعتقد

  3. انا برايي الانفنتي fx35 توه متغير شكله وواسع وفخم ..

    لانه اللكزس اتوقع جريب بيتغير شكله لاننسى
    انه نازل من 2007 او نهاية 2006 اعتقد
    وصار شكله عادي فالشارع

    بس ك سعر للكزس اكيد سعره مايطيح ابسهوله

    البترول اتوقع نفس الشي يمكن شوي اللكزس اقل ..
    والتشييك نفس المستوى
    والخرابات اذا الموتر وكاله على الضمان اكيد واللكزس اقل اتوقع
    وتعامل الوكالة انا اتعاملت مع اللكزس ممم ماعليهم باس يمشون الحال
    وقطع الغيار اتوقع نفس الشي فرق بسيط يمكن
    ومواصفاته ممم اللكزس فخم والانفنتي فخم لاننسى انه هالعلامتين بينهم تنافس قوي فالسوق
    ورفاهيته للاثنين بعد

Comments are closed.