اهل الشهامة و الرحبة و السمحة و ضواحيها

.
.

.

.

بسم الله الرحمن الرحيم

اشحالكم يا اخوان . اول شي مشكورين على الدخول .

انا عندي استفسار بسيط و يا ليت حد منكم يقدر يفيدنا

قبل 5 او 6 سنين تقريبا كان الواحد اذا خاطره يسير يسبح في البحر وهو من منطقة السمحه و

الشهامة ضواحيها كان يسير صوب الطويلة

طبعن كلكم تعرفون الموقع الي في جنب القرية التراثية القديمة الي

هناك عدال مصنع التحلية وكل جمعه كان الشباب من هالمناطق يتجمعون هناك . المهم

عقبها بفترة تم وضع سياج و لوحة ارض خاصة عالمنطقة و منعوا الناس تروح . و الظاهر

المواطن الي خذ الارض سوى شالية او شي من هالقبيل

ما علينا . طبعن عقب الاصلاحات الي في شاطي

الراحة ما صار فيه مجال نروح هناك , وكان المكان الوحيد الي اسير له هو ( الحوض )

( للي ما يعرف الحوض هم ميناء قديم فالمنطقة تم تحديثة . وتعديل الشوارع فيه و انارتة و هو مكان استعراضات شباب المنطقة يعني الي في راسه يكسر موتره يسير هناك )

انا بصراحه كنت اسبوعيا اسير مرتين الى 3 مرات اسبح هناك بعد الفجر بحكم انه قريب .

و طبعن مثل ما تعرفون المكان فيه ناس تسير تحدق و ناس تقعد

. وشباب متجمعه تلعب ورقة ولا تشيش وكافين خيرهم و شرهم

و طبعن اذا كان فيه عرس او تحدي احسن لك لا تسير .

المهم انا من فترة جيته و حصلتهم مسوين شبك حديد و بوابة قلت يمكن الجماعة يمزحون

بس كانت مفتوحه .

. بس اليوم كان خاطري اسير اسبح لقيت البوابة مقفلة

إنا لله وانا اليه راجعون . يعني لازم اصك خط ابوظبي ولا اسير دبي عشان اسبح . عاد اذا الواحد ما

وده يشوف المهازل الي تستوي في الشواطئ و الابراص المعدية عقولة اللمبي وين يسير .

انا بتخبركم يا شباب . وين اقرب مكان فيه بحر نظيف في نطاق ال 20 كيلو متر من الشهامة و

ضواحيها و ما يكون لحد نيه انه يستثمره .

او حتى مسبح بفلوس في نادي صحي بس المهم اقدر اسبح . يعني من

الاخر مكان نظيف او مسبح في نادي صحي باشتراك سنوي او شهري .

لاحد يقول لي نادي الضباط ولا فندق ياس ولا فندق شاطي الراحة . كلها مريتها و مب الي فالخاطر

يا مسبح صغير . يا ناس مب طايقه الثياب الي عليها . ونا بصراحه انفتن بسرعه فاحسن لي

ابعد عن الشي هذا و الاماكن المشبوهة .

انا سمعت في سويحان العسكرية فيه اكثر من صاله مستثمرينها . فيها مسابح و صالات

رياضية و شي مرتب

. بس ما ادري هل ممكن لشخص مدني يشارك فيها ؟

ممكن تتحفونا باقتراحاتكم بلني تخبرت معظم الربع الي عندي . و كلهم اهل شيشه وورقة

مالهم في الرشاقة ^_^

والسموحه طولنا