اهلا بالجميع
هل اسعار اوتو تريدر معقوله
الحقيقه اطالع سياراتهم واسعارها احس انهم في كوكب ثاني وايد اسعارهم
لا تفهموني غلط المجله انتاجها حلو ومنتاجها رائع لكن الحق حق
ارجو ابداء رئيك وسامحونا ياجماعة الخير
16 thoughts on “>>>> اوتو تريدر صادقين؟؟؟؟”
Comments are closed.
انا ما ضحكني الا واحد في المنتدى عرض سيارة للبيع قبل فترة
نسيت كم السعر ،، لكن كاتب و للتنازل = 20 الف درهم ,, زيادة على مبلغ السيارة
الله يهدي الجميع ،، نحن هنيه يوم نقول للعضو سعرك غالي ياخوي او نحن شفناها بالسعر الفلاني
هب عليك هبة اعوذ بالله منها
…
للأسف نحن نزيد على بعض الاسعار عقب نقول كل شي صار غالي ….
و للأسف بقول كلمة صريحة ،، نحن المواطنين بالذات قمنا نتعلم اساليب النصب و الاستغلال من الاخوة الوافدين و الاسيوين
و صرنا ننافسهم بهذا الشي !! سبحان الله جنه الواحد فيهم يعتبر نفسه حقق انجاز كبير يوم نصب على شخص !!
تلقى اللي يبيع سيارته بسعر غالي يتفاخر جدام ربعه ،، و الله انا اليوم نصبت على واحد و بعت سيارتي بالمبلغ الفلاني …
نحن نقص على اعمارنا يوم نقول كل واحد و حلاله و كل واحد من حقه يطلب السعر اللي يباه و هذي تجارة
عمرها التجارة ما كانت جيه .. عمرها التجارة ما كانت نصب و احتيال و رفع للأسعار بدون مبرر
كيف تبى ربك يباركلك في رزقك و انت كل يوم و الثاني تنصب على غيرك و مسوي فيها “شاطر و ذكي” !!
المشكلة هنيه ما تقدر تتكلم .. الادارة تقولك العضو حر بحلاله و يبيعه بالسعر اللي يباه
حر اذا بينصب على خلق الله بعد ؟!
لازم نضع حد لهالظاهرة بصراحة .. لو كل واحد هنيه حط سعر مبالغ فيه المفروض نوقفه عند حده !
مب نسكت او نقوله الله يوفقك .. و نحن ندري انه يالس ينصب على الخلق و ساكتين
السلام عليكم
يا جماعة الخير
هذا سوق بيع و شرا
الي بيبيع يقول سعره والي بيشتري يقول سعره
وربكم المسهل
رضى البايع كان بها
رضى المشتري كان بها
والا يفتح الله
:: الله يوفقكـــم , بصراحــة عن نفسي من إستويت إشتري من الوكالة حتى لو سيارة على قد الحال أو فخمة ::
:: السيارة يوم تشتريها من الوكالة تعرف شو فيها و شو ما فيها و أنت الشخص الوحيد المستخدم , أبرك عن سياايير المستعملة تشتري سيارة و تفحصها و يطلع ما فيها شيء و عقب سنة تكتشف إنها مدعومة و لا كنت تدري الخــ .. ::
:: أنا أعرف شخص ويانا في الدوام من إستوى يشتري مستعمل يستخدم شهرين و عقب يبيع بربع السعر لإن تطلع الخرابات و اّخر مره بايع رنج سبورت سوبرجارج أول دفعة 2005 بسعر 85 ألف درهم إستغربت منه قالي لو إعدل كل شيء فيه جني شاري يديد ::
السلام عليكم
يا اخوي انته تقول البعض
لو عطيناك التفاصيل والبضاعه و شحنها وجمركها ومع الفايده اللي عزمنا اننا ناخذها كاتعاب بتضمن لنا شراه سلعتنا
هل بتشتري بضاعتنا ؟
يا اخوي انته وربعك اللي يفكرون نفس التفكير
التاجر يبا يربح
والزمان اللي تتكلمون عنه انه رافع السعر ولي وراح
الانترنت فضح كل شي
تعرف الغباء وين: يوم يقول واحد سعرها في النت ارخص !!!!! ما يحسب حساب الشحن والجمرك !!! والامر من هذا لا يفيد ولا يخلي غيره يستفيد لو قلنا حسد شويه عليهم هذا النار احسن منهم تحرق نفسها وتفيد الغير في الطباخ والحراره وغيرها
السموحه جان ثقلت عليك ولا علي غيرك بس لا تحكمون علي الناس من مجرد منتدي
مشكورين وبارك الله فيكم